Arsenal ចំណាយជាង ២០០លានដុល្លារមួយរដូវកាល លើប្រាក់បៀរវត្សកីឡាករទាំងអស់

កីឡាអន្តរជាតិ

អន្តរជាតិ

Arsenal ចំណាយជាង ២០០លានដុល្លារមួយរដូវកាល លើប្រាក់បៀរវត្សកីឡាករទាំងអស់

07, Feb 2018 , 8:39 am

រូបភាព

ដោយ: ទេព ពិទូរ្យ

ចាប់តាំងពីចាកចេញពីកីឡដ្ឋាន Highbury ទៅកាន់ទឹកដីថ្មី Emirates មក Arsenal បានប្រកួតប្រជែងក្នុងកម្រិតក្របខណ្ឌកំពូលដោយមិនចាំបាច់ចំណាយលុយច្រើនដូចម្ចាស់ជើងឯកផ្សេងៗទៀតនោះទេ។ ប៉ុន្តែក្នុងរយៈពេល ២ ទៅ ៣ ឆ្នាំចុងក្រោយនេះ ក្រុមរហស្សនាមកាំភ្លើងធំ កំពុងចាប់ផ្តើមការចំណាយយ៉ាងច្រើនដែរ ប៉ុន្តែនៅតែមិនទាន់ដល់ការចំណាយរបស់ Manchester City, Manchester United និង Chelsea ឡើយ។

ទោះជាយ៉ាងនេះក្តី ក្នុងរដូវកាល ២០១៧-២០១៨ នេះ ក្រុមដែលដឹកនាំដោយអ្នកចាត់ការសញ្ជាតិបារាំង Arseng Wenger បានចំណាយប្រាក់ឈ្នួល ១៩៥លានផោន (២៧២លានដុល្លារ) ក្នុង១ឆ្នាំ ទៅដល់កីឡាករទាំងអស់ ដែលស្ថិតនៅចំណាត់ថ្នាក់ទី៥ ក្នុងនាមក្លិបដែលចំណាយប្រាក់បៀរវត្សខ្ពស់បំផុតក្នុងក្របខណ្ឌ Premier League ឆ្នាំ ២០១៨។

ខ្សែបម្រើអន្តរជាតិអាល្លឺម៉ង់ Mesut Özil ដែលទើបយល់ព្រមបន្តកិច្ចសន្យាថ្មីជាមួយ Arsenal រយៈពេល៣ឆ្នាំទៀតនោះ ទទួលបានថ្លៃឈ្នួលខ្ពស់ជាងគេសម្រាប់ក្លិប ចំនួន ៣សែនផោន (ជាង ៤១ម៉ឺនដុល្លារអាមេរិក) ក្នុងមួយសប្តាហ៍។ ក្រៅពីនោះ Pierre-Emerick Aubameyang ដែលទិញចូលនៅចុងខែមករាកន្លងទៅ មានថ្លៃឈ្នួល ១៨ម៉ឺនផោន (២៥ម៉ឺនដុល្លារ) ក្នុងមួយសប្តាហ៍ ហើយ Henrikh Mkhitaryan និង Alexandre Lacazette មានថ្លៃឈ្នួល ១២ម៉ឺនផោន (ជិត ១៧ម៉ឺនដុល្លារ) ដូចគ្នា។

ខាងក្រោមនេះជាតារាងថ្លៃឈ្នួលប្រចាំសប្តាហ៍របស់កីឡាករ Arsenal ទាំង ២១នាក់ ក្នុងឆ្នាំ ២០១៨នេះ៖