ម្តាយ និងភរិយាលោក កឹម សុខា ត្រូវបានអនុញ្ញាតឲ្យចូលក្នុងតុលាការ

ជាតិ

នយោបាយជាតិ

ម្តាយ និងភរិយាលោក កឹម សុខា ត្រូវបានអនុញ្ញាតឲ្យចូលក្នុងតុលាការ

01, Feb 2018 , 10:54 am

រូបភាព

ដោយ: ម៉ៅ សុផា

ភ្នំពេញ៖ ម្តាយ និងភរិយា របស់លោក កឹម សុខា អតីតប្រធានគណបក្សសង្គ្រោះជាតិ ត្រូវបានអនុញ្ញា ឲ្យចូលក្នុងសាលាឧទ្ធរណ៍ ដើម្បីជួបលោក។ នៅព្រឹកថ្ងៃទី១ ខែកុម្ភៈនេះ សាលាឧទ្ធរណ៍ បានបើកសវនាការតាមបណ្តឹងរបស់មេធាវីការពារក្តី ដែលស្នើសុំឲ្យលោក កឹម សុខា បានរស់នៅក្រៅឃុំបណ្តោះអាសន្ន។

សាលាឧទ្ធរណ៍ បានអនុញ្ញាតឲ្យម្តាយ និងភរិយាលោក កឹម សុខា បានចូលទៅក្នុងបរិវេណតុលាការ ដើម្បីជួប លោក កឹម សុខា។ សាលាឧទ្ធរណ៍ នៅព្រឹកថ្ងៃទី១ ខែកុម្ភៈនេះ បានបើកសវនាការតាមសំណើរបស់ក្រុមមេធាវី សុំឲ្យលោក កឹម សុខា រស់នៅក្រៅឃុំជាបណ្តោះអាសន្ន។

លោក កឹម សុខា អតីតប្រធានគណបក្សសង្គ្រោះជាតិ ត្រូវបានបញ្ជូនពីពន្ធនាគារត្រពាំងផ្លុង ខេត្តត្បូងឃ្មុំ ជាលើកទី១ ដើម្បីចូលរួមសវនាការការ ដើម្បីតតាំងតាមផ្លូវច្បាប់ ខណៈដែលកន្លងមក តុលាការ តែងបើកសវនាការ ដោយគ្មានវត្តមានរបស់លោក កឹម សុខា។ ជាមួយគ្នានេះ ក្រុមមេធាវី ដែលការពារក្តីឲ្យលោក កឹម សុខាក៏មានវត្តមានការពារក្តីរបស់លោក កឹម សុខា ចូលរួមផងដែរ។ មុនឈានដល់សាលាឧទ្ធរណ៍ ក្រុមមេធាវី ធ្លាប់ស្នើនៅសាលាដំបូងរាជធានីភ្នំពេញម្តងរួចមកហើយ ប៉ុន្តែត្រូវបានច្រានចោល៕