ជាតិ
សេដ្ឋកិច្ច
ពន្ធដារ នឹងបន្តឃាត់រថយន្តដែលមិនទាន់បង់ពន្ធតាមដងផ្លូវ រូបពីអគ្គនាយកដ្ឋានពន្ធដារ
× ភ្នំពេញ៖ អគ្គនាយកដ្ឋានពន្ធដារ រួមទាំងកម្លាំងសមត្ថកិច្ច នឹងបន្តចុះត្រួតពិនិត្យ និងចាប់ផាកពិន័យរថយន្ត ដែលមិនទាន់បង់ពន្ធផ្លូវសម្រាប់ឆ្នាំ២០១៧។ នេះបើតាមសេចក្ដីប្រកាសព័ត៌មានរបស់អគ្គនាយកដ្ឋានមួយនេះ នៅថ្ងៃទី២៣ខែកុម្ភៈ។
ក្នុងប្រតិបត្តិការត្រួតពិនិត្យយានយន្តមិនទាន់បង់ពន្ធ ពីថ្ងៃទី២ដល់ថ្ងៃទី២២ខែកុម្ភៈ អគ្គនាយកដ្ឋានពន្ធដារ បានផាកពិន័យនៅនឹងកន្លែងនូវរថយន្តមិនទាន់ប្រកាសបង់ពន្ធចំនួន ២៧២៥គ្រឿង។ ម្ចាស់រថយន្តទាំងនោះ ត្រូវបានតម្រូវឲ្យបង់ពន្ធ និងប្រាក់ពិន័យផ្សេងៗ។
អគ្គនាយកដ្ឋានពន្ធដារ បានក្រើនរំឭកដល់ម្ចាស់រថយន្តឲ្យប្រកាសបង់ពន្ធ ខណៈអាជ្ញាធរនៅតែបន្តប្រតិបត្តិការត្រួតពិនិត្យស្វែករករថយន្តមិនទាន់បង់ពន្ធ លើដងផ្លូវ៕
© រក្សាសិទ្ធិដោយ thmeythmey.com