អន្តរជាតិ
ឌូទើតេ ព្រមានបាញ់រាល់ប្រទេសទាំងអស់ដែលចូលលួចធនធានហ្វីលីពីននៅសមុទ្រចិនខាងត្បូង
×![]()
ដោយ: ថ្មីៗ
ប្រធានាធិបតីហ្វីលីពីនលោក រ៉ូឌ្រីហ្គោ ឌូទើតេ បានព្រមានថាលោកនឹងបញ្ជាឲ្យកងទ័ពជើងទឹកបាញ់រាល់ភាគីណាមួយដែលហ៊ានចូលលួចធនធានរបស់ហ្វីលីពីនដែលស្ថិតនៅក្នុងសមុទ្រចិនខាងត្បូង។ មេដឹកនាំរូបនេះមិនមានបំណងធ្វើសង្គ្រាមឡើយ ប៉ុន្តែក៏មិនអាចឲ្យគេរំលោភបំពាន និងកេងប្រវ័ញ្ចតាមចិត្តដែរ។
ក្នុងសន្និសីទសារព័ត៌មានមួយកាលពីចុងសប្តាហ៍មុន ប្រធានាធិបតីមាត់ដាចហ្វីលីពីន រ៉ូឌ្រីហ្គោ ឌូទើតេ បានបញ្ជាក់ច្បាស់ថា លោកមិនញរញើតនឹងបញ្ជាឲ្យកងទ័ពហ្វីលីពីនបាញ់ប្រទេសណាក៏ដោយដែលហ៊ានចូលលួចធនធានសមុទ្រហ្វីលីពីនក្នុងតំបន់សេដ្ឋកិច្ចផ្តាច់មុខ (EEZ) នៅសមុទ្រចិនខាងត្បូង។
យោងតាមទីភ្នាក់ងារព័ត៌មាន AP លោក ឌូទើតេ បានអះអាងថា លោកនឹងបន្តចរចាជាមួយចិនដើម្បីដោះស្រាយបញ្ហាជម្លោះដែនសមុទ្រ ហើយលោកក៏បញ្ជាក់ជាថ្មីពីសិទ្ធិអធិបតេយ្យរបស់ហ្វីលីពីនលើតំបន់សម្បូរធនធាន Benham Rise ផងដែរ។
លោកបន្តថា៖ «ដូចគ្នាអ៊ីចឹង យើងមិនអាចប្រយុទ្ធជាមួយអាមេរិកបានឡើយ ហើយចិនក៏ដូចគ្នា។ខ្ញុំនឹងរក្សាភាពស្ងប់ស្ងាត់។ ប៉ុន្តែបើសិនជាអ្នកឯងចូលមកលួចធនធានក្នុងតំបន់សេដ្ឋកិច្ចផ្តាច់មុខ ខ្ញុំនឹងបញ្ជាឲ្យទាហានបាញ់តែម្តង»។
មេដឹកនាំហ្វីលីពីនខាងលើចង់សំដៅលើដែនសេដ្ឋកិច្ចផ្តាច់មុខមានចម្ងាយ ២០០ ម៉ាល៍ និងស្ថិតក្រោមការគ្រប់គ្រងផ្តាច់មុខរបស់រដ្ឋ ដែលមានកំណត់ក្នុងអនុសញ្ញាអង្គការសហប្រជាជាតិស្តីពី ច្បាប់សមុទ្រ ឆ្នាំ ១៩៨២នោះ។ ក្រោមច្បាប់សមុទ្រនេះ នាវាបរទេសអាចធ្វើដំណើរឆ្លងកាត់បានដោយគ្មានបញ្ហា ប៉ុន្តែមិនមានសិទ្ធិនេសាទ និងទាញយកប្រេងឬ ឧស្ម័នធម្មជាតិពីតំបន់នោះឡើយ។
ដោយឡែក ថ្មីៗនេះដែរ រដ្ឋាភិបាលក្រុងម៉ានីលក៏បានបញ្ជាឲ្យមានការបញ្ឈប់រាល់ការស្រាវជ្រាវវិទ្យាសាស្ត្រនៅក្នុងតំបន់ Benham Rise ហើយប្រធានាធិបតីក៏ចេញបញ្ជាឲ្យកងទ័ពអាកាសនិងកងទ័ពជើងទឹកនាំគ្នាល្បាតជុំវិញតំបន់ខាងលើផង។
