នៅបារាំង យ៉ាងហោចរថយន្ត២៨៥គ្រឿង ត្រូវបានចោរលួចជារៀងរាល់ថ្ងៃ

រថយន្ត

អន្តរជាតិ

05, Feb 2018 , 8:59 pm

រូបភាព

ទស្សនាវដ្តីយានយន្ត Auto Plus របស់បារាំង បានសម្ភាសក្រុមហ៊ុនធានារ៉ាប់រង និងធនាគារចំនួន១៥ដែលគ្របដណ្តប់លើរថយន្តជាង២០លានគ្រឿង ដើម្បីឲ្យដឹងពីតួលេខរថយន្តដែលត្រូវបានលួចច្រើនជាងគេនៅឆ្នាំ២០១៧ ។ របាយការណ៍បានបង្ហាញថា តួលេខមានការថយចុះ ៥.១ភាគរយ បើប្រៀបធៀបទៅនឹងឆ្នាំ២០១៦ ។ ប៉ុន្តែចំនួនរថយន្តដែលបាត់បង់ប្រចាំថ្ងៃ មានប្រមាណ២៨៥គ្រឿង។

រថយន្តម៉ាក Smart Fortwo ស្ថិតក្នុងចំណាត់ថ្នាក់លេខ១ ដែលជាទីចំណាប់អារម្មណ៍របស់ក្រុមចោរ ដោយជំនួសតំណែងរបស់ Ranger Rover Evoque កាលពីឆ្នាំមុន។ Renault Clio 4 ដែលកាលពីឆ្នាំ២០១៦ ស្ថិតនៅលេខ៦ បានឡើងមកលំដាប់លេខ២វិញ ខណៈ Ranger Rover Evoque ធ្លាក់ទៅលេខ៣ ។

BMW មានរហូតដល់ទៅ៣ម៉ូដែលក្នុងចំណោមរថយន្ត Top 10 ដែលត្រូវបានលួចជាងគេនៅបារាំង ក្នុងនោះ BMW X6 ស្ថិតនៅលេខ៤ BMW Serie 6 ស្ថិតនៅលេខ៦ និង BMW X5 ស្ថិតនៅលេខ៩ ។ Renault Twingo 1 ជាប់លេខ៥ La Rover Range Rover/Range Rover Sport ស្ថិតនៅលេខ៧ Mercedes CLA ជាប់លេខ៨ និង Citroen DS3/DS3 Cabrio ជាប់លេខ១០ ។

ជាមួយគ្នា របាយការណ៍ដែលសិក្សាដោយក្លិបយានយន្ត Club Identicar បានបង្ហាញថា តំបន់ដែលបាត់រថយន្តច្រើនជាងគេនៅបារាំងគឺ Ile-de-France និង Provence-Alpes-Côte d’Azur (PACA)។ លោក Jonathan Tuchbant អគ្គនាយកក្លិប Club Identicar បានបញ្ជាក់ថា យ៉ាងហោចណាស់មានរថយន្តមួយគ្រឿងត្រូវបានចោរលួចនៅរៀងរាល់៥នាទីម្តងនៅបារាំង ជាពិសេសនៅពេលយប់៕

ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ

6 ថ្ងៃ

នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤

3 ថ្ងៃ

តើពាក្យ«បច្ច័យ»មានន័យច្បាស់លាស់ដូចម្តេច?

1 សប្តាហ៍

សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង

6 ថ្ងៃ

«មជ្ឈការ»មានន័យខុសពី«វិមជ្ឈការ»ដូចម្តេច?

2 ថ្ងៃ

អត្ថបទពេញនិយមបន្ថែម