ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
អ្នកសារព័ត៌មាននៅពាយព្យ ទទួលបានការអប់រំបន្ថែមស្តីពីសិទ្ធិទទួលបានព័ត៌មាន
30, Jan 2018 ,
7:39 pm
រូបភាព
លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន
×
ដោយ:
អុីសា រ៉ហានី (Isa Rohany)
សៀមរាប៖ ច្បាប់សិទ្ធិទទួលបានព័ត៌មាន ទើបនឹងបញ្ចប់សេចក្តីព្រាងបឋមរបស់ខ្លួន កាលពីថ្ងៃទី២៦ ខែមករា ឆ្នាំ២០១៨។ ច្បាប់នេះ មិនត្រឹមតែមានប្រយោជន៍សម្រាប់អ្នកសារព័ត៌មានប៉ុណ្ណោះទេ តែសម្រាប់ប្រជាពលរដ្ឋទូទៅផង។ ស្ថាប័នពាក់ព័ន្ធ បានរៀបចំវេទិកាបណ្តុះបណ្តាលមួយ ដល់អ្នកសារព័ត៌មានក្នុងខេត្តសៀមរាប ឧត្តរមានជ័យ និងបន្ទាយមានជ័យ ក្នុងបំណងដើម្បីផ្សព្វផ្សាយពីដំណើរការចងក្រងច្បាប់សិទ្ធិទទួលបានព័ត៌មាននេះ។
វេទិកាស្តីពី«ការផ្សព្វផ្សាយបទពិសោធន៍ និងចំណេះដឹងក្នុងការបង្កើតវគ្គបណ្តុះបណ្តាលស្តីពីសិទ្ធិទទួលព័ត៌មាន» ត្រូវបានរៀបចំឡើងនៅមន្ទីរព័ត៌មានខេត្តសៀមរាប ដោយមានអ្នកសារព័ត៌មានចំនួន៣ខេត្តចូលរួម មានខេត្តសៀមរាប ឧត្តរមានជ័យ និងបន្ទាយមានជ័យ។
លោក ឆាយ សុផល តំណាងអង្គការយូណេស្កូប្រចាំកម្ពុជា បានលើកឡើងថា ក្នុងរយៈពេលចំនួន២ឆ្នាំកន្លះនេះ គឺមានការពិភាក្សាវែកញែក លើចំណុចជាច្រើនជុំវិញការរៀបចំសេចក្តីព្រាងច្បាប់សិទ្ធិទទួលបានព័ត៌មាននេះ។ លោកបន្ថែមថា ច្បាប់នេះគឺក្រសួងជាអ្នកគ្រោងលើមាត្រានីមួយៗ ហើយបានយកមកឱ្យក្រុមការងារបច្ចេកទេស ដែលមានសមាជិកចម្រុះពីស្ថាប័នរដ្ឋ អង្គការ និងក្លឹបអ្នកកាសែតចូលរួមពិភាក្សា ដូច្នេះធ្វើឱ្យមានចំណុចជាច្រើនដែលមិនស្របគ្នា និងជជែកគ្នាខ្លាំង។
លោក ឆាយ សុផល បានបញ្ជាក់យ៉ាងដូច្នេះថា៖« ចំណុចដែលប្រទាញប្រទង់គ្នាខ្លាំងលើច្បាប់សិទ្ធិទទួលបានព័ត៌មាន គឺទាក់ទងនឹងព័ត៌មានសំងាត់ និងរយៈពេលស្នើសុំព័ត៌មានពីមន្ត្រីរដ្ឋបាលសាធារណៈ»។
រដ្ឋមន្ត្រីក្រសួងព័ត៌មាន លោក ខៀវ កាញារីទ្ធ ថ្លែងថា នៅក្នុងសង្គមប្រជាធិបតេយ្យ ចាំបាច់ត្រូវតែមានច្បាប់ស្តីពីសិទ្ធិទទួលបានព័ត៌មាន មានន័យថា គេមិនអាចខ្វះគ្នាបានឡើយ។ លោករដ្ឋមន្ត្រីបន្តថា ច្បាប់នេះមិនសម្រាប់តែអ្នកសារព័ត៌មានប៉ុណ្ណោះទេ តែវាធ្វើឡើងសម្រាប់ប្រជាពលរដ្ឋទូទៅផង។ «ស្ថាប័នសាធារណមានភារកិច្ច និងកាតព្វកិច្ចផ្តល់ព័ត៌មានទូលំទូលាយ លើកលែងតែព័ត៌មានមួយចំនួនដែលប៉ះពាល់ដល់សន្តិសុខជាតិជាដើម។ សួរថាយើងធ្វើដើម្បីអី? នៅក្នុងសង្គមប្រជាធិបតេយ្យ សំខាន់ការបោះឆ្នោត តែវាជាចំណុចចុងក្រោយទេ សំខាន់គឺការចូលរួមរបស់ប្រជាពលរដ្ឋក្នុងដំណើរការអធិការកិច្ច អភិបាលកិច្ច គាត់ដឹងទាំងអស់ គាត់រើសបាន គាត់សម្រេចចិត្តបាន បើមិនដឹងគាត់វិលវល់អស់...»។ នេះជាការពន្យល់របស់រដ្ឋមន្ត្រីក្រសួងព័ត៌មាន ក្នុងវេទិកានៅថ្ងៃទី២៩ ខែមករា ឆ្នាំ២០១៨។
លោក សោម រតនា នាយកវិទ្យាស្ថានសារគមនាគមន៍កម្ពុជា បានឱ្យដឹងក្នុងវេទិកានេះដែរថា ក្នុងកិច្ចការរៀបចំច្បាប់សិទ្ធិទទួលព័ត៌មាននេះដែរ ភ្នាក់ងារអភិវឌ្ឍន៍អន្តរជាតិប្រទេសស៊ុយអ៊ែត (SIDA) បានឧបត្ថម្ភមូលនិធិ តាមរយៈអង្គការ យូណេស្កូ ភ្នំពេញ ដល់វិទ្យាស្ថានរបស់លោករយៈពេល៣ឆ្នាំ ដើម្បីអនុវត្តគម្រោង បង្កើនការទាមទារសិទ្ធិទទួលបានព័ត៌មានពីវិស័យប្រព័ន្ធផ្សព្វផ្សាយ ពីឆ្នាំ២០១៥ ដល់ឆ្នាំ ២០១៧។
តាមការបញ្ជាក់របស់លោក សោម រតនា ក្រោមគម្រោងខាងលើនេះ វិទ្យាសា្ថនសារគមន៍គមន៍កម្ពុជា ក្រោមអនុគម្រោងសិទ្ធិទទួលព័ត៌មាននេះ ផ្តោតលើសមាសភាពសំខាន់បី ទី១ គោលការណ៍ និងទស្សនទានមូលដ្ឋាននៃសិទ្ធិទទួលព័ត៌មាន ទី២ ការសរសេរ និងរាយការណ៍ព័ត៌មានបែបស៊ើបអង្កេត និងទី៣ ក្រមសីលធម៌អ្នកសារព័ត៌មាន៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
សិទ្ធិទទួលបានព័ត៌មាន
អ្នកកាសែត
© រក្សាសិទ្ធិដោយ thmeythmey.com
អត្ថបទពេញនិយម
ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ
1 សប្តាហ៍
នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤
4 ថ្ងៃ
សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង
6 ថ្ងៃ
«មជ្ឈការ»មានន័យខុសពី«វិមជ្ឈការ»ដូចម្តេច?
2 ថ្ងៃ
អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ
4 ថ្ងៃ
អត្ថបទពេញនិយមបន្ថែម