អ្នកនាំពាក្យប្រធានាធិបតីហ្វីលីពីនអះអាងថាប្រាប់អ្នកសារព័ត៌មានថា រាល់បេសកកម្មស្រាវជ្រាវទាំងអស់ត្រូវបានបញ្ចប់ហើយទាំងខាងអាមេរិក ចិន ជប៉ុន និងកូរ៉េខាងត្បូង ហើយប្រធានាធិបតី ឌូទើតេ ចង់ឲ្យអ្នកជំនាញហ្វីលីពីនស្រាវជ្រាវម្តង។
កន្លងមកមានការរិះគន់លោក ឌូទើតេ ខ្លាំងដោយសារលោកអនុញ្ញាតឲ្យអ្នកជំនាញចិនទៅស្រាវជ្រាវនៅតំបន់ Benham Rise ទាំងដែលចិនទាមទារយកតំបន់ជម្លោះសមុទ្រចិនខាងត្បូងស្ទើរទាំងស្រុង និងមិនគោរពសេចក្តីសម្រេចរបស់តុលាការមជ្ឈត្តការអន្តរជាតិទៀត។
ដូច្នេះហើយ កាលពីចុងសប្តាហ៍កន្លងទៅ គេឃើញប្រជាជនហ្វីលីពីនដែលជាសកម្មជនជាច្រើននាក់នាំគ្នាបាតុកម្មទាមទារឲ្យចិនចាកចេញពីហ្វីលីពីន ហើយពួកគេក៏ទិតៀនចិនដែលដំឡើងសម្ភារសម្រាប់ការពារជាតិ និងយោធាផងនៅលើកោះសិប្បនិម្មិតនៅប្រជុំកោះ Spratly ផងដែរ។
តាមពិតទៅ លោក ឌូទើតេ បានក្លាយជាតួអង្គដ៏សំខាន់ដែលបានជួយសង្គ្រោះជីវិតទំនាក់ទំនងការទូតរវាង ចិន និងហ្វីលីពីនដែលបានធ្លាក់ល្អក់ករកខ្លាំង។ កន្លងមកលោកបានបង្ហើបថា ចិនសន្យាជាមួយលោកថា គេនឹងឈប់កសាងកោះសិប្បនិម្មិត និងបង្កភាពតានតឹងក្នុងតំបន់ទៀត។ លោក ឌូទើតេ ក៏មើលឃើញដែរថា ចិនធ្វើបែបនោះក៏ដោយសារសកម្មភាពបង្ករឿងរបស់អាមេរិកនៅសមុទ្រចិនខាងតបូងដែរ។
ក្នុងសន្និសីទសារព័ត៌មានមួយកាលពីចុងសប្តាហ៍មុន ប្រធានាធិបតីមាត់ដាចហ្វីលីពីន រ៉ូឌ្រីហ្គោ ឌូទើតេ បានបញ្ជាក់ច្បាស់ថា លោកមិនញរញើតនឹងបញ្ជាឲ្យកងទ័ពហ្វីលីពីនបាញ់ប្រទេសណាក៏ដោយដែលហ៊ានចូលលួចធនធានសមុទ្រហ្វីលីពីនក្នុងតំបន់សេដ្ឋកិច្ចផ្តាច់មុខ (EEZ) នៅសមុទ្រចិនខាងត្បូង។
យោងតាមទីភ្នាក់ងារព័ត៌មាន AP លោក ឌូទើតេ បានអះអាងថា លោកនឹងបន្តចរចាជាមួយចិនដើម្បីដោះស្រាយបញ្ហាជម្លោះដែនសមុទ្រ ហើយលោកក៏បញ្ជាក់ជាថ្មីពីសិទ្ធិអធិបតេយ្យរបស់ហ្វីលីពីនលើតំបន់សម្បូរធនធាន Benham Rise ផងដែរ។
លោកបន្តថា៖ «ដូចគ្នាអ៊ីចឹង យើងមិនអាចប្រយុទ្ធជាមួយអាមេរិកបានឡើយ ហើយចិនក៏ដូចគ្នា។ខ្ញុំនឹងរក្សាភាពស្ងប់ស្ងាត់។ ប៉ុន្តែបើសិនជាអ្នកឯងចូលមកលួចធនធានក្នុងតំបន់សេដ្ឋកិច្ចផ្តាច់មុខ ខ្ញុំនឹងបញ្ជាឲ្យទាហានបាញ់តែម្តង»។
