អន្តរជាតិ
មុនកីឡាអូឡាំពិកចាប់ផ្ដើម កូរ៉េខាងជើងធ្វើព្យុហយាត្រាកងទ័ព តែមិនសូវហ៊ឹកហ៊ាក់ដូចមុន
រូបភាព៖ AFP
×![]()
ដោយ: តន ចាន់រិទ្ធារ៉ា
មន្ត្រីរដ្ឋាភិបាលក្រុងសេអ៊ូល នៅថ្ងៃទី៨ ខែកុម្ភៈ និយាយថា កូរ៉េខាងជើងបានធ្វើព្យុហយាត្រាយោធាដើម្បីអបអរខួបទី៧០ ថ្ងៃកំណើតកងទ័ពរបស់ខ្លួន។ ខុសពីកម្មវិធីលើកមុនៗ ក្បួនព្យុហយាត្រាលើកនេះ មិនសូវអធឹកអធមឡើយ ព្រោះមិនមានការផ្សាយផ្ទាល់ ហើយអ្នកសារព័ត៌មានបរទេសនៅកូរ៉េខាងជើង ក៏មិនត្រូវបានអញ្ជើញដែរ។ ការដង្ហែក្បួនលើកនេះ ធ្វើឡើងមួយថ្ងៃមុនកម្មវិធីបើកព្រឹត្តិការណ៍កីឡាអូឡាំពិកនៅកូរ៉េខាងត្បូង។
ដូចការគ្រោងទុក កូរ៉េខាងជើងបានរៀបចំព្យុហយាត្រានៅថ្ងៃទី៨ ខែកុម្ភៈ ដើម្បីរំឭកថ្ងៃកំណើតកងទ័ពរបស់ខ្លួន។ តាមពិតទៅ ថ្ងៃកំណើតនេះត្រូវធ្វើនៅខែមេសាជារៀងរាល់ឆ្នាំ ប៉ុន្តែកាលបរិច្ឆេទនេះត្រូវបានផ្លាស់ប្ដូរមកខែកុម្ភៈវិញ ហើយក៏កៀកគ្នានឹងកាលបរិច្ឆេទព្រឹត្តិការណ៍អូឡាំពិករដូវរងារដែលកូរ៉េខាងត្បូងធ្វើជាម្ចាស់ពីថ្ងៃទី៩ ដល់ថ្ងៃទី២៥ ខែកុម្ភៈតែម្ដង។
ខុសពីកម្មវិធីឆ្នាំមុនៗ ក្បួនព្យុហយាត្រារបស់កូរ៉េខាងជើងឆ្នាំ២០១៨ នេះ ហាក់មានការលាក់បាំងពីភ្នែកអ្នកសារព័ត៌មាន។ ទូរទស្សន៍រដ្ឋកូរ៉េខាងជើងមិនបានផ្សាយផ្ទាល់ព្រឹត្តិការណ៍នេះឡើយ ហើយអ្នកកាសែតបរទេសក៏មិនត្រូវបានអញ្ជើញឲ្យចូលរួមដែរ។ ប៉ុន្តែមន្ត្រីរដ្ឋាភិបាលកូរ៉េខាងត្បូងបានប្រាប់ទីភ្នាក់ងារព័ត៌មាន AFP ថា កូរ៉េខាងជើងពិតជារៀបចំក្បួនដង្ហែកងទ័ពនៅទីលាន គីម អ៊ីលស៊ុង ពិតប្រាកដមែន។
តាមទម្លាប់ កូរ៉េខាងជើងតែងធ្វើព្យុហយាត្រាយោធាទ្រង់ទ្រាយធំ និងផ្សាយជាសាធារណៈនាឱកាសកម្មវិធីជាតិធំៗ។ កងទ័ពរាប់ពាន់នាក់ រថក្រោះនិងរថពាសដែករាប់រយគ្រឿង ក៏ដូចជាមីស៊ីលបាលីស្ទិកជាច្រើនមុខ តែងបង្ហាញមុខកណ្ដាលរដ្ឋធានីព្យុងយ៉ាង ដើម្បីសម្ញែងអានុភាពយោធារបស់ខ្លួន ជាពិសេសអាវុធនុយក្លេអ៊ែរម្ដង។ យ៉ាងណាមិញ ឆ្នាំនេះ គេមិនសូវឃើញមានសព្វាវុធច្រើនដូចពេលលើកមុនឡើយ។
