កីឡាអន្តរជាតិ
អន្តរជាតិ
មេរោគ norovirus កំពុងវាយលុកក្នុងព្រឹត្តិការណ៍អូឡាំពិកព្យុងឆាង រូបភាពពី AFP
× មានមេរោគមួយឈ្មោះថា norovirus បានកើតឡើង ១៧៧ ករណីហើយក្នុងការប្រកួត កីឡាអូឡាំពិករដូវរងានៅទីក្រុងព្យុងឆាង (Pyeongchang 2018 Winter Olympic Games) ប្រទេសកូរ៉ែខាងត្បូង។ នេះបើតាមការអះអារពីអ្នករៀបចំព្រឹត្តិការណ៍កីឡាអូឡាំពិក (POCOG) នៅថ្ងៃចន្ទទី ១២ ខែកុម្ភៈនេះ។
POCOG បានបញ្ជាក់ថា ក្នុងចំណោម១៩ករណីដែលឆ្លងមេរោគនេះ បានបណ្តាលឲ្យអត្តពលិកក្អួត និងរាគអំឡុងការប្រកួតកាលពីថ្ងៃអាទិត្យទី ១១ ខែកុម្ភៈ ហើយក្រៅពីនេះអត្តពលិក ៦៨នាក់ នៃ១៧៧ករណីទៀត រកឃើញថាមិនមានសភាពធ្ងន់ធ្ងរនោះទេដែលអាចត្រឡប់ចូលប្រកួតប្រជែងវិញតាមធម្មតា។
បើយោងតាមការផ្សាយរបស់ទីភ្នាក់ងារព័ត៌មាន Reuters មេរោគនេះ បានផ្ទុះឡើងចាប់តាំងពីថ្ងៃបើកកម្មវិញធីកីឡាអូឡាំពិករដូវរងាលើកទី២៣មកម្លេះ ដែលបណ្តាលឲ្យសន្តិសុខប្រមាណ ១២០០អ្នកជួបបញ្ហាមិនឈរជើងយាមកាមតាមតំបន់របស់ពួកគេបាន ហើយត្រូវជំនួសវិញដោយក្រុមយោធា។
យ៉ាងណាក៏ដោយ ជុំវិញការឆ្លងមេរោគ norovirus នេះនៅមិនទាន់មានអត្តពលិករូបណាម្នាក់ត្រូវបានរកឃើញថាជួបបញ្ហាធ្ងន់ធ្ងរនៅឡើយនោះទេ ខណៈ POCOG បានលើកឡើងដែលថា មានភ្នាក់ងារជាច្រើនបានសហការគ្នាដើម្បីរារាំងការឆ្លងមេរោគនេះ ដោយពិនិត្យលើគុណភាពទឹក និងចំនីអាហារនៅតាមភោជនីដ្ឋាន សណ្ឋាគារ និងនៅកន្លែងស្នាក់នៅរបស់អត្តពលិក រួមទាំងបុគ្គលិកទាំងអស់៕
Tag:
កីឡាអូឡាំពិក
កូរ៉េខាងត្បូង
© រក្សាសិទ្ធិដោយ thmeythmey.com