ផលិតផល Land-Rover ដំបូងបំផុតបង្ហាញវត្តមានក្នុងទីក្រុងឡុងដ៍

រថយន្ត

អន្តរជាតិ

19, Feb 2018 , 8:59 pm

រូបភាព

ផលិតផលរថយន្ត Land-Rover JUE 477 ដំបូងបំផុត ត្រូវបានដាក់តាំងបង្ហាញនៅក្លិបរាជរថ Royal Automobile Club នៅ Pall Mall ក្រុងឡុងដ៍ ប្រទេសអង់គ្លេស កាលពីពេលថ្មីៗកន្លងមក។ រថយន្តដែលមានលេខតួ ៨៦០០០១ មួយនេះ បង្ហាញវត្តមានចុងក្រោយកាលពី២០ឆ្នាំមុននៅមជ្ឈមណ្ឌល Shugborough Hall នាពិធីប្រារព្ធខួប៥០ឆ្នាំនៃការបើកដំណើរការក្រុមហ៊ុន Land-Rover។

JUE 477 លេខតួ ៨៦០០១ ត្រូវបានផលិតឡើងនៅខែកក្កដា ឆ្នាំ១៩៤៨ ក្រោមគម្រោងកម្មវិធីអភិវឌ្ឍន៍របស់ Land-Rover ដែលមានរោងចក្រនៅតំបន់ Solihull។ នាឆ្នាំ១៩៥០ វាត្រូវបានចុះបញ្ជីផ្លូវការ មុនពេលលក់ទៅឲ្យសាស្ត្រាចារ្យ Mcewen ដែលបង្រៀននៅសាកលវិទ្យាល័យ Newcastle។

បើតាមការផ្សាយរបស់គេហទំព័រ Auto Classic រថយន្តនេះ ត្រូវបានលក់បន្តទៅឲ្យលោក David Fairless ដែលធ្វើការក្នុងកសិដ្ឋានមួយនៅ Northumberland។ លោក Fairless បានយកវាទៅបង្ហាញក្នុងពិព័រណ៌នៅ Shugborough Hall នាឆ្នាំ១៩៩៨ នាពិធីរំលឹកខួប៥០ឆ្នាំនៃការបង្កើតក្រុមហ៊ុន Land-Rover។

ក្រោយបាត់ខ្លួនអស់រយៈពេលជាច្រើនឆ្នាំដោយមិនដឹងមូលហេតុ JUE 477 បានបង្ហាញខ្លួនដ៏គួរឲ្យភ្ញាក់ផ្អើលនៅ Royal Automobile Club នៅ Pall Mall ក្រុងឡុងដ៍ ជាមួយរថយន្តម៉ូដែលចាស់ផ្សេងៗទៀត។

វត្តមានរបស់ JUE 477 បានធ្វើឲ្យមានការមន្ទិលចំពោះរថយន្ត HUE 166 ដែលត្រូវបានចាត់ទុកថា ជាម៉ូដែល Land Rover ដែលមានវ័យចំណាស់ជាងគេ។ តាមពិតទៅ HUE 166 ត្រូវបានតម្លើងតាំងពីឆ្នាំ១៩៤៧មក ប៉ុន្តែវាមិនមែនជាផលិតផលសម្រេចផ្លូវការនោះឡើយ ដោយវាគ្រាន់តែផ្នែកមួយនៃការសាកល្បងរបស់ Land Rover ប៉ុណ្ណោះ៕

ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ

3 ថ្ងៃ

តើពាក្យ«បច្ច័យ»មានន័យច្បាស់លាស់ដូចម្តេច?

4 ថ្ងៃ

សមត្ថកិច្ចខេត្តកែប ធ្វើកិច្ចសន្យាអាជីវករ២រូប ឱ្យឈប់ទារលុយពីភ្ញៀវទេសចរដែលអង្គុយតាមឆ្នេរ

1 សប្តាហ៍

សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង

2 ថ្ងៃ

«បុរាណ»និង«បូរាណ» មានអត្ថន័យដូចគ្នា

1 សប្តាហ៍

អត្ថបទពេញនិយមបន្ថែម