អន្តរជាតិ
មហាសេដ្ឋី Bill Gates ៖ អ្នកមានដូចខ្ញុំគួរបង់ពន្ធឲ្យបានច្រើន ព្រោះរកស៊ីចំណេញណាស់
រូបភាព៖ AFP
×![]()
ដោយ: តន ចាន់រិទ្ធារ៉ា
មហាសេដ្ឋីលំដាប់ទីពីររបស់ពិភពលោក ប៊ីល ហ្គេត (Bill Gates) បានរិះគន់វិធានការកាត់បន្ថយពន្ធរបស់រដ្ឋបាលប្រធានាធិបតី ដូណាល់ ត្រាំ ។ ការកាត់បន្ថយពន្ធនេះ បានផ្ដល់ប្រយោជន៍ច្រើនដល់អ្នកមាន ព្រោះមិនចាំបាច់បង់ពន្ធច្រើនដូចមុន តែក្លាយជាបន្ទុកសម្រាប់វណ្ណៈកណ្ដាលដែលត្រូវបង់ពន្ធច្រើន។ ប៉ុន្តែសម្រាប់លោក ប៊ីល ហ្គេត មហាសេដ្ឋីមានប្រាក់ច្រើនសន្ធឹកសន្ធាប់គួរតែបង់ពន្ធឲ្យបានច្រើនវិញ។
ក្នុងកិច្ចសម្ភាសជាមួយទូរទស្សន៍ CNN នៅថ្ងៃទី១៨ ខែកុម្ភៈ សហស្ថាបនិកក្រុមបច្ចេកវិទ្យា Microsoft ប៊ីល ហ្គេត និយាយថា លោកគួរបង់ពន្ធឲ្យបានច្រើន ហើយកំពូលមហាសេដ្ឋីផ្សេងទៀត ក៏គួរបង់ពន្ធឲ្យច្រើនដូចគ្នាដែរ។ លោក ហ្គេត ដែលមានទ្រព្យសម្បត្តិ៩២ពាន់លានដុល្លារ បានបង់ពន្ធច្រើនជាងដប់ពាន់លានដុល្លារមកហើយក្នុងរយៈពេលប៉ុន្មានឆ្នាំមកនេះ គឺច្រើនជាងមហាសេដ្ឋីផ្សេងទៀត ប៉ុន្តែរដ្ឋាភិបាលគួរតម្រូវឲ្យក្រុមហាសេដ្ឋីបង់ពន្ធខ្ពស់។
លោក ហ្គេត ដែលមានលុយច្រើនលំដាប់ទីពីរបន្ទាប់ពីម្ចាស់ Amazon លោក Jeff Bezos បានរិះគន់ចំៗការកែប្រែពន្ធរបស់រដ្ឋបាលប្រធានាធិបតី ដូណាល់ ត្រាំ ។ ក្រុមសាធារណរដ្ឋអះអាងថា ការកាត់បន្ថយពន្ធនេះ ផ្ដល់ប្រយោជន៍ដល់មនុស្សវណ្ណៈកណ្ដាល។ យ៉ាងណាមិញ មហាសេដ្ឋីរូបនេះនិយាយថា ច្បាប់ថ្មីនេះមិនមានភាពជឿនលឿនឡើយ តែជាច្បាប់ដែលដើរថយក្រោយទៅវិញ។
«មនុស្សដែលមានទ្រព្យសម្បត្តិហូរហៀរមាននិន្នាការទទួលបានប្រយោជន៍ច្រើនជាងអ្នកធ្វើការ ឬអ្នកក្រីក្រ។ ដូច្នេះវាផ្ទុយពីចរន្តទូទៅដែលយើងចង់ឃើញ គឺសំណាញ់សុវត្ថិភាពកាន់តែរឹងមាំ ហើយអ្នកមានៗបង់ពន្ធកាន់តែខ្ពស់។» នេះជាបញ្ជាក់របស់មហាសេដ្ឋីអាមេរិករូបនេះ។ ពោល គឺច្បាប់ថ្មីរបស់រដ្ឋបាលលោក ត្រាំ នឹងកាត់បន្ថយទំហំទឹកប្រាក់បង់ពន្ធរបស់អ្នកមាន ដែលរកស៊ីចំណេញប្រាក់ក្រាស់ក្រែលច្រើនពីសេដ្ឋកិច្ច។
ជុំវិញការកើនឡើងវិសមភាពនៅអាមេរិកវិញនោះ មហាសេដ្ឋីដែលបរិច្ចាគប្រាក់រាប់រយលានដុល្លារទៅឲ្យមូលនិធិសុខាភិបាល បានស្នើឲ្យមេដឹកនាំគិតពីបញ្ហានេះឡើងវិញ។ លោក ប៊ីល ហ្គេត បញ្ជាក់ថា ការណ៍ដែលមានប្រជាជន៦ភាគរស់នៅក្នុងលក្ខខណ្ឌមិនសមប្រកបនោះ គឺពិតជារឿងខកចិត្តខ្លាំងណាស់ ហើយរដ្ឋាភិបាលចាំបាច់គិតគូរពីរឿងនេះ។ លោកក៏លើកជាសំណួរថា ហេតុអ្វីយើងមិនធ្វើការងារឲ្យល្អសម្រាប់ពួកគេ?
