អន្តរជាតិ
រដ្ឋមន្រ្តីការបរទេសអាមេរិក រិច ធីល័រសិន (រូបភាព៖ AFP)
×![]()
ដោយ: តន ចាន់រិទ្ធារ៉ា
រដ្ឋមន្ត្រីការបរទេសអាមេរិក រិច ធីល័រសិន និយាយក្នុងកិច្ចសម្ភាសមួយថា អាមេរិកកំពុងស្ដាប់សញ្ញាចង់ចរចារបស់កូរ៉េខាងជើង។ ក្នងន័យនេះ លោក ធីល័រសិន ចង់ប្រាប់កូរ៉េខាងជើងថា បាល់កំពុងនៅក្រោមជើងរបស់ក្រុងព្យុងយ៉ាង ហើយការចរចាអាចចាប់ផ្ដើមនៅពេលណា គឺអាស្រ័យលើក្រុងព្យុងយ៉ាងប៉ុណ្ណោះ។ លោក ធីល័រសិន និយាយដូចនេះ ខណៈដែលទំនាក់ទំនងអន្តរកូរ៉េល្អកំពុងប្រសើរ ដែលគេជឿថា អាចនាំដល់ការជួបមុខផ្ទាល់រវាងអាមេរិក និងកូរ៉េខាងជើងមិនខាន។
ក្នុងកម្មវិធី 60 Minutes របស់ទូរទស្សន៍ CBS រដ្ឋមន្ត្រីការបរទេសអាមេរិក រិច ធីល័រសិន បានប្រកាសជំហររបស់អាមេរិកក្នុងការបើកទ្វារចរចាជាមួយកូរ៉េខាងជើងលើសំណុំរឿងនុយក្លេអ៊ែរ។ បើតាមលោក ធីល័រសិន ក្នុងនាមជាប្រមុខការទូត ការងាររបស់លោក គឺធានាថា ទ្វារចរចានៅតែបើកចំហសម្រាប់កូរ៉េខាងជើង។ ប៉ុន្តែ ការជជែកគ្នានឹងចាប់ផ្ដើមនៅពេលណា គឺកូរ៉េខាងជើងជាអ្នកសម្រេចចិត្ត ឯអាមេរិកកំពុងរង់ចាំ។
យោងតាមទីភ្នាក់ងារព័ត៌មាន AFP ក្នុងកិច្ចសម្ភាសដែលផ្សាយនៅថ្ងៃទី១៨ ខែកុម្ភៈ លោក ធីល័រសិន បញ្ជាក់ថា លោកកំពុងចាំស្ដាប់កូរ៉េខាងជើងប្រាប់ថា ខ្លួនត្រៀមរួចរាល់ដើម្បីចរចា។ នៅខណៈនេះ អាមេរិកមិនផ្ញើសារអ្វីច្រើនទៅឲ្យកូរ៉េខាងជើងឡើយ ព្រោះអាមេរិកបាននិយាយច្រើនណាស់ហើយលើបញ្ហានេះ។ ខណៈដែលទំនាក់ទំនងអន្តរកូរ៉េកំពុងរីកចម្រើននោះ ប្រមុខការទូតអាមេរិកអាមេរិករូបនេះបង្ហាញគំនិតសុទិដ្ឋិនិយមថា កូរ៉េខាងជើងនឹងងាកចូលតុចរចាមិនខាន។
ទោះជាអាមេរិកចំហទ្វារសម្រាប់កូរ៉េខាងជើងមែន លោក ធីល័រសិន ប្រកាសថា អាមេរិកមិនមានសម្បទានអ្វីដើម្បីអូសទាញកូរ៉េខាងជើងឲ្យចូលតុជជែកផ្ទាល់ជាមួយអាមេរិកឡើយ។ មន្ត្រីការទូតអាមេរិករូបនេះបានប្រៀបធៀបថា អាមេរិកមិនបានយកការ៉ុតដើម្បីធ្វើធ្នាក់ទាក់កូរ៉េខាងជើងឡើយ តែកំពុងប្រើដំបងដ៏ធំមួយ។ លោកចង់សំដៅដល់ការដាក់ទណ្ឌកម្មសេដ្ឋកិច្ចរបស់អាមេរិកលើកូរ៉េខាងជើង ដែលលោកអះអាងថា កំពុងបញ្ចេញប្រសិទ្ធភាព។
តាមពិតទៅ ក្រុងវ៉ាស៊ីនតោនក៏ធ្លាប់និយាយច្រើនលើកហើយលើរឿងចរចានេះ ហើយក៏ត្រៀមរួចខ្លួនជជែកជាស្រេចដែរ ក្នុងករណីក្រុងព្យុងយ៉ាងចង់ចរចាដោយស្មោះ និងមានន័យ។ យ៉ាងណាមិញ អាមេរិកចង់ឲ្យកូរ៉េខាងជើងបង្ហាញជំហររបស់ខ្លួនដើម្បីឈានដល់ការរំសាយនុយក្លេអ៊ែរនៅឧបទ្វីបកូរ៉េ មុននឹងការចរចាប់ផ្ដើម។ និយាយបែបផ្សេង អាមេរិកចង់ឲ្យមានការផ្អាកកម្មវិធីនុយក្លេអ៊ែរ និងឈប់សាកល្បងមីស៊ីលសិន ទើបការចរចាដំណើការបាន។
