អាល្លឺម៉ង់ផ្តល់ជំនួយរថយន្ត Mercedes-Benz ១២៦គ្រឿង ទៅរដ្ឋាភិបាលហ្ស៊កដានី

រថយន្ត

អន្តរជាតិ

05, Feb 2018 , 7:59 pm

រូបភាព

សាធារណរដ្ឋសហព័ន្ធអាល្លឺម៉ង់កាលពីចុងខែមករា កន្លងមក តាមរយៈលោកស្រី Ursula von der Leyen រដ្ឋមន្ត្រីក្រសួងការពារជាតិ បានប្រគល់រថយន្ត Mercedes-Benz ចំនួន១២៦គ្រឿងទៅរាជាណាចក្រហ្ស៊កដានី នៅទីក្រុង Amman។ រថយន្តទាំងនេះ ជាជំនួយរបស់ក្រុងប៊ែរឡាំង ដើម្បីដឹកបុគ្គលិករក្សាសន្តិសុខ និងក្រុមជនអន្តោប្រវេសន៍។

រថយន្តប្រភេទមីនីបឹស Sprinter Transfer ចំនួន៥៦គ្រឿង រថយន្ត Zetros 2733 A 6x6 ចំនួន២០គ្រឿង និងរថយន្ត Zetros 1833 A 4x4 ចំនួន៥០គ្រឿង ត្រូវប្រើប្រាស់ជាមធ្យោបាយធ្វើដំណើរសម្រាប់កងកម្លាំងសន្តិសុខ និងជនរងគ្រោះដោយសារសង្គ្រាមដ៏រាំរ៉ាំនៅតាមតំបន់ព្រំដែននៃប្រទេសហ្ស៊កដានី។

យោងតាមការផ្សាយរបស់ Fox Business នេះជាកញ្ចប់ជំនួយរបស់រដ្ឋាភិបាលអាល្លឺម៉ង់ សម្រាប់រដ្ឋាភិបាលហ្ស៊កដានី តាមរយៈក្រុមហ៊ុន Daimler AG (DAI.XE) ដែលជាក្រុមហ៊ុនផលិតរថយន្ត Mercedes។ Daimler បានបញ្ជាក់នៅក្នុងសេចក្តីប្រកាសព័ត៌មានរបស់ខ្លួនថា៖ «ជំនួយនេះ ជាផ្នែកនៃគំនិតផ្តួចផ្តើមរបស់រដ្ឋាភិបាលសហព័ន្ធអាល្លឺម៉ង់ ក្នុងការគាំទ្ររដ្ឋ ដែលកំពុងប្រយុទ្ធប្រឆាំងនឹងអំពើភេរវកម្ម»។

របាយការណ៍ក៏បានបង្ហាញផងដែរ ក្រសួងការពារជាតិអាល្លឺម៉ង់ចំណាយក្នុងរង្វង់១៨លានអឺរ៉ូ (២២លានដុល្លារអាមេរិក) សម្រាប់ជំនួយជាកញ្ចប់នេះ។ បន្ថែមពីលើនេះ អាល្លឺម៉ង់ក៏ផ្តល់ការបណ្តុះបណ្តាញជំនាញបន្ថែមដល់កងអាកាសយាននិក និងសេវាកម្មហ្វឹកហ្វឺនផ្សេងទៀតផងដែរ៕

ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ

1 សប្តាហ៍

នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤

4 ថ្ងៃ

សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង

7 ថ្ងៃ

«មជ្ឈការ»មានន័យខុសពី«វិមជ្ឈការ»ដូចម្តេច?

3 ថ្ងៃ

អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ

5 ថ្ងៃ

អត្ថបទពេញនិយមបន្ថែម