ជាតិ
សង្គមជាតិ
ឧត្តមសេនីយ៍ត្រី១រូប សង១ពាន់ដុល្លារទៅនារីម្នាក់ដែលខ្លួនគប់បែកក្បាល
×![]()
ឧត្តមសេនីយ៍ត្រីម្នាក់ឈ្មោះ លោក នេត សំអាត ដែលស្ថិតក្នុងស្ថានស្រវឹង បានគ្រវែងចានចង្កឹះ ចំនារីបម្រើការម្នាក់នៅភោជនីយដ្ឋាន បណ្តាលឲ្យបែកក្បាល៤ថ្នេរ។ ដើម្បីបញ្ចប់រឿង យោធាផ្កាយមួយរូបនោះ បានសងសំណង១ពាន់ដុល្លារអាមេរិក។ នេះបើតាមការចុះផ្សាយក្នុងគេហទំព័ររបស់អគ្គស្នងការនគរបាលជាតិ។
បើតាមអគ្គស្នងការនគរបាលជាតិ ស្ត្រីរងគ្រោះឈ្មោះ ជិន ស្រីនាង អាយុ១៧ឆ្នាំ បានដាក់បណ្ដឹងទៅសមត្ថកិច្ច។ ប៉ុន្តែ ឧត្តមសេនីយ៍ ដែលបង្កហេតុនោះ បានទៅសម្របសម្រួលជាមួយឪពុកម្ដាយរបស់នារីរងគ្រោះ។
លោកឧត្តមសេនីយ៍ នេត សំអាត ដែលជាមន្ត្រីទំនាក់ទំនងព្រំដែនកម្ពុជា-ថៃ បានបញ្ជាក់ប្រាប់អគ្គស្នងការនគរបាលជាតិថា លោកបានយកចានចង្កឹះគប់ទៅជញ្ជាំង រួចខ្ទាតកម្ទេចចាន ទៅចំក្បាលនារីនោះ។
សូមបញ្ជាក់ថា ករណីមន្ត្រីទំនាក់ទំនងព្រំដែនកម្ពុជា-ថៃ ថ្នាក់ឧត្តមសេនីយ៍រូបនេះ បានកើតឡើងកាលពីថ្ងៃទី២៧ មករា ឆ្នាំ២០១៨ នៅក្នុងភោជនីយដ្ឋានមួយ នាក្រុងប៉ោយប៉ែត ខេត្តបន្ទាយមានជ័យ៕
Tag:
ឧត្តមសេនីយ៍
ស្ត្រីអ្នកបម្រើ
ប៉ោយប៉ែត
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
