ប្រាក់ឈ្នួលរបស់កីឡាករបិសាចក្រហមទាំង ២៤រូប ប្រចាំឆ្នាំ២០១៨

កីឡាអន្តរជាតិ

អន្តរជាតិ

ប្រាក់ឈ្នួលរបស់កីឡាករបិសាចក្រហមទាំង ២៤រូប ប្រចាំឆ្នាំ២០១៨

10, Feb 2018 , 8:59 pm

រូបភាព

ដោយ: ទេព ពិទូរ្យ

ប្រាក់ចំណូលប្រចាំឆ្នាំរបស់ក្លិប Manchester United បានកើនឡើងជាលំដាប់ក្នុងរយៈពេលប៉ុន្មានឆ្នាំចុងក្រោយនេះ ហើយបច្ចុប្បន្នពួកគេគឺជាក្លិបបាល់ទាត់ដែលមានតម្លៃថ្លៃបំផុតលើលោកដែលយកឈ្នះក្លិបធំៗនៅតំបន់អឺរ៉ុបដូចជា Real Madrid និង Barcelona ជាដើម។ ក្លិបរហស្សនាមបិសាចក្រហមមួយនេះ រកប្រាក់ចំណូលបានចំនួន ៦១៥ លានផោន (ជាង ៨៦៨លានដុល្លារ) កាលពីឆ្នាំមុន ដែលក្នុងនោះទទួលបានប្រាក់ចំណេញចំនួន ៥០ លានផោន (ជាង ៧០លានដុល្លារ)។

ស្របពេលជាមួយគ្នានេះ ប្រាក់បៀរវត្សប្រចាំសប្តាហ៍របស់កីឡាករមួយចំនួន ក៏មានតម្លៃថ្លៃខ្ពស់ផងដែរ ក្នុងនោះរួមមាន Paul Pogba (៤០ម៉ឺនដុល្លារ) David Dea Gea និង Romelu Lukaku (ជិត ២៨ម៉ឺនដុល្លារ) Juan Mata (ជាង ១៩ម៉ឺនដុល្លារ) និង Alexis Sanchez ដែលទើបនាំចូលមកទឹកដី Old Trafford នៅខែមករាកន្លងមកនេះ ទទួលបានប្រាក់ឈ្នួលខ្ពស់ជាងគេសម្រាប់ក្លិប ជាង៤៨ម៉ឺនដុល្លារ ក្រោយគិតពន្ធរួច។

យោងតាមការផ្សាយរបស់គេហទំព័រ TotalSportek កាលពីរដូវកាលមុន ក្រុមម្ចាស់ជើងឯកលីកកំពូលអង់គ្លេស២០សម័យ បានចំណាយ ២៣២ លានផោន (៣២៧លានដុល្លារ) លើប្រាក់ឈ្នួលរបស់កីឡាករទាំងអស់ ដែលជាកម្រិតខ្ពស់បំផុតក្នុងក្របខណ្ឌ Premier League។

ខាងក្រោមនេះ ជាតារាងប្រាក់ឈ្នួលប្រចាំសប្តាហ៍របស់កីឡាករ Manchester United ទាំង ២៤រូប ក្នុងឆ្នាំ២០១៨នេះ៖