ជាតិ
×![]()
ដោយ: ថ្មីៗ
សៀមរាប៖ គណៈកម្មការចម្រុះចុះអនុវត្តន៍អនុក្រឹត្យលេខ ១៥៨ ដែលមានរដ្ឋបាលខេត្តសៀមរាប អាជ្ញាធរអប្សរា និងតុលាការ កាលពីថ្ងៃម្សិលមិញ បានចុះរុះរើរបងមួយកន្លែង ស្ថិតនៅភូមិអញ្ចាញ សង្កាត់នគរធំ ក្រុងសៀមរាប។ បើតាមអាជ្ញាធរ ដីរដ្ឋជាង១ហិកតា បានគ្រប់គ្រងដោយខុសច្បាប់ពីសំណាក់បុគ្គលម្នាក់ដែលតាំងខ្លួនធ្វើជាទាហាន។
សកម្មភាពរំលោភដីស្ថិតក្នុងបុរីសណ្ឋាគារ ដែលគ្រប់គ្រងដោយអាជ្ញាធរអប្សរា ចាប់ផ្តើមតាំងពីថ្ងៃទី៥ ខែមករា ដោយបុគ្គលម្នាក់ដែលអះអាងខ្លួនថា ជាទាហាន បានដាំរបងថ្មរាយលួសបន្លា និងចាក់ដីបំពេញ។ គណៈកម្មការចម្រុះបានចុះអនុវត្តអនុក្រឹត្យលេខ ១៥៨ នៅព្រឹកថ្ងៃទី ៣០ ខែមករា ដើម្បីរុះរើរបង និងដាំបង្គោលកំណត់ព្រំដីរបស់រដ្ឋ (បង្គោលក្បាលក្រហម)។
លោក ខូយ គឹមទួ ទីប្រឹក្សាអាជ្ញាធរជាតិអប្សរា ទទួលបន្ទុកគណៈកម្មការអន្តរក្រសួងដោះស្រាយគោលនយោបាលដីធ្លីបុរីវប្បធម៌ ទេសចរណ៍ ថ្លែងថា យោងតាមអនុក្រឹត្យលេខ ១៥៨ ស្តីពីការកាត់ដីបុរីសណ្ឋាគារ បានបញ្ជាក់ច្បាស់ថា ត្រូវប្រគល់ដីទៅពលរដ្ឋវិញសម្រាប់ក្បាលដីណាដែលមិនទាន់ដោះស្រាយគោលនយោបាយហើយ សម្រាប់ក្បាលដីដែលដោះស្រាយរួច គឺប្រគល់សិទ្ធិគ្រប់គ្រងដល់អាជ្ញាធរអប្សរា។
លោក ខូយ គឹមទួ បានអះអាងថា សម្រាប់ក្បាលដីដែលរងការរំលោភនេះ គណៈកម្មការចម្រុះបានពិនិត្យឃើញថា ធ្លាប់បានដោះស្រាយគោលនយោបាយរួចហើយ និងធ្លាប់មានពលរដ្ឋមួយចំនួនដាក់ពាក្យតវ៉ា ប៉ុន្តែត្រូវបានគណៈកម្មការចម្រុះពិនិត្យ និងបដិសេធ។
ប្រភពពីពលរដ្ឋនៅក្បែរនោះ បានអះអាងថា ពីដើមមក បុរសដែលតាំងខ្លួនជាទាហាន និងបក្សពួក គ្រាន់តែជាអ្នកចាំដីឱ្យគេតែប៉ុណ្ណោះ។ អភិបាលក្រុងសៀមរាប លោក សូរ ប្លាតុង ដែលបានចុះទៅទីតាំងរុះរើនោះដែរ បានសំណូមពរដល់ប្រជាពលរដ្ឋទាំងអស់ ពិសេសអ្នកចំណូលថ្មី មុននឹងទិញដីនៅកន្លែងណាមួយ ត្រូវស្គាល់ប្រវត្តិដីនោះឱ្យច្បាស់លាស់ ជៀសវាងការខាតបង់ទៅថ្ងៃក្រោយ៕
សកម្មភាពរំលោភដីស្ថិតក្នុងបុរីសណ្ឋាគារ ដែលគ្រប់គ្រងដោយអាជ្ញាធរអប្សរា ចាប់ផ្តើមតាំងពីថ្ងៃទី៥ ខែមករា ដោយបុគ្គលម្នាក់ដែលអះអាងខ្លួនថា ជាទាហាន បានដាំរបងថ្មរាយលួសបន្លា និងចាក់ដីបំពេញ។ គណៈកម្មការចម្រុះបានចុះអនុវត្តអនុក្រឹត្យលេខ ១៥៨ នៅព្រឹកថ្ងៃទី ៣០ ខែមករា ដើម្បីរុះរើរបង និងដាំបង្គោលកំណត់ព្រំដីរបស់រដ្ឋ (បង្គោលក្បាលក្រហម)។
លោក ខូយ គឹមទួ ទីប្រឹក្សាអាជ្ញាធរជាតិអប្សរា ទទួលបន្ទុកគណៈកម្មការអន្តរក្រសួងដោះស្រាយគោលនយោបាលដីធ្លីបុរីវប្បធម៌ ទេសចរណ៍ ថ្លែងថា យោងតាមអនុក្រឹត្យលេខ ១៥៨ ស្តីពីការកាត់ដីបុរីសណ្ឋាគារ បានបញ្ជាក់ច្បាស់ថា ត្រូវប្រគល់ដីទៅពលរដ្ឋវិញសម្រាប់ក្បាលដីណាដែលមិនទាន់ដោះស្រាយគោលនយោបាយហើយ សម្រាប់ក្បាលដីដែលដោះស្រាយរួច គឺប្រគល់សិទ្ធិគ្រប់គ្រងដល់អាជ្ញាធរអប្សរា។
លោក ខូយ គឹមទួ បានអះអាងថា សម្រាប់ក្បាលដីដែលរងការរំលោភនេះ គណៈកម្មការចម្រុះបានពិនិត្យឃើញថា ធ្លាប់បានដោះស្រាយគោលនយោបាយរួចហើយ និងធ្លាប់មានពលរដ្ឋមួយចំនួនដាក់ពាក្យតវ៉ា ប៉ុន្តែត្រូវបានគណៈកម្មការចម្រុះពិនិត្យ និងបដិសេធ។
ប្រភពពីពលរដ្ឋនៅក្បែរនោះ បានអះអាងថា ពីដើមមក បុរសដែលតាំងខ្លួនជាទាហាន និងបក្សពួក គ្រាន់តែជាអ្នកចាំដីឱ្យគេតែប៉ុណ្ណោះ។ អភិបាលក្រុងសៀមរាប លោក សូរ ប្លាតុង ដែលបានចុះទៅទីតាំងរុះរើនោះដែរ បានសំណូមពរដល់ប្រជាពលរដ្ឋទាំងអស់ ពិសេសអ្នកចំណូលថ្មី មុននឹងទិញដីនៅកន្លែងណាមួយ ត្រូវស្គាល់ប្រវត្តិដីនោះឱ្យច្បាស់លាស់ ជៀសវាងការខាតបង់ទៅថ្ងៃក្រោយ៕
Tag:
អាជ្ញាធរអប្សរា
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
