ក្លិប​មួយ​នៅ​លី​ទុយ​អា​នី​ទិញ​កីឡាករ​ដោយ​ផ្អែកលើ Wikipedia តែ​...
កីឡាអន្តរជាតិ
អន្តរជាតិ
ក្លិប​មួយ​នៅ​លី​ទុយ​អា​នី​ទិញ​កីឡាករ​ដោយ​ផ្អែកលើ Wikipedia តែ​...
06, Feb 2018 , 9:54 am        
រូបភាព
​រឿងរ៉ាវ​គួរ​ឲ្យ​ហួសចិត្ត​មួយ បានកើត​ឡើងលើ​ក្លិប​កីឡាបាល់ទាត់​មួយ​ក្នុងប្រទេស​លី​ទុយ​អា​នី ដែល​បានប្រកាស់​ចុះហត្ថលេខា​នាំយក​ខ្សែប្រយុទ្ធ​ស្លាប​ម្នាក់​ទៅ​រួម​ក្រុម​ដោយ​ពឹងផ្អែក​ព័ត៌មាន​ទាក់ទង​ជាមួយ​កីឡាករ​រូបនោះ​តែ​លើ​វេ​ប​សាយ Wikipedia ប៉ុណ្ណោះ​។ ក្នុង Wikipedia កីឡាករ​រូបនោះ មានបទពិសោធន៍​យ៉ាង​ជោគជាំ​នៅ​ក្លិប Queens Park Rangers ប៉ុន្តែ​ក្លិប​បាន​បដិសេធ​។



​សារព័ត៌មាន Independent បាន​ផ្សាយ​ថា ក្លិប FK Panevezys ស្ថិតក្នុង​លី​ក​លំដាប់​កំពូល​របស់​លី​ទុយ​អា​នី Turnyro Lentele បាន​ទិញ​ចូល​កីឡាករ​មួយរូប​ឈ្មោះ Barkley Miguel-Panzo ដោយបាន​ប្រកាស​នៅលើ​គេហទំព័រ​ផ្លូវការ​ក្លិប​ថា​៖«​កីឡាករ​ដែល​កើត​នៅ​ទី​ក្រុងប៉ារីស​បានចាប់ផ្តើម​អាជីព​របស់គាត់​នៅក្នុង​ក្លិប Queens Park Rangers (QPR) របស់​ចក្រភព​អង់គ្លេស​។ នៅ​រដូវ​កាល ២០១០ រហូតដល់ ២០១២ កីឡាករ B. Panzo បង្ហាញខ្លួន​ឲ្យ QPR នៃ​ក្របខណ្ឌ Championship បាន ៣៦​ប្រកួត និង​ស៊ុត​បញ្ចូល​ទី ២៤​គ្រាប់​»​។​



​នៅក្នុង​ព័ត៌មាន​ខាងលើ​អ្វីដែល​គួរ​ឲ្យ​ចាប់អារម្មណ៍​ខ្លាំង​នោះ​គឺ​ចំនួន​គ្រាប់​ស៊ុត​បញ្ចូល​ទី​រហូតដល់ ២៤​គ្រាប់​ក្នុង ៣៦​ប្រកួត ដែល​គិត​ជា​មធ្យម ០.៦៦ គ្រាប់​ក្នុង​មួយ​ប្រកួត​របស់ Barkley Miguel-Panzo ប៉ុន្តែ​បែរជា QPR បដិសេធថា​ខ្លួន​មិន​ដែលមាន​កីឡាករ​រូបនេះ​លេង​ឲ្យ​ពួកគេ​ទៅវិញ​។​

​បើតាម​ការបញ្ជា​ក់រប​ស់ Transfermarkt.co.uk កីឡាករ Miguel-Panzo ធ្លាប់​លេង​ឲ្យ​ក្រុម Woking មុន​ផ្លាស់​ទៅ​ក្លិប​នៅ​បារាំង និង​ចុងក្រោយ​លេង​ឲ្យ​ក្រុម Syrianska FC នៃ​ក្របខណ្ឌ​ទី​៣ របស់​ស៊ុយអែត​។ ប្រភព​ខាងលើ​បន្ថែមថា Panzo មាន​អាយុ ២៥​ឆ្នាំ កើត​នៅ​ទីក្រុង​ប៉ារីស​ហើយ​គាត់​មាន​សញ្ជាតិ​អង់​ហ្គោ​ឡា​។​
​យ៉ាងណាក៏ដោយ ជុំវិញ​រឿងរ៉ាវ​ខាងលើ​ទាំង Miguel-Panzo និង​ក្លិប FK Panevezys នៅ​មិនទាន់​ឆ្លើយតប​ទៅនឹង​សមាគម​សារពត៌មាន​នៅឡើយ​ទេ​៕



Tag:
 បាល់ទាត់​
  FK Panevezys
  Barkley Miguel-Panzo
  Wikipedia
© រក្សាសិទ្ធិដោយ thmeythmey.com