Ronaldo ជាកីឡាករដំបូងដែលរកបានលើស១០០គ្រាប់នៅ Champions League

កីឡាអន្តរជាតិ

អន្តរជាតិ

Ronaldo ជាកីឡាករដំបូងដែលរកបានលើស១០០គ្រាប់នៅ Champions League

15, Feb 2018 , 2:07 pm

រូបភាព

ដោយ: ទេព ពិទូរ្យ

Cristiano Ronaldo ក្លាយជាកីឡាករដំបូងគេដែលអាចរកគ្រាប់បាល់បានលើសពី ១០០ គ្រាប់សម្រាប់ក្លិបតែមួយ ក្នុងក្របខណ្ឌ UEFA Champions League ក្រោយស៊ុតបញ្ចូលទី២គ្រាប់ម្នាក់ឯងជួយ Real Madrid យកឈ្នះ Paris St-German ៣-១ វគ្គ១៦ក្រុមផ្តាច់ព្រ័ត្រជើងទី១ នារាត្រីថ្ងៃពុធទី ១៤ ខែកុម្ភៈ។

ខ្សែប្រយុទ្ធឆ្នើមដែលមានវ័យ ៣២ឆ្នាំរូបនេះ នៅតែបន្តរកគ្រាប់បាល់បានជារើយៗក្នុងការប្រកួតសំខាន់ៗ ដូចជាជំនួបជាមួយ PSG ក្នុងក្របខណ្ឌកំពូលអឺរ៉ុបនេះជាដើម។
ម្ចាស់ពាន Ballon d'Or ៥សម័យ អាចរកគ្រាប់បាល់សរុប ១០១គ្រាប់ហើយក្នុងក្របខណ្ឌ Champion league ចាប់តាំងពីចាកចេញពី Manchester United ទៅចូលរួមជាមួយ Real Madrid កាលឆ្នាំ២០០៩ រហូតដល់បច្ចុប្បន្ន ហើយកំពុងនាំមុខគូប្រជែង Lionel Messi ដែលស៊ុតបញ្ចូលទីបាន ៩៧គ្រាប់ឲ្យ Bacelona។

ក្នុងរដូវកាលដំបូង ២០០៩-២០១០ ក្នុងនាមជាកីឡាកររបស់ក្រុមរហស្សនាមអធិរាជស Ronaldo រកគ្រាប់បាល់បាន ៧គ្រាប់, ២០១០-២០១១ (៦គ្រាប់), ២០១១-២០១២ (១០គ្រាប់), ២០១២-២០១៣ (១២គ្រាប់), ២០១៣-២០១៤ (១៧គ្រាប់), ២០១៤-២០១៥ (១០គ្រាប់), ២០១៥-២០១៦ (១៦គ្រាប់), ២០១៦-២០១៧ (១២គ្រាប់) និង ២០១៧-២០១៨ នេះ រកបាន ១២គ្រាប់ហើយ។