កីឡាអន្តរជាតិ
អន្តរជាតិ
អូឡាំពិកព្យុងឆាង៖ ន័រវេសឈរពីលើអាល្លឺម៉ង់វិញ ខណៈម្ចាស់ផ្ទះមិនទាន់បានមេដាយមាសបន្ថែម កីឡាករន័រវេស Oystein Braaten ឈ្នះមេដាយមាសលើវិញ្ញាសា Slopestyle នៃកីឡាជិះស្គី។ រូបថត Getty Image
× ន័រវេស បង្ហាញភាពខ្លាំងរបស់ខ្លួននៅក្នុងព្រឹត្តិការណ៍កីឡាអូឡាំពិករដូវរងា ដែលរៀបចំនៅក្រុងព្យុងឆាង (Pyeong Chang 2018) ប្រទេសកូរ៉េខាងត្បូង។ បច្ចុប្បន្ន ក្រុមពីតំបន់ស្កង់ឌីណាវមួយនេះ រកបានមេដាយមាស៩ស្មើអាល្លឺម៉ង់ ហើយមានចំនួនមេដាយសរុបច្រើនលើសគេ។ ហូឡង់រក្សាចំណាត់លេខ៣ឈរពីលើកាណា សហរដ្ឋអាមេរិក ស៊ុយអែត អូទ្រីស និងបារាំង។
ម្ចាស់ផ្ទះកូរ៉េខាងត្បូង រកមិនបានមេដាយមាសបន្ថែមឡើយ ដោយបច្ចុប្បន្នស្ថិតនៅចំណាត់ថ្នាក់លេខ៩ ចំណែកជប៉ុនមានមេដាយមាស២ក្នុងដៃស្មើស្វីស និងអ៊ីតាលី។ ចំណែក សាធារណរដ្ឋឆេក ស្លូវ៉ាគី បេឡារុស ចក្រភពអង់គ្លេស ប៉ូឡូញ និងអ៊ុយក្រែន បានមេដាយមាសម្នាក់មួយ និងមេដាយផ្សេងៗទៀត។
ដោយឡែក ៨ប្រទេសផ្សេងទៀត ដែលមានឈ្មោះក្នុងតារាងមេដាយដែរ ប៉ុន្តែមិនទាន់ទទួលបានមេដាយមាសរួមមាន ចិន អត្តពលិកអូឡាំពិកពីរុស្ស៊ី [ក្រុមនេះមិនមានសិទ្ធិប្រើទង់ជាតិរុស្ស៊ីឡើយ] អូស្ត្រាលី ស្លូវេនី ហ្វាំងឡង់ អេស្ប៉ាញ កាហ្សាក់ស្ថាន និងលិចតិនស្តាញ។
សូមមើលតារាងចំណាត់ថ្នាក់ និងមេដាយដូចខាងក្រោម [គិតត្រឹមពីថ្ងៃទី៩ ដល់ថ្ងៃទី១៨ ខែកុម្ភៈ]
© រក្សាសិទ្ធិដោយ thmeythmey.com