ពីនេះ ពីនោះ
ព័ត៍មានសុខភាព
×![]()
ដោយ: ថ្មីៗ
កើតមុន
បើសិនជាអ្នកគេងមិនបានគ្រប់គ្រាន់ទេ ស្បែកនឹងបង្ហាញអាការៈនេះឲ្យឃើញកាន់តែលឿន។ ការសិក្សាខ្លះបានរកឃើញទំនាក់ទំនងមួយរវាងការគេងមិនគ្រប់គ្រាន់ និងការកើតមុន ដែលរឿងនេះប្រហែលជាទាក់ទងនឹងរបៀបដែលការគេងគ្រប់គ្រងដល់អ័រម៉ូនក្នុងរាងកាយ។ ការគេងមិនគ្រប់គ្រាន់ ក៏ធ្វើឲ្យប្រព័ន្ធភាពស៊ាំចុះខ្សោយដែរ ដូច្នេះអ្នកងាយនឹងមានជំងឺច្រើនដែរ។
ភ្នែកមិនសូវមានសុខភាពល្អ
ការដែលភ្នែកឡើងក្រហម ព៉ោង មានស្នាមខ្មៅៗជុំវិញភ្នែក និងមានថ្នក់ក្រោមភ្នែក សុទ្ធតែជាសញ្ញាដែលបញ្ជាក់ថា អ្នកមិនទទួលបានការគេងគ្រប់គ្រាន់ហើយ។ ការគេងមិនគ្រប់ងាយនឹងធ្វើឲ្យកើតស្បែកជ្រីវជ្រួញ ហើមមុខ និងហើមមុខខ្លាំងណាស់។ រឿងនេះប្រហែលជារាងកាយបាត់បង់អ័រម៉ូនគ្រប់គ្រងការជួសជុលជាលិកាដែលខូចខាតនៅពេលមិនបានគេងលក់ស្កប់ស្កល់។
ឡើងទម្ងន់
នៅពេលអ្នកគេងបានគ្រប់គ្រាន់ រាងកាយអាចនឹងគ្រប់គ្រងអ័រម៉ូនបានយ៉ាងល្អ ជាិសេសការឃ្លានអាហារច្រើនតែម្តង។ អ័រម៉ូនដែលគេនិយាយនេះមានដូចជា Ghrelin និង Leptin ។ បើគ្មានអ័រម៉ូននេះទេ អ្នកប្រហែលជាមានអារម្មណ៍ចង់ញ៉ាំអាហារច្រើនៗដែលនាំឲ្យឡើងទម្ងន់ជាមិនខាន។
ញ៉ាំអាហារមិនផ្តល់សុខភាព
ក្រោយពីគេងមិនបានពេញមួយយប់ អ្នកប្រហែលជាចង់ញ៉ាំបឺហ្គ័រ និងដំឡូងបារាំងចៀនសម្រាប់អាហារថ្ងៃត្រង់ហើយ។ ខួរក្បាលដែលគេងមិនបានគ្រប់គ្រាន់ទំនងជាងាយនឹងឃ្លានអាហារសម្រន់ណាដែលមិនផ្តល់សុខភាពណាស់។
ញ៉ាំជាតិកាហ្វេអ៊ីនច្រើន
វាមិនមែនជារឿងភ្ញាក់ផ្អើលទេ។ ជាតិកាហ្វេអ៊ីនប្រហែលជាចម្លើយនៃការគេងមិនបានគ្រប់គ្រាន់ហើយ ប៉ុន្តែវាអាចក្លាយទៅជាបញ្ហាបានយ៉ាងងាយក្នុងករណីប្រើប្រាស់ច្រើន។ ការដែលញ៉ាំកាហ្វេ ឬសូដាប្រហែលជាធ្វើឲ្យអ្នកមានអារម្មណ៍ល្អរយៈពេលខ្លី ប៉ុន្តែវាអាចនាំឲ្យថប់អារម្មណ៍ ឬគេងមិនលក់រយៈពេលវែងបាន។
មានអារម្មណ៍មិនល្អ
ភាពឆេវឆាវគឺជាសញ្ញាដ៏ធំមួយនៃការគេងមិនបានគ្រប់គ្រាន់។ ការសិក្សាមួយបានកាត់បន្ថយការគេងរបស់មនុស្សត្រឹម ៤ម៉ោងកន្លែងក្នុងមួយយប់រយៈពេលមួយសប្តាហ៍។ លទ្ធផលបានបង្ហាញថា ពួកគេមានស្ត្រេស ខឹង និងអស់កម្លាំងផ្លូវចិត្តកាន់តែច្រើន។ អារម្មណ៍ពួកគេនឹងល្អមកវិញនៅពេលគេងបានគ្រប់គ្រាន់។
មានអារម្មណ៍បាក់ទឹកចិត្ត
ការបាក់ទឹកចិត្ត និងគេងមិនគ្រប់គ្រាន់ក៏មានទំនាក់ទំនងគ្នាយ៉ាងខ្លាំងដែរ។ អ្វីដែលកាន់តែពិបាកនោះគឺថា ការបាក់ទឹកចិត្តអាចនាំឲ្យគេងមិនគ្រប់គ្រាន់ ហើយការគេងមិនគ្រប់គ្រាន់អាចនាំឲ្យបាក់ទឹកចិត្តកើតឡើងដែរ។
មានបញ្ហានៅពេលព្រឹក
ការភ្ញាក់ពីគេងជាមួយនឹងការឈឺបំពង់ករ ស្ងួតមាត់ ឬឈឺក្បាលអាចបញ្ជាក់ថាមានបញ្ហាជំងឺណាមួយដែលវាបណ្តាលមកពីការគេងមិនគ្រប់គ្រាន់ដូចជា ការគេងបាត់ដង្ហើម គេងស្រមុក ឬច្រាលទឹកអាស៊ីតពីក្រពះ។ បើសិនជាអ្នកសម្គាល់ឃើញអាការៈទាំងនេះច្រើនដង ចូរពិគ្រោះជាមួយគ្រូពេទ្យទៅ។
ចូរគេងទៅតាមតម្រូវការរបស់អ្នក
មនុស្សធំភាគច្រើនត្រូវការគេងពី ៧ ទៅ៩ម៉ោងក្នុងមួយយប់ ដូច្នេះដើម្បីគេងបានលក់ស្រួលនិងគ្រប់គ្រាន់ចូងប្រាកដថា៖
• គេងទៀងពេល និងភ្ញាក់ទៀងពេលដែរ
• ធ្វើយ៉ាងណាឲ្យបន្ទប់គេងត្រជាក់ ស្ងាត់ និងងងឹត
• ហាត់ប្រាណទៀងទាត់៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
