ជាតិ
នយោបាយជាតិ
សភានឹងប្រជុំពេញអង្គលើសេចក្តីព្រាងច្បាប់ ដាក់ទោសអ្នកប្រមាថព្រះមហាក្សត្រ នៅថ្ងៃ១៤ កុម្ភៈ
× ភ្នំពេញ៖ សភានឹងកោះប្រជុំវិសាមញ្ញ ដើម្បីត្រួតពិនិត្យ និងអនុម័តលើសេចក្តីព្រាងច្បាប់ ស្តីពីការដាក់ទោសអ្នកប្រមាថព្រះមហាក្សត្រ នៅថ្ងៃទី១៤ កុម្ភៈ។ នេះបើតាមសេចក្តីប្រកាសព័ត៌មានរបស់រដ្ឋសភា។
បុគ្គល ដែលប្រមាថព្រះមហាក្សត្រ នឹងត្រូវផ្តន្ទាទោសឲ្យជាប់ពន្ធនាគារពី ១ ទៅ ៥ឆ្នាំ និងពិន័យជាប្រាក់ពី ២លានរៀល ទៅ១០លានរៀល។ នីតីបុគ្គល ដែលសំដៅលើអង្គភាព ស្ថាប័ន អង្គការ ឬក្រុមហ៊ុន ជាដើម អាចនឹងត្រូវពិន័យជាប្រាក់ពី ១០លានរៀល ទៅ៥០លានរៀល ព្រមទាំងទោសផ្សេងៗទៀត ក្នុងករណីប្រមាថព្រះមហាក្សត្រ។ នេះបើតាមខ្លឹមសារថ្មីនេះ ដែលត្រូវបានគណៈរដ្ឋមន្ត្រីមន្ត្រី បានអនុម័តកាលពីថ្ងៃទី២ ខែកុម្ភៈ ឆ្នាំ២០១៨ ។
ក្រៅពីសេចក្តីព្រាងច្បាប់ខាងលើ រដ្ឋសភាក៏ត្រួតពិនិត្យនិងអនុម័តលើសេចក្តីព្រាងច្បាប់២ទៀតផងដែរ រួមមាន សេចក្តីព្រាងច្បាប់ស្តីពីវិសោធនកម្មមាត្រា២៦ មាត្រា២៧ថ្មី មាត្រា២៨ មាត្រា៣១ និងមាត្រា៣២ នៃច្បាប់ស្តីពីការរៀបចំ និងការប្រព្រឹត្តទៅ នៃក្រុមប្រឹក្សាធម្មនុញ្ញ។ សេចក្តីព្រាងច្បាប់ស្តីពី ការអនុម័តយល់ព្រមលើកិច្ចព្រមព្រៀងស្តីពីការជំរុញ និងសម្រួលពាណិជ្ជកម្មតំបន់ត្រីកោណអភិវឌ្ឍន៍កម្ពុជា-ឡាវ-វៀតណាម៕
© រក្សាសិទ្ធិដោយ thmeythmey.com