មេដឹកនាំហ្វីលីពីនខាងលើចង់សំដៅលើដែនសេដ្ឋកិច្ចផ្តាច់មុខមានចម្ងាយ ២០០ ម៉ាល៍ និងស្ថិតក្រោមការគ្រប់គ្រងផ្តាច់មុខរបស់រដ្ឋ ដែលមានកំណត់ក្នុងអនុសញ្ញាអង្គការសហប្រជាជាតិស្តីពី ច្បាប់សមុទ្រ ឆ្នាំ ១៩៨២នោះ។ ក្រោមច្បាប់សមុទ្រនេះ នាវាបរទេសអាចធ្វើដំណើរឆ្លងកាត់បានដោយគ្មានបញ្ហា ប៉ុន្តែមិនមានសិទ្ធិនេសាទ និងទាញយកប្រេងឬ ឧស្ម័នធម្មជាតិពីតំបន់នោះឡើយ។
ដោយឡែក ថ្មីៗនេះដែរ រដ្ឋាភិបាលក្រុងម៉ានីលក៏បានបញ្ជាឲ្យមានការបញ្ឈប់រាល់ការស្រាវជ្រាវវិទ្យាសាស្ត្រនៅក្នុងតំបន់ Benham Rise ហើយប្រធានាធិបតីក៏ចេញបញ្ជាឲ្យកងទ័ពអាកាសនិងកងទ័ពជើងទឹកនាំគ្នាល្បាតជុំវិញតំបន់ខាងលើផង។
អ្នកនាំពាក្យប្រធានាធិបតីហ្វីលីពីនអះអាងថាប្រាប់អ្នកសារព័ត៌មានថា រាល់បេសកកម្មស្រាវជ្រាវទាំងអស់ត្រូវបានបញ្ចប់ហើយទាំងខាងអាមេរិក ចិន ជប៉ុន និងកូរ៉េខាងត្បូង ហើយប្រធានាធិបតី ឌូទើតេ ចង់ឲ្យអ្នកជំនាញហ្វីលីពីនស្រាវជ្រាវម្តង។
កន្លងមកមានការរិះគន់លោក ឌូទើតេ ខ្លាំងដោយសារលោកអនុញ្ញាតឲ្យអ្នកជំនាញចិនទៅស្រាវជ្រាវនៅតំបន់ Benham Rise ទាំងដែលចិនទាមទារយកតំបន់ជម្លោះសមុទ្រចិនខាងត្បូងស្ទើរទាំងស្រុង និងមិនគោរពសេចក្តីសម្រេចរបស់តុលាការមជ្ឈត្តការអន្តរជាតិទៀត។
ដូច្នេះហើយ កាលពីចុងសប្តាហ៍កន្លងទៅ គេឃើញប្រជាជនហ្វីលីពីនដែលជាសកម្មជនជាច្រើននាក់នាំគ្នាបាតុកម្មទាមទារឲ្យចិនចាកចេញពីហ្វីលីពីន ហើយពួកគេក៏ទិតៀនចិនដែលដំឡើងសម្ភារសម្រាប់ការពារជាតិ និងយោធាផងនៅលើកោះសិប្បនិម្មិតនៅប្រជុំកោះ Spratly ផងដែរ។
តាមពិតទៅ លោក ឌូទើតេ បានក្លាយជាតួអង្គដ៏សំខាន់ដែលបានជួយសង្គ្រោះជីវិតទំនាក់ទំនងការទូតរវាង ចិន និងហ្វីលីពីនដែលបានធ្លាក់ល្អក់ករកខ្លាំង។ កន្លងមកលោកបានបង្ហើបថា ចិនសន្យាជាមួយលោកថា គេនឹងឈប់កសាងកោះសិប្បនិម្មិត និងបង្កភាពតានតឹងក្នុងតំបន់ទៀត។ លោក ឌូទើតេ ក៏មើលឃើញដែរថា ចិនធ្វើបែបនោះក៏ដោយសារសកម្មភាពបង្ករឿងរបស់អាមេរិកនៅសមុទ្រចិនខាងតបូងដែរ។
Tag:
សមុទ្រចិនខាងត្បូង
រ៉ូឌ្រីហ្គោ ឌូទើតេ
© រក្សាសិទ្ធិដោយ thmeythmey.com
