កីឡាជាតិ
ជាតិ
ប្រធានសហព័ន្ធកីឡាប៉េតង់អន្តរជាតិ បញ្ជាក់ពីការពិន័យលោក មាស សារិន មួយជីវិត
លោក Claude Azema និងលោក មាស សារិន។ រូបថត AFP និង TTN
×![]()
លោក Claude Azema ប្រធានសហព័ន្ធកីឡាប៉េតង់អន្តរជាតិ (FIPJP) កាលពីថ្ងៃទី១២ ខែធ្នូ ឆ្នាំ២០១៧ បានសរសេរលិខិតមួយទៅកាន់សហព័ន្ធកីឡាប៊ូល និងប៉េតង់កម្ពុជា ទាក់ទងនឹងការពិន័យលោក មាស សារិន ពីសកម្មភាពកីឡាប៉េតង់អស់មួយជីវិត។ តែអតីតអគ្គលេខាធិការសហព័ន្ធកីឡាប៉េតង់កម្ពុជា លោកបានលាឈប់ពីសហព័ន្ធដោយខ្លួនឯង មិនមែនដោយសារការពិន័យណាមួយឡើយ។
នាអំឡុងកិច្ចប្រជុំគណៈកម្មការប្រតិបត្តិនៅក្រុង Kaihua ខេត្តស៊ីជាំង ប្រទេសចិន កាលពីថ្ងៃទី៥ ខែវិច្ឆិកា សហព័ន្ធកីឡាប៉េតង់អន្តរជាតិ (FIPJP) បានសម្រេចពិន័យថ្នាក់ដឹកនាំកីឡាប៉េតង់មួយចំនួននៅតំបន់អាស៊ីពីសកម្មភាពកីឡាប៉េតង់អស់មួយជីវិត ដែលក្នុងនោះ មានលោក មាស សារិន ផងដែរ។
តាមរយៈលិខិតជាភាសាបារាំងចុះកាលពីថ្ងៃទី១២ ខែធ្នូ ឆ្នាំ២០១៧ ដែលសារព័ត៌មានថ្មីៗ ទើបទទួលបាននោះ លោក Claude Azema ប្រធាន FIPJP បានចោទលោក មាស សារិន ថា បានយកសកម្មភាពកីឡាប៉េតង់ទៅបម្រើប្រយោជន៍ផ្ទាល់ខ្លួន ជាប្រយោជន៍រួម នារយៈពេល៣ឆ្នាំកន្លងមក។
លោក Claude Azema បានអះអាងថា ការធ្វើការងារដាច់ដោយឡែកពីសហព័ន្ធកីឡាប៊ូល និងប៉េតង់កម្ពុជា និងគណៈកម្មាធិការជាតិអូឡាំពិកកម្ពុជា មិនមែនជារបៀបធ្វើការដ៏ត្រឹមត្រូវនោះឡើយ។ មេដឹកនាំកីឡាជនជាតិបារាំងរូបនេះ បានបញ្ជាក់ថា លោកធ្លាប់បានលើកឡើងពីបញ្ហានេះប្រាប់ទៅសម្តេច សុខ អាន អតីតប្រធានសហព័ន្ធកីឡាប៊ូល និងប៉េតង់កម្ពុជា ផងដែរ នាជំនួបនៅទីក្រុងប៉ារីស។
ជាមួយគ្នានេះ លោក Azema បានលើកឡើងពីការពិន័យស្រដៀងគ្នាលើប្រធានសហព័ន្ធកីឡាប៉េតង់ឡាវ លោក Khamla Vinlaythong កន្លងមក ដែលធ្វើឲ្យកីឡាករ-កីឡាការិនីឡាវ បាត់បង់ឱកាសចូលរួមប្រកួតប្រជែងក្នុងព្រឹត្តិការណ៍ធំៗដែលរៀបចំដោយ FIPJP និងសហព័ន្ធកីឡាប៊ូលអាស៊ី (ABSC)។ លោក Azema បានព្រមានថា កម្ពុជានឹងទទួលរងផលប៉ះពាល់ដូចគ្នា បើលោក មាស សារិន នៅតែបន្តការងារក្នុងជួរថ្នាក់ដឹកនាំប៉េតង់។
លោក មាស សារិន បានប្រតិកម្មតបវិញថា៖ «ប៉េតង់កម្ពុជា ខ្ញុំជាអ្នកបង្កើត ហើយពេលនេះ មានអ្នកចេះធ្វើបន្តហើយ ទើបខ្ញុំសម្រេចចិត្តលាឈប់ គ្មានអ្នកណាមកបញ្ឈប់ខ្ញុំឡើយ»។ ទាក់ទងនឹងការចោទប្រកាន់របស់លោក Azema អតីតអគ្គលេខាធិការប៉េតង់កម្ពុជាបានបញ្ជាក់ប្រាប់សារព័ត៌មានថ្មីៗថា៖ «ខ្ញុំមិនបានធ្វើអ្វីខុសនោះឡើយ លោកបារាំងនោះទេ ដែលងប់ងល់នឹងតំណែង ហើយកាន់កាប់អស់រយៈពេលជាច្រើនឆ្នាំ។ ជាពិសេសគាត់មានទំនាក់ទំនងខ្លាំងជាមួយថៃ» ។
