កីឡាអន្តរជាតិ
អន្តរជាតិ
កីឡាអូឡាំពិក៖ អត្តពលិក និងអ្នកពាក់ព័ន្ធនឹងបានកាដូស្រោមអនាម័យពីកូរ៉េខាងត្បូង
× ការប្រកួតកីឡាអូឡាំពិករដូវរងារឆ្នាំ២០១៨ នៅក្រុងព្យុងឆាង ប្រទេសកូរ៉េខាងត្បូងនឹងចាប់ផ្តើមឡើងនៅថ្ងៃទី៩ ខែកុម្ភៈខាងមុខនេះ។ ព្រឹត្តិការណ៍កីឡាដ៏ធំលើកនេះ នឹងបង្កើតកំណត់ត្រាមួយតាមរយៈការចែកស្រោមអនាម័យយ៉ាងច្រើនមិនធ្លាប់មានពីមុនមកដល់អត្តពលិក រួមទាំងក្រុមការងារដែលពាក់ព័ន្ធទាំងអស់។ នេះបើយោងតាមការផ្សាយរបស់ទីភ្នាក់ងារសារព័ត៌មាន AFP។
នៅសល់តែរយៈពេល៧ថ្ងៃទៀតប៉ុណ្ណោះពោលគឺនៅថ្ងៃសុក្រសប្តាហ៍ក្រោយពិធីបើកការប្រកួតកីឡាអូឡាំពិកនឹងចាប់ផ្តើមដំណើរការជាផ្លូវការហើយ ដោយមានអត្តពលិកចូលរួមសរុបចំនួន ២៩២៥ នាក់។ ក្នុងនោះដែរស្រោមអនាម័យ ១១០០០០ ស្រោម នឹងត្រូវចែកជូនដល់កីឡាករ កីឡាការិនី រួមទាំងអ្នកចូលរួមទាំងអស់ដោយឥតគិតថ្លៃដែលគិតជាមធ្យមក្នុងម្នាក់ៗទទួលបាន ៣៧ស្រោម សម្រាប់ប្រើប្រាស់ក្នុងអំឡុងការប្រកួតនេះ។
ក្រៅពីនោះ ស្រោមមួយចំនួនទៀតនឹងត្រូវដាក់តាមបន្ទប់ទឹកប្រុស-ស្រី និងនៅតាមបន្ទប់ស្នាក់នៅរបស់អត្តពលិក រួមទាំងទីតាំងរបស់ក្រុមអ្នកសារព័ត៌មានផងដែរ។
បើតាមការអះអាងរបស់អ្នករៀបចំកម្មវិធីកីឡា ចំនួនស្រោមដែលគ្រោងចែកចាយលើកនេះគឺច្រើនជាងកាលពីអូឡាំពិកឆ្នាំ ២០១០ នៅទីក្រុង Vancouver ប្រទេសកាណាដា និងនៅទីក្រុងសូជី ប្រទេសរុស្ស៊ី ឆ្នាំ២០១៤ទៅទៀត។
ប្រភពខាងលើដដែលបានបន្ថែមថាការចំណាយស្រោមអានាម័យដ៏ច្រើនសន្ធឹកមិនធ្លាប់មាននេះ គឺដើម្បីបញ្ជៀស និងទប់ស្កាត់ការរីករាលដាលមេរោគអេដស៍ឲ្យបានជោគជ័យក្នុងព្រឹត្តិការណ៍កីឡាអូឡាំពិករដូវរងាឆ្នាំ២០១៨នេះ៕
Tag:
កីឡាអូឡាំពិក
កូរ៉េខាងត្បូង
ស្រោមអានាម័យ
© រក្សាសិទ្ធិដោយ thmeythmey.com