លោក គី ម៉េងហម អតីតគ្រូបង្វឹកជម្រើសជាតិបាល់ទះទទួលមរណភាពក្នុងអាយុ៧០ឆ្នាំ

កីឡាជាតិ

ជាតិ

លោក គី ម៉េងហម អតីតគ្រូបង្វឹកជម្រើសជាតិបាល់ទះទទួលមរណភាពក្នុងអាយុ៧០ឆ្នាំ

21, Feb 2018 , 5:25 pm

រូបភាព

លោក គី ម៉េងហម (រូបដោះអាវ) ទទួលថវិកាពីលោក អ៊ុក សិទ្ធិជាតិ ពេលលោកនៅមានជីវិតកាលពីឆ្នាំ២០១៦ កន្លងទៅ

ដោយ:

លោក គី ម៉េងហម អតីតគ្រូបង្វឹកជម្រើសជាតិកីឡាបាល់ទះឆ្នេរខ្សាច់ និងបាល់ទះក្នុងសាលបានទទួលមរណភាពក្នុងអាយុ៧០ឆ្នាំដោយរោគាពាធ។ សពរបស់ លោក បានតម្កល់ធ្វើបុណ្យក្នុងភូមិម័រ សង្កាត់ដង្កោ ខណ្ឌដង្កោ រាជធានីភ្នំពេញ។

ក្រោយធ្លាក់ខ្លួនឈឺអស់រយៈពេលប្រមាណ៤ឆ្នាំ អតីតគ្រូបង្វឹកជម្រើសជាតិបាល់ទះឆ្នេរខ្សាច់ និងបាល់ទះក្នុងសាល លោក គី ម៉េងហម បានទទួលមរណភាពក្នុងអាយុ៧០ឆ្នាំដោយរោគាពាធ កាលពីល្ងាចថ្ងៃទី២០ កុម្ភៈ ឆ្នាំ២០១៨។ សពរបស់លោក គី ម៉េងហម បានតម្កល់ធ្វើបុណ្យនៅគេហដ្ឋានលោកក្នុងភូមិម័រ សង្កាត់ដង្កោ ខណ្ឌដង្កោ រាជធានីភ្នំពេញ។

លោក គី ម៉េងហម ធ្លាប់ដឹកនាំក្រុមបាល់ទះក្រសួងមហាផ្ទៃឈ្នះពានសម្តេច ហ៊ុន សែន ប្រចាំឆ្នាំ២០១០ ក្រោយយកឈ្នះក្រុមបញ្ជាការអង្គរក្ស ៣សិតទល់១សិតក្នុងវគ្គផ្តាច់ព្រ័ត្រ៕