អន្តរជាតិ
អាមេរិកថា ឥរិយាបថទន់ភ្លន់របស់កូរ៉េខាងជើងដាក់កូរ៉េខាងត្បូង ជារឿងគ្មានខ្លឹមសារ
អនុប្រធានាធិបតីអាមេរិក ម៉ៃ ផេន ចាប់ដៃប្រធានាធិបតីកូរ៉េខាងត្បូង មូន ចេអ៊ីន (រូបភាព៖ AFP)
×![]()
ដោយ: តន ចាន់រិទ្ធារ៉ា
នៅថ្ងៃទី៨ ខែកុម្ភៈ តំណាងអាមេរិកប្រចាំកូរ៉េខាងត្បូងនិយាយថា ការបន្ទន់ឥរិយាបថរបស់កូរ៉េខាងជើងអំឡុងព្រឹត្តិការណ៍អូឡាំពិករដូវរងា ដែលចាប់ផ្ដើមនៅថ្ងៃទី៩ ខែកុម្ភៈ ជារឿងគ្មានន័យ ។ ប្រមុខរដ្ឋកូរ៉េខាងជើង គីម យ៉ុងណាម និងប្អូនស្រីលោក គីម ជុងអ៊ុន នឹងចូលរួមក្នុងកម្មវិធីនេះ។ លោក Marc Knapper ភារៈធារីស្ថានទូតអាមេរិកនៅទីក្រុងសេអ៊ូលចាត់ទុកការប៉ុនប៉ងរបស់កូរ៉េខាងជើង នឹងមិនអាចបំបែកសម្ព័ន្ធភាពអាមេរិក-កូរ៉េខាងត្បូងដ៏រឹងមាំបានឡើយ។
វត្តមានលោកស្រី គីម យ៉ូចុង ប្អូនស្រីបង្កើតមេដឹកនាំកំពូលកូរ៉េខាងជើង គីម ជុងអ៊ុន ក្នុងព្រឹត្តិការណ៍អូឡាំពិកនៅកូរ៉េខាងត្បូង កំពុងក្លាយជាចំណាប់អារម្មណ៍ខ្លាំង។ លោក Marc Knapper មន្ត្រីទូតអាមេរិកប្រចាំកូរ៉េខាងត្បូងនិយាយថា ប្រតិភូកូរ៉េខាងជើងពិតជាទាក់ទាញការចាប់អារម្មណ៍ពីសារព័ត៌មាន ព្រោះនេះជាលើកទីមួយដែលសន្តិវង្សត្រកូល គីម ជាន់ទឹកដីកូរ៉េខាងត្បូង ក្រោយសង្គ្រាមកូរ៉េត្រូវបានបញ្ចប់។
អនុប្រធានាធិបតីអាមេរិក ម៉ៃ ផេន ក៏មានវត្តមានក្នុងព្រឹត្តិការណ៍នេះដែរ តែគម្រោងជួបជាមួយមន្ត្រីកូរ៉េខាងជើងមិនមានឡើយ។ ក្នុងសន្និសីទសារព័ត៌មានតាមទូរសព្ទនៅថ្ងៃទី៨ ខែកុម្ភៈ លោក Knapper មិនបានបញ្ជាក់ថា លោក ផេន ជួបលោក គីម យ៉ុងណាម ឬលោកស្រី គី យ៉ូចុង ឡើយ តែបានរំឭកសម្ដីលោក ផេន ថា ចាំមើលសិន។ តែកូរ៉េខាងជើងប្រកាសច្បាស់ហើយថា ខ្លួនមិនចង់ជួបមន្ត្រីអាមេរិកឡើយ។
ជាមួយវត្តមានមន្ត្រីជាន់ខ្ពសកូរ៉េខាងជើងនៅកូរ៉េខាងត្បូងលើកនេះ លោក Knapper បញ្ជាក់ថា ទំនាក់ទំនងអាមេរិក និងកូរ៉េខាងត្បូងនឹងនៅតែរឹងមាំ ដ្បិតកូរ៉េខាងជើងត្រូវចំណាយកម្លាំងច្រើន បើចង់បំបែកសម្ព័ន្ធភាពយូរអង្វែងមួយនេះ។ បើតាមសម្ដីមន្ត្រីទូតអាមេរិករូបនេះ សម្ព័ន្ធភាពរវាងក្រុងសេអ៊ូល និងក្រុងវ៉ាស៊ីនតោន រឹងមាំគ្រប់គ្រាន់ដែលអាចទប់ទល់ការចែចូវណាមួយ រាប់ទាំងការប្រឹងប្រែងរបស់ក្រុងព្យុងយ៉ាងផង។
យ៉ាងណាមិញ មេដឹកនាំអាមេរិក និងកូរ៉េខាងជើង ទំនងជួបមុខគ្នាក្នុងពិធីជប់លៀងសម្រាប់មេដឹកនាំបរទេសដែលរៀបចំដោយប្រធានាធិបតីកូរ៉េខាងត្បូង មូន ចេអ៊ីន នៅថ្ងៃទី៩ ខែកុម្ភៈ។ នេះបើតាមការប្រកាសរបស់អ្នកនាំពាក្យវិមានប្រធានាធិបតី។ ចំណែកឯមន្ត្រីកូរ៉េខាងត្បូងផ្នែកពិធីការកំពុងឈឺក្បាលខ្លាំង ដោយត្រូវរៀបចំកន្លែងឲ្យសមរម្យក្នុងកម្មវិធីបើកព្រឹត្តិការណ៍ ព្រោះតែការចូលរួមរបស់មន្ត្រីជាន់ខ្ពស់អាមេរិកផង និងកូរ៉េខាងជើងផង។
