ពីនេះ ពីនោះ
ព័ត៍មានសុខភាព
បាក់តេរីដែលមានក្នុងទឹកដោះគោ និងសាច់គោជាប់ទាក់ទងនឹងជំងឺរលាកសន្លាក់
× យោងទៅតាមសេចក្តីរាយការណ៍របស់សារព័ត៌មាន Mail Online បានឲ្យដឹងថា ការញ៉ាំទឹកដោះគោ ឬញ៉ាំសាច់គោអាចបង្កជាជំងឺរលាកសន្លាក់ប្រភេទ Rheumatoid Arthritis បាន។ យ៉ាងណាមិញ ការសិក្សានេះមានផលវិបាកច្រើនជាងអ្វីដែលសារព័ត៌មាននេះរាយការណ៍ទៅទៀត។
អ្នកស្រាវជ្រាវបានតាមដានទៅលើការបំបែកហ្សែនក្នុងកោសិកាឈាមរបស់អ្នកជំងឺរលាកសន្លាក់ប្រភេទ Rheumatoid Arthritis ហើយពួកគេជឿជាក់ថា ការបំបែកខ្លួនទៅលើហ្សែនមួយដែលសម្រួលដល់ប្រព័ន្ធភាពស៊ាំប្រហែលជាមានបញ្ហា រហូតដល់វាបង្កជាការឆ្លើយតបការរលាក និងបំផ្លាញដល់សន្លាក់ព្រមទាំងជាលិកាថែមទៀត។
ពួកគេក៏បានធ្វើតេស្តទៅលើឈាមរបស់អ្នកជំងឺរកមើល DNA ចេញពី បាក់តេរី Mycobacterium Avium ដែលជាអំបូរមួយរបស់ បាក់តេរី Paratuberculosis ឬហៅថា MAP ។ អ្នកស្រាវជ្រាវបានភ្ជាប់ទំនាក់ទំនង MAP ទៅនឹងជំងឺផ្សេងៗទៀតដែលទាក់ទងនឹងមុខងារប្រព័ន្ធភាពស៊ាំដូចជា ជំងឺរលាកពោះ Crohn’s Disease ជាដើម។ MAP ច្រើនតែមានក្នុងសត្វគោក្នុងប្រទេសអាមេរិក និងអាចត្រូវបានគេរកឃើញក្នុងផលិតផលសាច់ ឬទឹកដោះគោដែលមានមេរោគចេញពីគោដែលមានជំងឺដែរ។
អ្នកស្រាវជ្រាវបានរកឃើញថា អ្នកដែលមានជំងឺរលាកសន្លាក់ Rheumatoid Arthritis ទំនងជាមានការបំបែកហ្សែនច្រើនជាងអ្នកដែលមានសុខភាពល្អ ហើយពួកគេក៏ទំនងជាមាន DNA របស់បាក់តេរី MAP ទៀត។ នៅពេលធ្វើតេស្ត កោសិកាប្រព័ន្ធភាពស៊ាំបានបង្ហាញនូវការឆ្លើយតបមួយជាលក្ខណៈមានសកម្មភាពខ្លាំងទៅនឹងការបង្ករោគ MAP ។ រឿងនេះមិនបានកើតឡើងក្នុងកោសិកាដែលមិនមានហ្សែនបំបែកខ្លួនឡើយ។
អ្នកស្រាវជ្រាវបានបង្កើតទ្រឹស្តីថា បាក់តេរី MAP ប្រហែលជាបង្កជាជំងឺរលាកសន្លាក់ Rheumatoid Arthritis លើអ្នកដែលមានការបំបែកហ្សែន។ យ៉ាងណាមិញ រឿងនេះមិនមែនមានន័យថា MAP ដឹងតែបង្កជាជំងឺនេះឡើយ។ ស្ថិតក្នុងដំណាក់កាលនេះ វាគ្រាន់តែជាទំនាក់ទំនងមួយប៉ុណ្ណោះ។ វានៅតែមិនទាន់ច្បាស់ថាអ្វីទៅជាអ្នកធ្វើឲ្យមានជំងឺរលាកសន្លាក់ប្រភេទនេះ ប៉ុន្តែហ្សែនដំណរពូជ និងការជក់បារីមានទំនាក់ទំនងនឹងជំងឺនេះខ្លាំងណាស់។
អ្នកប្រហែលជាមានហេតុផលផ្ទាល់ខ្លួនថាត្រូវញ៉ាំទឹកដោះគោ ឬញ៉ាំសាច់គោទៀតឬអត់ ប៉ុន្តែការសិក្សានេះមិនបានផ្តល់នូវអំណះអំណាងអ្វីទាំងអស់ថា ការចៀសវាងញ៉ាំអាហារនេះអាចបង្កាជំងឺរលាកសន្លាក់ Rheumatoid Arthritis បាន៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com