តាមពិតទៅ ក្រុមមហាសេដ្ឋីប្រាក់លានប្រមាណ៤០០នាក់ ធ្លាប់ជំទាស់គំនិតកាត់បន្ថយពន្ធរបស់ក្រុមសាធារណរដ្ឋ ព្រមទាំងសរសេរលិខិតស្នើកុំឲ្យមានការបន្ថយពន្ធទៅទៀត។ មហាសេដ្ឋីដូចជា លោក George Soros, លោក Ben Cohen, លោក Jerry Greenfield និងលោក Steven Rockefeller ជាដើម បានអំពាវនាវឲ្យមានការប្រឆាំងផែនការរបស់អ្នកនយោបាយបក្សសាធារណរដ្ឋ ព្រោះវាបង្កើនវិសមភាពសង្គមកាន់តែខ្លាំង៕
ក្នុងកិច្ចសម្ភាសជាមួយទូរទស្សន៍ CNN នៅថ្ងៃទី១៨ ខែកុម្ភៈ សហស្ថាបនិកក្រុមបច្ចេកវិទ្យា Microsoft ប៊ីល ហ្គេត និយាយថា លោកគួរបង់ពន្ធឲ្យបានច្រើន ហើយកំពូលមហាសេដ្ឋីផ្សេងទៀត ក៏គួរបង់ពន្ធឲ្យច្រើនដូចគ្នាដែរ។ លោក ហ្គេត ដែលមានទ្រព្យសម្បត្តិ៩២ពាន់លានដុល្លារ បានបង់ពន្ធច្រើនជាងដប់ពាន់លានដុល្លារមកហើយក្នុងរយៈពេលប៉ុន្មានឆ្នាំមកនេះ គឺច្រើនជាងមហាសេដ្ឋីផ្សេងទៀត ប៉ុន្តែរដ្ឋាភិបាលគួរតម្រូវឲ្យក្រុមហាសេដ្ឋីបង់ពន្ធខ្ពស់។
លោក ហ្គេត ដែលមានលុយច្រើនលំដាប់ទីពីរបន្ទាប់ពីម្ចាស់ Amazon លោក Jeff Bezos បានរិះគន់ចំៗការកែប្រែពន្ធរបស់រដ្ឋបាលប្រធានាធិបតី ដូណាល់ ត្រាំ ។ ក្រុមសាធារណរដ្ឋអះអាងថា ការកាត់បន្ថយពន្ធនេះ ផ្ដល់ប្រយោជន៍ដល់មនុស្សវណ្ណៈកណ្ដាល។ យ៉ាងណាមិញ មហាសេដ្ឋីរូបនេះនិយាយថា ច្បាប់ថ្មីនេះមិនមានភាពជឿនលឿនឡើយ តែជាច្បាប់ដែលដើរថយក្រោយទៅវិញ។
«មនុស្សដែលមានទ្រព្យសម្បត្តិហូរហៀរមាននិន្នាការទទួលបានប្រយោជន៍ច្រើនជាងអ្នកធ្វើការ ឬអ្នកក្រីក្រ។ ដូច្នេះវាផ្ទុយពីចរន្តទូទៅដែលយើងចង់ឃើញ គឺសំណាញ់សុវត្ថិភាពកាន់តែរឹងមាំ ហើយអ្នកមានៗបង់ពន្ធកាន់តែខ្ពស់។» នេះជាបញ្ជាក់របស់មហាសេដ្ឋីអាមេរិករូបនេះ។ ពោល គឺច្បាប់ថ្មីរបស់រដ្ឋបាលលោក ត្រាំ នឹងកាត់បន្ថយទំហំទឹកប្រាក់បង់ពន្ធរបស់អ្នកមាន ដែលរកស៊ីចំណេញប្រាក់ក្រាស់ក្រែលច្រើនពីសេដ្ឋកិច្ច។
ជុំវិញការកើនឡើងវិសមភាពនៅអាមេរិកវិញនោះ មហាសេដ្ឋីដែលបរិច្ចាគប្រាក់រាប់រយលានដុល្លារទៅឲ្យមូលនិធិសុខាភិបាល បានស្នើឲ្យមេដឹកនាំគិតពីបញ្ហានេះឡើងវិញ។ លោក ប៊ីល ហ្គេត បញ្ជាក់ថា ការណ៍ដែលមានប្រជាជន៦ភាគរស់នៅក្នុងលក្ខខណ្ឌមិនសមប្រកបនោះ គឺពិតជារឿងខកចិត្តខ្លាំងណាស់ ហើយរដ្ឋាភិបាលចាំបាច់គិតគូរពីរឿងនេះ។ លោកក៏លើកជាសំណួរថា ហេតុអ្វីយើងមិនធ្វើការងារឲ្យល្អសម្រាប់ពួកគេ?
តាមពិតទៅ ក្រុមមហាសេដ្ឋីប្រាក់លានប្រមាណ៤០០នាក់ ធ្លាប់ជំទាស់គំនិតកាត់បន្ថយពន្ធរបស់ក្រុមសាធារណរដ្ឋ ព្រមទាំងសរសេរលិខិតស្នើកុំឲ្យមានការបន្ថយពន្ធទៅទៀត។ មហាសេដ្ឋីដូចជា លោក George Soros, លោក Ben Cohen, លោក Jerry Greenfield និងលោក Steven Rockefeller ជាដើម បានអំពាវនាវឲ្យមានការប្រឆាំងផែនការរបស់អ្នកនយោបាយបក្សសាធារណរដ្ឋ ព្រោះវាបង្កើនវិសមភាពសង្គមកាន់តែខ្លាំង៕
Tag:
អាមេរិក
ពន្ធ
Bill Gates
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
