ជាតិ
សេដ្ឋកិច្ច
ក្រសួងកសិកម្មចុះ MOU អភិវឌ្ឍន៍វិស័យដំឡូងមីជាមួយវិនិយោគិនចិន
× ភ្នំពេញ៖ ក្រសួងកសិកម្ម រុក្ខាប្រមាញ់ និងនេសាទ នៅថ្ងៃទី២៩ខែមករា បានចុះអនុស្សារណៈនៃការយោគយល់គ្នា (MOU) ជាមួយក្រុមហ៊ុន GreenLeader (Cambodia) ក្នុងគោលបំណងពង្រឹងកិច្ចសហការអភិវឌ្ឍន៍វិស័យផលិតកម្មដំឡូងមី ដែលគ្រោងនឹងដាំដុះលើផ្ទៃដីគំរូជិត ២ម៉ឺនហិកតា។
បើតាមសេចក្ដីប្រកាសព័ត៌មានរបស់ក្រសួងកសិកម្ម គម្រោងនេះនឹងត្រូវអនុវត្តក្នុងខេត្តសក្ដានុពល ដូចជា ខេត្តបាត់ដំបង ប៉ៃលិន កំពង់ចាម ក្រចេះ និងខេត្តត្បូងឃ្មុំ។
លោក Zhan Sanhuo ប្រធានក្រុមប្រឹក្សាភិបាលក្រុមហ៊ុន GreenLeader បានឲ្យដឹងថា ក្រុមហ៊ុននឹងអនុវត្តកិច្ចសន្យាកសិកម្មជាមួយកសិករ តាមរយៈការផ្ដល់ទុន ពូជ ជី និងបច្ចេកទេស រួចប្រមូលទិញពីកសិករវិញតាមតម្លៃកំណត់ក្នុងកិច្ចសន្យា។ លោកបន្ថែម បន្ទាប់ពីគម្រោងនេះចាប់ផ្ដើមបានរយៈពេល៣ឆ្នាំ ក្រុមហ៊ុននឹងសាងសង់រោងចក្រកែច្នៃដំឡូងមីចំនួន៣កន្លែង ដើម្បីនាំចេញដំឡូងមីទៅទីផ្សារចិន និងអន្តរជាតិ៕
© រក្សាសិទ្ធិដោយ thmeythmey.com