សេដ្ឋកិច្ច
កម្ពុជា គ្រោងបង្កើនការនាំចេញ អង្ករ ម្រេចកំពត ស្ករត្នោត ចូលទីផ្សារអង់គ្លេស
រូបភាព ហ្វេសប៊ុក ក្រសួងការបរទេស
×![]()
ភ្នំពេញ៖ កម្ពុជា គ្រោងបង្កើនការនាំចេញ អង្ករ ម្រេចកំពត ស្ករត្នោត ចូលទីផ្សារអង់គ្លេស ។ គម្រោងនេះ ត្រូវបានរដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិលោក ប្រាក់ សុខុន លើកពិភាក្សាជាមួយលោក Edward Vaizey បេសកជនពាណិជ្ជកម្មរបស់នាយករដ្ឋមន្ដ្រីអង់គ្លេសប្រចាំកម្ពុជា កាលពីថ្ងៃទី១២ កុម្ភៈ។
ក្នុងជំនួបពិភាក្សាគ្នានេះ លោក ប្រាក់ សុខុន បានបញ្ជាក់ថា កម្ពុជាចង់បង្កើនការនាំផលិតផលកសិកម្ម និងកសិឧស្សាហកម្ម ចូលទៅទីផ្សារចក្រភពអង់គ្លេស ជាពិសេសអង្ករ ,ម្រេចកំពត ដែលទទួលម៉ាកសម្គាល់ភូមិសាស្ត្រ (Geographical Indication-GI)របស់សហភាពអឺរ៉ុប និងស្ករត្នោតខេត្តកំពង់ស្ពឺ ដែលនឹងទទួលម៉ាកសម្គាល់ភូមិសាស្ត្រពីសហភាព នាពេលខាងមុខនេះ។
ជាការឆ្លើយតប លោក Edward Vaizey បេសកជនពាណិជ្ជកម្មរបស់នាយករដ្ឋមន្ដ្រីអង់គ្លេសប្រចាំកម្ពុជា បានសន្យាជួយសម្រួលការនាំចូលផលិតផលទាំងនេះ ទៅកាន់ទៅផ្សារចក្រភពអង់គ្លេស។ លោក Vaizey បន្ថែមថា ស្ករត្នោតកម្ពុជាមានគុណភាពល្អ ដែលនឹងទទួលបានការគាំទ្រយ៉ាងពេញនិយម នៅលើទីផ្សារចក្រភពអង់គ្លេស នាពេលអនាគត។«អង់គ្លេសត្រៀមខ្លួនធ្វើជាដៃគូរពាណិជ្ជកម្មដ៏សំខាន់ជាមួយកម្ពុជា ក្រោយការចាកចេញរបស់អង់គ្លេសពីសហភាពអឺរ៉ុប»។ នេះជាការបញ្ជាក់របស់លោក Edward Vaizey ។
គួរបញ្ជាក់ថា ទំហំពាណិជ្ជកម្មប្រទេសទាំងពីរ បានកើនប្រមាណ ៩០០លានដុល្លារ ក្នុងឆ្នាំ២០១៥ និងកើនជាង ១ពាន់លានដុល្លារ នៅឆ្នាំ២០១៧ ។ នេះបើតាមសេចក្តីប្រកាសព័ត៌មានក្រសួងការបរទេស៕
Tag:
ប្រាក់ សុខុន
អង់គ្លេស
© រក្សាសិទ្ធិដោយ thmeythmey.com