ជុំវិញដំណើរទស្សនកិច្ចរបស់ប្រតិភូកូរ៉េខាងជើងនេះដែរ អាមេរិកបានសាទរ និងចាត់ទុកទស្សនកិច្ចនេះជាឱកាសសម្រាប់មេដឹកនាំរដ្ឋឯកោមួយនេះ បានឃើញនឹងភ្នែកពីការរីកចម្រើននៅខាងត្បូង។ លោក Knapper បញ្ជាក់ថា កូរ៉េខាងជើងនឹងយល់ពីរឿងល្អៗដែលកើតឡើង ពេលងាកទៅរកសហគមន៍អន្តរជាតិ ហើយសម្រេចចិត្តដោយត្រឹមត្រូវ៕
វត្តមានលោកស្រី គីម យ៉ូចុង ប្អូនស្រីបង្កើតមេដឹកនាំកំពូលកូរ៉េខាងជើង គីម ជុងអ៊ុន ក្នុងព្រឹត្តិការណ៍អូឡាំពិកនៅកូរ៉េខាងត្បូង កំពុងក្លាយជាចំណាប់អារម្មណ៍ខ្លាំង។ លោក Marc Knapper មន្ត្រីទូតអាមេរិកប្រចាំកូរ៉េខាងត្បូងនិយាយថា ប្រតិភូកូរ៉េខាងជើងពិតជាទាក់ទាញការចាប់អារម្មណ៍ពីសារព័ត៌មាន ព្រោះនេះជាលើកទីមួយដែលសន្តិវង្សត្រកូល គីម ជាន់ទឹកដីកូរ៉េខាងត្បូង ក្រោយសង្គ្រាមកូរ៉េត្រូវបានបញ្ចប់។
អនុប្រធានាធិបតីអាមេរិក ម៉ៃ ផេន ក៏មានវត្តមានក្នុងព្រឹត្តិការណ៍នេះដែរ តែគម្រោងជួបជាមួយមន្ត្រីកូរ៉េខាងជើងមិនមានឡើយ។ ក្នុងសន្និសីទសារព័ត៌មានតាមទូរសព្ទនៅថ្ងៃទី៨ ខែកុម្ភៈ លោក Knapper មិនបានបញ្ជាក់ថា លោក ផេន ជួបលោក គីម យ៉ុងណាម ឬលោកស្រី គី យ៉ូចុង ឡើយ តែបានរំឭកសម្ដីលោក ផេន ថា ចាំមើលសិន។ តែកូរ៉េខាងជើងប្រកាសច្បាស់ហើយថា ខ្លួនមិនចង់ជួបមន្ត្រីអាមេរិកឡើយ។
ជាមួយវត្តមានមន្ត្រីជាន់ខ្ពសកូរ៉េខាងជើងនៅកូរ៉េខាងត្បូងលើកនេះ លោក Knapper បញ្ជាក់ថា ទំនាក់ទំនងអាមេរិក និងកូរ៉េខាងត្បូងនឹងនៅតែរឹងមាំ ដ្បិតកូរ៉េខាងជើងត្រូវចំណាយកម្លាំងច្រើន បើចង់បំបែកសម្ព័ន្ធភាពយូរអង្វែងមួយនេះ។ បើតាមសម្ដីមន្ត្រីទូតអាមេរិករូបនេះ សម្ព័ន្ធភាពរវាងក្រុងសេអ៊ូល និងក្រុងវ៉ាស៊ីនតោន រឹងមាំគ្រប់គ្រាន់ដែលអាចទប់ទល់ការចែចូវណាមួយ រាប់ទាំងការប្រឹងប្រែងរបស់ក្រុងព្យុងយ៉ាងផង។
យ៉ាងណាមិញ មេដឹកនាំអាមេរិក និងកូរ៉េខាងជើង ទំនងជួបមុខគ្នាក្នុងពិធីជប់លៀងសម្រាប់មេដឹកនាំបរទេសដែលរៀបចំដោយប្រធានាធិបតីកូរ៉េខាងត្បូង មូន ចេអ៊ីន នៅថ្ងៃទី៩ ខែកុម្ភៈ។ នេះបើតាមការប្រកាសរបស់អ្នកនាំពាក្យវិមានប្រធានាធិបតី។ ចំណែកឯមន្ត្រីកូរ៉េខាងត្បូងផ្នែកពិធីការកំពុងឈឺក្បាលខ្លាំង ដោយត្រូវរៀបចំកន្លែងឲ្យសមរម្យក្នុងកម្មវិធីបើកព្រឹត្តិការណ៍ ព្រោះតែការចូលរួមរបស់មន្ត្រីជាន់ខ្ពស់អាមេរិកផង និងកូរ៉េខាងជើងផង។
ជុំវិញដំណើរទស្សនកិច្ចរបស់ប្រតិភូកូរ៉េខាងជើងនេះដែរ អាមេរិកបានសាទរ និងចាត់ទុកទស្សនកិច្ចនេះជាឱកាសសម្រាប់មេដឹកនាំរដ្ឋឯកោមួយនេះ បានឃើញនឹងភ្នែកពីការរីកចម្រើននៅខាងត្បូង។ លោក Knapper បញ្ជាក់ថា កូរ៉េខាងជើងនឹងយល់ពីរឿងល្អៗដែលកើតឡើង ពេលងាកទៅរកសហគមន៍អន្តរជាតិ ហើយសម្រេចចិត្តដោយត្រឹមត្រូវ៕
Tag:
អាមេរិក
កូរ៉េខាងជើង
កូរ៉េខាងត្បូង
Olympic2018
© រក្សាសិទ្ធិដោយ thmeythmey.com