មុននឹងចុចបិទទូរសព្ទ លោក មាស សារិន បានបញ្ជាក់បន្ថែមថា ការសម្រេចចិត្តលាចេញពីកីឡាប៉េតង់ ដោយសារតែលោកត្រូវបានគេតម្រូវមកធ្វើជាសមាជិកធម្មតានៅក្នុងសហព័ន្ធដែលលោកបានបង្កើត។
នាសន្និបាទកាលពីថ្ងៃទី២៥ ខែឧសភា សម្តេចឧបនាយករដ្ឋមន្ត្រី ស ខេង ត្រូវបានជ្រើសរើសឲ្យធ្វើជាប្រធានសហព៏ន្ធកីឡាប៊ូល និងប៉េតង់កម្ពុជា ជំនួសសម្តេច សុខ អាន ដែលបានទទួលមរណភាព រីឯលោក ព្រហ្ម ឌិន ជាប់ជាអនុប្រធានទី១ លោក សោម ចិន លោក ម៉ៅ ប៊ុនណារិន លោក អ៊ុក សិទ្ធិជាតិ និងលោក ស៊ុម សុជាតិ ជាអនុប្រធាន។ ជាមួយគ្នានេះ លោក អ៊ិន គឹមស្រ៊ុន ក្លាយជាអគ្គលេខាធិការ ហើយលោក មាស សារិន ស្ថិតក្នុងចំណោមសមាជិកប្រតិបត្តិ។
កាលពីពេលថ្មីៗកន្លងមកនេះ សហព័ន្ធកីឡាប៉េតង់អន្តរជាតិ (FIPJP) បានបើកវគ្គបណ្តុះបណ្តាលអាជ្ញាកណ្តាលនៅរាជធានីភ្នំពេញ ហើយនាឱកាសនោះ លោក Claude Azema បានអះអាងថា ការដាក់ពិន័យលោក មាស សារិន មិនមែនជាវិធានការប្រឆាំងកីឡាកម្ពុជាទាំងមូលនោះឡើយ។
ជាមួយគ្នានេះ លោក Victor Nataf ប្រធានវិទ្យាស្ថានជាតិកីឡារបស់បារាំង បានចូលជួបសម្តេច ស ខេង ដើម្បីលើកឡើងពីផែនការរួមគ្នាក្នុងការពង្រឹងកីឡាប៉េតង់កម្ពុជាលើឆាកអន្តរជាតិ ជាពិសេសក្នុងក្របខណ្ឌអាស៊ី និងពិភពលោក៕
នាអំឡុងកិច្ចប្រជុំគណៈកម្មការប្រតិបត្តិនៅក្រុង Kaihua ខេត្តស៊ីជាំង ប្រទេសចិន កាលពីថ្ងៃទី៥ ខែវិច្ឆិកា សហព័ន្ធកីឡាប៉េតង់អន្តរជាតិ (FIPJP) បានសម្រេចពិន័យថ្នាក់ដឹកនាំកីឡាប៉េតង់មួយចំនួននៅតំបន់អាស៊ីពីសកម្មភាពកីឡាប៉េតង់អស់មួយជីវិត ដែលក្នុងនោះ មានលោក មាស សារិន ផងដែរ។
តាមរយៈលិខិតជាភាសាបារាំងចុះកាលពីថ្ងៃទី១២ ខែធ្នូ ឆ្នាំ២០១៧ ដែលសារព័ត៌មានថ្មីៗ ទើបទទួលបាននោះ លោក Claude Azema ប្រធាន FIPJP បានចោទលោក មាស សារិន ថា បានយកសកម្មភាពកីឡាប៉េតង់ទៅបម្រើប្រយោជន៍ផ្ទាល់ខ្លួន ជាប្រយោជន៍រួម នារយៈពេល៣ឆ្នាំកន្លងមក។
លោក Claude Azema បានអះអាងថា ការធ្វើការងារដាច់ដោយឡែកពីសហព័ន្ធកីឡាប៊ូល និងប៉េតង់កម្ពុជា និងគណៈកម្មាធិការជាតិអូឡាំពិកកម្ពុជា មិនមែនជារបៀបធ្វើការដ៏ត្រឹមត្រូវនោះឡើយ។ មេដឹកនាំកីឡាជនជាតិបារាំងរូបនេះ បានបញ្ជាក់ថា លោកធ្លាប់បានលើកឡើងពីបញ្ហានេះប្រាប់ទៅសម្តេច សុខ អាន អតីតប្រធានសហព័ន្ធកីឡាប៊ូល និងប៉េតង់កម្ពុជា ផងដែរ នាជំនួបនៅទីក្រុងប៉ារីស។
