កីឡាអន្តរជាតិ
អន្តរជាតិ
អូឡាំពិកព្យុងឆាង៖ កូរ៉េខាងត្បូងនឹងបានផលប្រយោជន៍សេដ្ឋកិច្ចជាង៦០ពាន់លានដុល្លារ រូបថត AFP
× ព្រឹត្តិការណ៍កីឡាអូឡាំពិក និងប៉ារ៉ាឡាំពិករដូវរងាឆ្នាំ ២០១៨ ដែលប្រព្រឹត្តទៅក្នុងទីក្រុងព្យុងឆាង ប្រទេសកូរ៉េខាងត្បូង គឺជាព្រឹត្តិការណ៍លើកទី៣ហើយក្នុងរយៈពេល ៣០ឆ្នាំចុងក្រោយដែលធ្វើឡើងក្នុងប្រទេសអាស៊ី។
កាលពី៣០ឆ្នាំមុន ពោលគឺក្នុងឆ្នាំ១៩៨៨ កូរ៉េខាងត្បូងក៏ធ្លាប់ធ្វើជាម្ចាស់ផ្ទះកីឡាអូឡាំពិក និងប៉ារ៉ាឡាំពិកនេះម្តងដែរ ដែលកាលនោះធ្វើក្នុងទីក្រុងសេអ៊ូល។ រហូតដល់ឆ្នាំ ១៩៩៨ គឺ១០ឆ្នាំក្រោយមក ជប៉ុនក៏បានសិទ្ធិធ្វើជាម្ចាស់ផ្ទះកីឡានេះ ដោយប្រើប្រាស់ទីក្រុង Nagano ដើម្បីប្រកួតប្រជែង។
អូឡាំពិក និងប៉ារ៉ាឡាំពិមហ្គេមរដូវរងានេះ នឹងក្លាយជាគ្រិះសម្រាប់សេដ្ឋកិច្ច និងវប្បធម៌ដើម្បីជាការអភិវឌ្ឍតំបន់របស់ប្រទេសជាម្ចាស់ផ្ទះ ដោយរំពឹងថានឹងទទួលបានប្រាក់ចំណូលពីព្រឹត្តិការណ៍នេះរហូតដល់ ៦៤.៩ទ្រីលានវ៉ុន (ជាង៦០ពាន់លានដុល្លារអាមេរិក)។
សម្រាប់កីឡាអូឡាំពិកដែលចាំផ្តើមដំណើរការកម្មវិធីរយៈពេល ១៧ថ្ងៃ ពោលគឺចាប់ពីថ្ងៃទី ៩ រហូតដល់ថ្ងៃ ២៥កុម្ភៈ មានអត្តពលិកចំនួន ៣០០០នាក់ មកពី ៩៥ប្រទេសចូលរួមប្រកួតប្រជែងក្នុង៧ប្រភេទកីឡា ដែលមាន១៥វិញ្ញាសា ក្នុង១០២ព្រឹត្តិការណ៍។
ក្នុងការរៀបចំព្រឹត្តិការណ៍ទាំងមូលនេះ កូរ៉េខាងត្បូងក៏បានត្រៀមរៀបចំប្រាក់ចំណាយចំនួន ២.៨ទ្រីលានវ៉ុន ស្មើនឹង ២.៥ពាន់លានដុល្លារអាមេរិកដែរ៕
Tag:
កីឡាអូឡាំពិក
កូរ៉េខាងត្បូង
© រក្សាសិទ្ធិដោយ thmeythmey.com