កីឡាអន្តរជាតិ
អន្តរជាតិ
អតីតគ្រូ Everton លោក Koeman ត្រូវបានតែងតាំងជាគ្រូបង្វឹកហូឡង់
× លោក Ronald Koeman អតីតអ្នកចាត់ការទូទៅ Everton ត្រូវបានតែងតាំងជាអ្នកចាត់ការថ្មីរបស់ក្រុមកីឡាបាល់ទាត់ជម្រើសជាតិហូឡង់ ក្រោយទំនេរពីការងារតាំងពីខែតុលាមក។
អ្នកចាត់ការសញ្ជាតិហូឡង់ វ័យ៥៤ឆ្នាំរូបនេះបានយល់ព្រមចុះកិច្ចសន្យារយៈពេល ៤ឆ្នាំកន្លះដើម្បីជំនួសតំណែងលោក Dick Advocaat ដែលបានលាលែងពីតំណែងក្រោយពីបរាជ័យក្នុងការដឹកនាំហូឡង់ទៅ World Cup ឆ្នាំ ២០១៨ នៅរុស្ស៊ី។
នេះជាការងារដំបូងហើយសម្រាប់ Koeman បន្ទាប់ពី Everton បញ្ចប់តំណែងលោកតាំងពីខែតុលាឆ្នាំទៅមកម្លេះ ដោយសារដឹកនាំក្រុមមិនបានល្អធ្លាក់ទៅតំបន់ត្រូវកាត់ចោលពីក្របខណ្ឌកំពូលអង់គ្លេស។
ការប្រកួតដំបូងសម្រាប់អតីតអ្នកចាត់ការ Southampton នឹងត្រូវនាំក្រុមរហស្សនាមទឹកក្រូចប្រកួតមិត្តភាពជាមួយជម្រើសជាតិអង់គ្លេសនៅថ្ងៃ ២៣ ខែមីនាខាងមុខនេះ។
Koeman ក៏ជាវីរបុរសរបស់ជម្រើសជាតិហូឡង់ផងដែរ ដោយបង្ហាញខ្លួន ៧៨លើក និងជួយប្រទេសនេះឈ្នះជើងឯកអឺរ៉ុប (European Championship) នៅឆ្នាំ ១៩៨៨៕
Tag:
បាល់ទាត់
Ronald Koeman
ហូឡង់
© រក្សាសិទ្ធិដោយ thmeythmey.com