មុខរបរ​ម៉ូតូឌុប និង​ទុក​ទុក​នឹងមាន​វាសនា​អាក្រក់​ដូច​មុខរបរ​កង់​ឌុប និង​ស៊ីក្លូ​, ហេតុអ្វី​?
ពីនេះ ពីនោះ / មិនយល់...!
មុខរបរ​ម៉ូតូឌុប និង​ទុក​ទុក​នឹងមាន​វាសនា​អាក្រក់​ដូច​មុខរបរ​កង់​ឌុប និង​ស៊ីក្លូ​, ហេតុអ្វី​?
04, Feb 2018 , 5:59 pm        
រូបភាព
ដោយ: ថ្មីៗ
 ​ភ្នំពេញ​៖ ក្នុង​រយៈពេល​មួយឆ្នាំ​ចុងក្រោយ​នេះ អ្នករត់ម៉ូតូឌុប និង​អ្នករត់​ម៉ូតូ​រឺ​ម៉ក​កង់​បី​(​ទុក​ទុក​) បាន​ត្អូញត្អែរ​គ្រប់គ្នា​ថា ប្រាក់ចំណូល​របស់​ពួកគេ​ធ្លាក់ចុះ​យ៉ាងគំហុក​។ តើក​ត្កា​អ្វីខ្លះ​ដែល​នាំ​ឲ្យ​ប្រាក់ចំណូល​អ្នករត់ម៉ូតូឌុប និង​អ្នករត់​ម៉ូតូ​រឺ​ម៉ក​កង់​បី​ធ្លាក់ចុះ ហើយ​មុខរបរ​របស់​ពួកគេ​នឹង​ឈានទៅរក​ក្ស័យធន​?


​មុខរបរ កង់​ឌុប ក្ស័យធន​រួចហើយ​។ មុខរបរ រឺ​ម៉ក​កង់ ស្ទើរ​បាត់បង់​ពី​ទីផ្សារ​រួចហើយ​។ មុខរបរ ស៊ីក្លូ ស្ទើរ​លែង​រស់​ហើយ​។ ចុះ​មុខរបរ​ម៉ូតូឌុប និង​មុខរបរ​ម៉ូតូ​រឺ​ម៉ក​កង់​បី​(​ទុក​ទុក​) នឹង​ក្ស័យធន​ដែរឬទេ​? 
 
​មុខរបរ​ម៉ូតូឌុប និង​អ្នករត់​ទុក​ទុក​មិនទាន់​ដួល​នៅឡើយ​ទេ​។ តែ​មុខរបរ​នេះ​ចាប់ផ្តើម​មាន​សញ្ញា​អាក្រក់​ដូច​មុខរបរ​ស៊ីក្លូ កង់​ឌុប និង​រឺ​ម៉ក​កង់​ហើយ​នាពេលនេះ មានន័យថា មិនយូរ​មិនឆាប់ មុខរបរ​ទាំងពីរ​នេះ​នឹងមាន​វាសនា​អាក្រក់​ដូច​មុខរបរ​ដែល​បាន​រៀបរាប់​ខាងលើ​ដែរ​។ 
 
​មុខរបរ​ម៉ូតូឌុប និង​មុខរបរ​រឺ​ម៉ក​កង់​បី​(​ទុក​ទុក​)​អាច​នឹង​ដួល​បះជើង​នាពេលខាងមុខ​ដោយសារ​មូលហេតុ​មួយចំនួន​ក្នុងនោះ​មាន​៖ ទី​១ គឺ​ដោយសារ​ការប្រកួតប្រជែង​ដ៏​ស្រួចស្រាល់​ពី​សំណាក់​ក្រុមហ៊ុន​ដឹកជញ្ជូន​បែប​ទំនើប​បរទេស​-​ខ្មែរ ដូចជា Uber App, Pass App, Grab… ក្រុមហ៊ុន​បែប​ទំនើប​ថ្មីៗ​ទាំងនេះ មាន​តម្លៃថោក​ដោយសារ​ការប្រើប្រាស់​ហ្គាស​។ 
 
​ទី​២ គឺ​ដោយសារ សេដ្ឋកិច្ច​អ្នកក្រីក្រ​ដែលមាន​ទម្លាប់​ជិះ​ម៉ូតូឌុប និង​ទុក​ទុក​កើនឡើង​បន្តិច ហើយក​ត្កា​នេះ​អនុញ្ញាត​ឲ្យ​ពួកគេ​អាច​ទិញ​ម៉ូតូ​ជិះ​ដោយ​ខ្លួនឯងបាន និង​មូលហេតុ​ទី​៣ គឺ​ដោយសារ​សេវាកម្ម​ឲ្យ​ខ្ចីប្រាក់​មាន​លក្ខណៈ​ទូលំទូលាយ​។ មានន័យថា អ្នកក្រីក្រ​ទាំងឡាយ​អាចមាន​លទ្ធភាព​ខ្ចីលុយ​ទិញ​ម៉ូតូ​ដែលមាន​តម្លៃថោក​តាមរ​យៈ​រូបមន្ត​បង់​រំ​លោះ​ប្រចាំខែ ឬ​ប្រចាំថ្ងៃ​។ 
 
​ដោយសារតែ​លក្ខខណ្ឌ​ចុងក្រោយ​នេះ​មាន​លក្ខណៈ​អំណោយផល​យ៉ាងខ្លាំង​ដល់​អ្នកក្រីក្រ​ដូច្នោះ មុខរបរ​អ្នករត់​ម៉ូតូ និង​អ្នករត់​ទុក​ទុក​ប្រឈម​នឹង​ការដួលរលំ​នាពេលខាងមុខ​ជាក់​ជាពុំខាន​។ និយាយ​បែប​ផ្សេង អ្នកក្រីក្រ​សម្លាប់​អ្នកក្រីក្រ ឬ​ម្យ៉ាងទៀត ក្រុមហ៊ុន​ធំ​កំពុង​សម្លាប់​មុខរបរ​តូចតាច​៕ 

Tag:
 ពីនេះ ពី​នោះ
© រក្សាសិទ្ធិដោយ thmeythmey.com