ចំណែកឯប្រធានបទចរចាវិញ លោក ធីល័រសិន លើកឡើងថា កូរ៉េខាងជើងដឹងហើយថា ត្រូវយកអ្វីដាក់លើតុចរចា។ ប៉ុន្តែកូរ៉េខាងជើងឯណោះក៏ធ្លាប់ប្រកាសក្ដែងៗហើយថា កម្មវិធីអភិវឌ្ឍនុយក្លេអ៊ែរ និងមីស៊ីល មិនមែនជាកម្មវត្ថុសម្រាប់ការចរចាណាមួយឡើយ ព្រោះជាអាយុជីវិតរបស់ខ្លួន។ បើការចរចានិយាយពីរឿងនុយក្លេអ៊ែរនេះ កូរ៉េខាងជើងមិនចរចាដាច់ខាត។ ម្យ៉ាងកូរ៉េខាងជើងក៏មិនចង់និយាយជាមួយអាមេរិកដែរ៕
ក្នុងកម្មវិធី 60 Minutes របស់ទូរទស្សន៍ CBS រដ្ឋមន្ត្រីការបរទេសអាមេរិក រិច ធីល័រសិន បានប្រកាសជំហររបស់អាមេរិកក្នុងការបើកទ្វារចរចាជាមួយកូរ៉េខាងជើងលើសំណុំរឿងនុយក្លេអ៊ែរ។ បើតាមលោក ធីល័រសិន ក្នុងនាមជាប្រមុខការទូត ការងាររបស់លោក គឺធានាថា ទ្វារចរចានៅតែបើកចំហសម្រាប់កូរ៉េខាងជើង។ ប៉ុន្តែ ការជជែកគ្នានឹងចាប់ផ្ដើមនៅពេលណា គឺកូរ៉េខាងជើងជាអ្នកសម្រេចចិត្ត ឯអាមេរិកកំពុងរង់ចាំ។
យោងតាមទីភ្នាក់ងារព័ត៌មាន AFP ក្នុងកិច្ចសម្ភាសដែលផ្សាយនៅថ្ងៃទី១៨ ខែកុម្ភៈ លោក ធីល័រសិន បញ្ជាក់ថា លោកកំពុងចាំស្ដាប់កូរ៉េខាងជើងប្រាប់ថា ខ្លួនត្រៀមរួចរាល់ដើម្បីចរចា។ នៅខណៈនេះ អាមេរិកមិនផ្ញើសារអ្វីច្រើនទៅឲ្យកូរ៉េខាងជើងឡើយ ព្រោះអាមេរិកបាននិយាយច្រើនណាស់ហើយលើបញ្ហានេះ។ ខណៈដែលទំនាក់ទំនងអន្តរកូរ៉េកំពុងរីកចម្រើននោះ ប្រមុខការទូតអាមេរិកអាមេរិករូបនេះបង្ហាញគំនិតសុទិដ្ឋិនិយមថា កូរ៉េខាងជើងនឹងងាកចូលតុចរចាមិនខាន។
ទោះជាអាមេរិកចំហទ្វារសម្រាប់កូរ៉េខាងជើងមែន លោក ធីល័រសិន ប្រកាសថា អាមេរិកមិនមានសម្បទានអ្វីដើម្បីអូសទាញកូរ៉េខាងជើងឲ្យចូលតុជជែកផ្ទាល់ជាមួយអាមេរិកឡើយ។ មន្ត្រីការទូតអាមេរិករូបនេះបានប្រៀបធៀបថា អាមេរិកមិនបានយកការ៉ុតដើម្បីធ្វើធ្នាក់ទាក់កូរ៉េខាងជើងឡើយ តែកំពុងប្រើដំបងដ៏ធំមួយ។ លោកចង់សំដៅដល់ការដាក់ទណ្ឌកម្មសេដ្ឋកិច្ចរបស់អាមេរិកលើកូរ៉េខាងជើង ដែលលោកអះអាងថា កំពុងបញ្ចេញប្រសិទ្ធភាព។
តាមពិតទៅ ក្រុងវ៉ាស៊ីនតោនក៏ធ្លាប់និយាយច្រើនលើកហើយលើរឿងចរចានេះ ហើយក៏ត្រៀមរួចខ្លួនជជែកជាស្រេចដែរ ក្នុងករណីក្រុងព្យុងយ៉ាងចង់ចរចាដោយស្មោះ និងមានន័យ។ យ៉ាងណាមិញ អាមេរិកចង់ឲ្យកូរ៉េខាងជើងបង្ហាញជំហររបស់ខ្លួនដើម្បីឈានដល់ការរំសាយនុយក្លេអ៊ែរនៅឧបទ្វីបកូរ៉េ មុននឹងការចរចាប់ផ្ដើម។ និយាយបែបផ្សេង អាមេរិកចង់ឲ្យមានការផ្អាកកម្មវិធីនុយក្លេអ៊ែរ និងឈប់សាកល្បងមីស៊ីលសិន ទើបការចរចាដំណើការបាន។
ចំណែកឯប្រធានបទចរចាវិញ លោក ធីល័រសិន លើកឡើងថា កូរ៉េខាងជើងដឹងហើយថា ត្រូវយកអ្វីដាក់លើតុចរចា។ ប៉ុន្តែកូរ៉េខាងជើងឯណោះក៏ធ្លាប់ប្រកាសក្ដែងៗហើយថា កម្មវិធីអភិវឌ្ឍនុយក្លេអ៊ែរ និងមីស៊ីល មិនមែនជាកម្មវត្ថុសម្រាប់ការចរចាណាមួយឡើយ ព្រោះជាអាយុជីវិតរបស់ខ្លួន។ បើការចរចានិយាយពីរឿងនុយក្លេអ៊ែរនេះ កូរ៉េខាងជើងមិនចរចាដាច់ខាត។ ម្យ៉ាងកូរ៉េខាងជើងក៏មិនចង់និយាយជាមួយអាមេរិកដែរ៕
Tag:
អាមេរិក
កូរ៉េខាងជើង
រិច ធីល័រសិន
© រក្សាសិទ្ធិដោយ thmeythmey.com