ជាការកត់សម្គាល់ កូរ៉េខាងជើងហាក់កំពុងដើរផ្លូវពីរ គឺបង្ហាញឥទ្ធិពលក្នុងនាមជារដ្ឋមាននុយក្លេអ៊ែរផង និងបន្ទន់ជំហរដាក់កូរ៉េខាងត្បូងដោយព្រមចូលរួមព្រឹត្តិការណ៍អូឡាំពិកផង។ នៅឆ្នាំ២០១៧ ក្រុងព្យុងយ៉ាងប្រកាសថា ខ្លួនសម្រេចគោលដៅក្នុងការជារដ្ឋនុយក្លេអ៊ែរហើយ។ ប៉ុន្តែចូលដល់ឆ្នាំ២០១៨ ភ្លាម កូរ៉េខាងជើងបង្ហាញឥរិយាបថទន់ភ្លន់ច្រើន ដោយចរចាជាមួយកូរ៉េខាងត្បូងច្រើនលើក និងបញ្ជូនមន្ត្រីជាន់ខ្ពស់ អត្តពលិក ក្រុមសម្ដែងសិល្បៈឲ្យចូលរួមកម្មវិធីនៅកូរ៉េខាងត្បូងផងដែរ។
អត្តពលិក ក្រុមសិល្បៈ និងក្រុមលើកទឹកចិត្តបានទៅដល់កូរ៉េខាងជើងជាបន្តបន្ទាប់តាមផ្លូវគោកផង និងផ្លូវទឹកផង។ ដោយឡែកប្រតិភូជាន់ខ្ពស់ដឹកនាំដោយប្រធានសភា គីម យ៉ុងណាម និងប្អូនស្រីលោក គីម ជុងអ៊ុន គឺលោកស្រី គីម យ៉ូចុង រំពឹងថានឹងធ្វើដំណើរតាមយន្តហោះពិសេសទៅកូរ៉េខាងត្បូងនៅថ្ងៃទី៩ ខែកុម្ភៈ ដើម្បីទស្សនកិច្ចរយៈពេលបីថ្ងៃ៕
ដូចការគ្រោងទុក កូរ៉េខាងជើងបានរៀបចំព្យុហយាត្រានៅថ្ងៃទី៨ ខែកុម្ភៈ ដើម្បីរំឭកថ្ងៃកំណើតកងទ័ពរបស់ខ្លួន។ តាមពិតទៅ ថ្ងៃកំណើតនេះត្រូវធ្វើនៅខែមេសាជារៀងរាល់ឆ្នាំ ប៉ុន្តែកាលបរិច្ឆេទនេះត្រូវបានផ្លាស់ប្ដូរមកខែកុម្ភៈវិញ ហើយក៏កៀកគ្នានឹងកាលបរិច្ឆេទព្រឹត្តិការណ៍អូឡាំពិករដូវរងារដែលកូរ៉េខាងត្បូងធ្វើជាម្ចាស់ពីថ្ងៃទី៩ ដល់ថ្ងៃទី២៥ ខែកុម្ភៈតែម្ដង។
