រូបត្លុក
ពេលចូលមន្ទីរពេទ្យក្នុងស្រុកថា«ថ្លៃ» ពេលទៅពេទ្យបរទេស«អស់ប៉ុន្មានអស់ទៅ»
×![]()
ភ្នំពេញ៖ បើផ្អែកលើកត្តាសត្យានុម័ត មន្ទីពេទ្យបរទេសមួយចំនួនធំមានគុណភាពលើសមន្ទីពេទ្យខ្មែរមែន មិនថា នៅក្នុង ឬនៅក្រៅប្រទេសទេ។ តែក៏មិនមែនមានន័យថា គ្រប់មន្ទីពេទ្យបរទេសសុទ្ធតែល្អ និងពូកែនោះដែរ ហើយមិនមែនមានន័យថា មន្ទីពេទ្យខ្មែរសុទ្ធតែអាក្រក់នោះដែរ។ មានល្អ មានអាក្រក់នៅគ្រប់ទីកន្លែង។ អ្វីដែលត្រូវធ្វើ និងត្រូវកែលម្អរ គឺការកសាងកេរ្តិ៍ឈ្មោះ និងទំនុកចិត្ត។
កាលពីពេលកន្លងមក ពលរដ្ឋខ្មែរ ជាពិសេស អ្នកមានធនធានបាននាំគ្នាសម្រុកទៅទទួលការព្យាបាលនៅក្រៅប្រទេសសូម្បីតែជំងឺតូចតាចក៏ដោយ ព្រោះ ពួកគេបាត់បង់ជំនឿលើវេជ្ជបណ្ឌិតខ្មែរ(មិនមែនរឿងវេជ្ជបណ្ឌិតខ្មែរមិនពូកែដូចគេនោះទេ តែរឿងបាត់បង់ជំនឿ)។ ត្រង់ចំណុចនេះ វេជ្ជបណ្ឌិតក្នុងប្រទេសគួរនាំគ្នាយកចិត្តទុកដាក់ឡើងវិញពីរឿងក្រមសីលធម៌។
អ្វីៗមានការប្រែប្រួល ក្នុងរយៈពេលចុងក្រោយនេះ អ្នកជំងឺមួយចំនួនចាប់ផ្តើមយល់ឃើញខ្លះហើយថា វេជ្ជបណ្ឌិតបរទេសមួយចំនួនក៏មិនអស្ចារ្យដែរ។ ដូច្នេះ ជំងឺមួយចំនួនគួរចំណាយប្រាក់ព្យាបាលនៅក្នុងប្រទេសវិញ។
សរុបសេចក្តីមក វេជ្ជបណ្ឌិតខ្មែរត្រូវកសាងជំនឿឡើងវិញ រីឯ អ្នកជំងឺខ្មែរគួរពិចារណាឲ្យច្បាស់ថា តើជំងឺកម្រិតណាគួរចេញទៅក្រៅប្រទេស ពោល គឺចៀសវាង គ្រាន់តែជំងឺផ្តាសាយក៏ទៅក្រៅប្រទេសដែរ៕
© រក្សាសិទ្ធិដោយ thmeythmey.com