ជាមួយគ្នានេះ លោក Azema បានលើកឡើងពីការពិន័យស្រដៀងគ្នាលើប្រធានសហព័ន្ធកីឡាប៉េតង់ឡាវ លោក Khamla Vinlaythong កន្លងមក ដែលធ្វើឲ្យកីឡាករ-កីឡាការិនីឡាវ បាត់បង់ឱកាសចូលរួមប្រកួតប្រជែងក្នុងព្រឹត្តិការណ៍ធំៗដែលរៀបចំដោយ FIPJP និងសហព័ន្ធកីឡាប៊ូលអាស៊ី (ABSC)។ លោក Azema បានព្រមានថា កម្ពុជានឹងទទួលរងផលប៉ះពាល់ដូចគ្នា បើលោក មាស សារិន នៅតែបន្តការងារក្នុងជួរថ្នាក់ដឹកនាំប៉េតង់។
លោក មាស សារិន បានប្រតិកម្មតបវិញថា៖ «ប៉េតង់កម្ពុជា ខ្ញុំជាអ្នកបង្កើត ហើយពេលនេះ មានអ្នកចេះធ្វើបន្តហើយ ទើបខ្ញុំសម្រេចចិត្តលាឈប់ គ្មានអ្នកណាមកបញ្ឈប់ខ្ញុំឡើយ»។ ទាក់ទងនឹងការចោទប្រកាន់របស់លោក Azema អតីតអគ្គលេខាធិការប៉េតង់កម្ពុជាបានបញ្ជាក់ប្រាប់សារព័ត៌មានថ្មីៗថា៖ «ខ្ញុំមិនបានធ្វើអ្វីខុសនោះឡើយ លោកបារាំងនោះទេ ដែលងប់ងល់នឹងតំណែង ហើយកាន់កាប់អស់រយៈពេលជាច្រើនឆ្នាំ។ ជាពិសេសគាត់មានទំនាក់ទំនងខ្លាំងជាមួយថៃ» ។
មុននឹងចុចបិទទូរសព្ទ លោក មាស សារិន បានបញ្ជាក់បន្ថែមថា ការសម្រេចចិត្តលាចេញពីកីឡាប៉េតង់ ដោយសារតែលោកត្រូវបានគេតម្រូវមកធ្វើជាសមាជិកធម្មតានៅក្នុងសហព័ន្ធដែលលោកបានបង្កើត។
នាសន្និបាទកាលពីថ្ងៃទី២៥ ខែឧសភា សម្តេចឧបនាយករដ្ឋមន្ត្រី ស ខេង ត្រូវបានជ្រើសរើសឲ្យធ្វើជាប្រធានសហព៏ន្ធកីឡាប៊ូល និងប៉េតង់កម្ពុជា ជំនួសសម្តេច សុខ អាន ដែលបានទទួលមរណភាព រីឯលោក ព្រហ្ម ឌិន ជាប់ជាអនុប្រធានទី១ លោក សោម ចិន លោក ម៉ៅ ប៊ុនណារិន លោក អ៊ុក សិទ្ធិជាតិ និងលោក ស៊ុម សុជាតិ ជាអនុប្រធាន។ ជាមួយគ្នានេះ លោក អ៊ិន គឹមស្រ៊ុន ក្លាយជាអគ្គលេខាធិការ ហើយលោក មាស សារិន ស្ថិតក្នុងចំណោមសមាជិកប្រតិបត្តិ។
កាលពីពេលថ្មីៗកន្លងមកនេះ សហព័ន្ធកីឡាប៉េតង់អន្តរជាតិ (FIPJP) បានបើកវគ្គបណ្តុះបណ្តាលអាជ្ញាកណ្តាលនៅរាជធានីភ្នំពេញ ហើយនាឱកាសនោះ លោក Claude Azema បានអះអាងថា ការដាក់ពិន័យលោក មាស សារិន មិនមែនជាវិធានការប្រឆាំងកីឡាកម្ពុជាទាំងមូលនោះឡើយ។
ជាមួយគ្នានេះ លោក Victor Nataf ប្រធានវិទ្យាស្ថានជាតិកីឡារបស់បារាំង បានចូលជួបសម្តេច ស ខេង ដើម្បីលើកឡើងពីផែនការរួមគ្នាក្នុងការពង្រឹងកីឡាប៉េតង់កម្ពុជាលើឆាកអន្តរជាតិ ជាពិសេសក្នុងក្របខណ្ឌអាស៊ី និងពិភពលោក៕
Tag:
ប៉េតង់
មាស សារិន
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