ខុសពីកម្មវិធីឆ្នាំមុនៗ ក្បួនព្យុហយាត្រារបស់កូរ៉េខាងជើងឆ្នាំ២០១៨ នេះ ហាក់មានការលាក់បាំងពីភ្នែកអ្នកសារព័ត៌មាន។ ទូរទស្សន៍រដ្ឋកូរ៉េខាងជើងមិនបានផ្សាយផ្ទាល់ព្រឹត្តិការណ៍នេះឡើយ ហើយអ្នកកាសែតបរទេសក៏មិនត្រូវបានអញ្ជើញឲ្យចូលរួមដែរ។ ប៉ុន្តែមន្ត្រីរដ្ឋាភិបាលកូរ៉េខាងត្បូងបានប្រាប់ទីភ្នាក់ងារព័ត៌មាន AFP ថា កូរ៉េខាងជើងពិតជារៀបចំក្បួនដង្ហែកងទ័ពនៅទីលាន គីម អ៊ីលស៊ុង ពិតប្រាកដមែន។
តាមទម្លាប់ កូរ៉េខាងជើងតែងធ្វើព្យុហយាត្រាយោធាទ្រង់ទ្រាយធំ និងផ្សាយជាសាធារណៈនាឱកាសកម្មវិធីជាតិធំៗ។ កងទ័ពរាប់ពាន់នាក់ រថក្រោះនិងរថពាសដែករាប់រយគ្រឿង ក៏ដូចជាមីស៊ីលបាលីស្ទិកជាច្រើនមុខ តែងបង្ហាញមុខកណ្ដាលរដ្ឋធានីព្យុងយ៉ាង ដើម្បីសម្ញែងអានុភាពយោធារបស់ខ្លួន ជាពិសេសអាវុធនុយក្លេអ៊ែរម្ដង។ យ៉ាងណាមិញ ឆ្នាំនេះ គេមិនសូវឃើញមានសព្វាវុធច្រើនដូចពេលលើកមុនឡើយ។
ជាការកត់សម្គាល់ កូរ៉េខាងជើងហាក់កំពុងដើរផ្លូវពីរ គឺបង្ហាញឥទ្ធិពលក្នុងនាមជារដ្ឋមាននុយក្លេអ៊ែរផង និងបន្ទន់ជំហរដាក់កូរ៉េខាងត្បូងដោយព្រមចូលរួមព្រឹត្តិការណ៍អូឡាំពិកផង។ នៅឆ្នាំ២០១៧ ក្រុងព្យុងយ៉ាងប្រកាសថា ខ្លួនសម្រេចគោលដៅក្នុងការជារដ្ឋនុយក្លេអ៊ែរហើយ។ ប៉ុន្តែចូលដល់ឆ្នាំ២០១៨ ភ្លាម កូរ៉េខាងជើងបង្ហាញឥរិយាបថទន់ភ្លន់ច្រើន ដោយចរចាជាមួយកូរ៉េខាងត្បូងច្រើនលើក និងបញ្ជូនមន្ត្រីជាន់ខ្ពស់ អត្តពលិក ក្រុមសម្ដែងសិល្បៈឲ្យចូលរួមកម្មវិធីនៅកូរ៉េខាងត្បូងផងដែរ។
អត្តពលិក ក្រុមសិល្បៈ និងក្រុមលើកទឹកចិត្តបានទៅដល់កូរ៉េខាងជើងជាបន្តបន្ទាប់តាមផ្លូវគោកផង និងផ្លូវទឹកផង។ ដោយឡែកប្រតិភូជាន់ខ្ពស់ដឹកនាំដោយប្រធានសភា គីម យ៉ុងណាម និងប្អូនស្រីលោក គីម ជុងអ៊ុន គឺលោកស្រី គីម យ៉ូចុង រំពឹងថានឹងធ្វើដំណើរតាមយន្តហោះពិសេសទៅកូរ៉េខាងត្បូងនៅថ្ងៃទី៩ ខែកុម្ភៈ ដើម្បីទស្សនកិច្ចរយៈពេលបីថ្ងៃ៕
Tag:
កូរ៉េខាងជើង
កូរ៉េខាងត្បូង
Olympic2018
© រក្សាសិទ្ធិដោយ thmeythmey.com
