ជាតិ
នយោបាយជាតិ
ព្រឹទ្ធសភា៖គណបក្សនយោបាយ គាំទ្រលទ្ធផលបោះឆ្នោត ខណៈCPP ទទួលបានសំឡេងលើសលុប
រូបពីហ្វេសប៊ុកគណៈកម្មាធិការជាតិរៀបចំការបោះឆ្នោត (គ.ជ.ប)
×![]()
ដោយ: ធឿន បញ្ញាឬទិ្ធ
ភ្នំពេញ៖ បើទោះជាលទ្ធផលបោះឆ្នោតជ្រើសរើសសមាជិកព្រឹទ្ធសភា អាណត្តិទី៤ មិនទាន់ប្រកាសជាផ្លូវការក្តី ប៉ុន្តែគណបក្សនយោបាយដែលចូលរួមបោះឆ្នោត សុទ្ធតែប្រកាសគាំទ្រទាំងស្រុងលើលទ្ធផលបោះឆ្នោតខាងមុខ។
គ្មានឡើយពាក្យបណ្ដឹងតវ៉ាលើការបោះឆ្នោតជ្រើសរើសសមាជិកព្រឹទ្ធសភា កាលពីថ្ងៃទី២៥ កុម្ភៈ។ គណបក្សនយោបាយចំនួន២ គឺគណបក្សហ្វ៊ុនស៊ិនប៉ិច និងគណបក្សយុវជនកម្ពុជា ដែលបានចូលរួមការបោះឆ្នោត បានបង្ហាញជំហគាំទ្រ និងទទួលយកលទ្ធផលបោះឆ្នោតនាពេលខាងមុខ ដោយឥតប្រកែកឡើយ។
តាមរយៈសេចក្តីថ្លែងការណ៍របស់គណបក្សទាំងពីរនេះ បានវាយតម្លៃខ្ពស់លើដំណើការរៀបចំការបោះឆ្នោត ដោយចាត់ទុកថា ការបោះឆ្នោតព្រឹទ្ធសភា ប្រព្រឹត្តទៅដោយរលូន គ្មានហិង្សា ហើយមានភាពសេរី ត្រឹមត្រូវ និងយុត្តិធម៌។ គណបក្សទាំងពីរព្រមទទួលស្គាល់ទាំងលទ្ធផលជាបឋម និងលទ្ធផលជាផ្លូវការ។
គណបក្សខ្មែររួបរួមជាតិ មិនទាន់មានសេចក្តីថ្លែងការណ៍គាំទ្រការបោះឆ្នោតនេះទេ ស្របពេលដែលគណបក្សសញ្ជាតិខ្មែរ ដែលមិនបានចូលរួមការបោះឆ្នោតចេញមុខសាទរការបោះឆ្នោតព្រឹទ្ធសភានេះ។
គណៈកម្មាធិការជាតិរៀបចំការបោះឆ្នោត (គ.ជ.ប) បានប្រកាសលទ្ធផលជាបឋមបណ្ដោះអាសន្ន ដោយបង្ហាញថា គណបក្សប្រជាជនកម្ពុជា ទទួលបានសំឡេងឆ្នោតគាំទ្រពីអង្គបោះឆ្នោតច្រើនលើសលុប ជាងគណបក្សហ្វ៊ុនស៊ិនប៉ិច គណបក្សយុវជនកម្ពុជា និងគណបក្សខ្មែររួបរួមជាតិ ទាំង៨ភូមិភាគ នៃអាសនៈសមាជិកព្រឹទ្ធសភា។
ការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៤នេះ មានអង្គបោះឆ្នោត (អ្នកបោះឆ្នោត) ចំនួន ១១៦៩៥ នាក់ ដែលជាតំណាងរាស្ត្រក្នុងតំណែង១២៣រូប និងជាសមាជិកក្រុមប្រឹក្សាឃុំ-សង្កាត់ទាំងអស់ ក្នុងតំណែងក្នុងក្របខណ្ឌនៃភូមិភាគនីមួយៗ ។ ក្នុងចំណោមអ្នកបោះឆ្នោតសរុប១១,៦៩៥នាក់ មាន១១,៦៧០នាក់ ដែលបានទៅចូលរួមបោះឆ្នោតជ្រើសតាំងសមាជិកព្រឹទ្ធសភានីតិកាលទី៤នេះ។ បើគិតជាភាគរយ អ្នកដែលទៅបោះឆ្នោតជ្រើសតាំងសមាជិកព្រឹទ្ធសភា មានរហូតដល់ទៅ៩៩.៧៩ភាគរយឯណោះ។
គួរបញ្ជាក់ថា ការបោះឆ្នោតជ្រើសរើសសមាជិកព្រឹទ្ធសភាអាណត្តិទី៤នេះ មានអាសនៈ៦២ ដោយសមាជិកព្រឹទ្ធសភា៥៨ គឺកើតចេះពីការបោះឆ្នោតអសកល។ ចំណែកសមាជិកព្រឹទ្ធសភា៤រូបទៀត កើតចេញពីជ្រើសតាំងដោយព្រះមហាក្សត្រ ២រូប និងរដ្ឋសភាជ្រើសតាំង២រូប៕
គ្មានឡើយពាក្យបណ្ដឹងតវ៉ាលើការបោះឆ្នោតជ្រើសរើសសមាជិកព្រឹទ្ធសភា កាលពីថ្ងៃទី២៥ កុម្ភៈ។ គណបក្សនយោបាយចំនួន២ គឺគណបក្សហ្វ៊ុនស៊ិនប៉ិច និងគណបក្សយុវជនកម្ពុជា ដែលបានចូលរួមការបោះឆ្នោត បានបង្ហាញជំហគាំទ្រ និងទទួលយកលទ្ធផលបោះឆ្នោតនាពេលខាងមុខ ដោយឥតប្រកែកឡើយ។
តាមរយៈសេចក្តីថ្លែងការណ៍របស់គណបក្សទាំងពីរនេះ បានវាយតម្លៃខ្ពស់លើដំណើការរៀបចំការបោះឆ្នោត ដោយចាត់ទុកថា ការបោះឆ្នោតព្រឹទ្ធសភា ប្រព្រឹត្តទៅដោយរលូន គ្មានហិង្សា ហើយមានភាពសេរី ត្រឹមត្រូវ និងយុត្តិធម៌។ គណបក្សទាំងពីរព្រមទទួលស្គាល់ទាំងលទ្ធផលជាបឋម និងលទ្ធផលជាផ្លូវការ។
គណបក្សខ្មែររួបរួមជាតិ មិនទាន់មានសេចក្តីថ្លែងការណ៍គាំទ្រការបោះឆ្នោតនេះទេ ស្របពេលដែលគណបក្សសញ្ជាតិខ្មែរ ដែលមិនបានចូលរួមការបោះឆ្នោតចេញមុខសាទរការបោះឆ្នោតព្រឹទ្ធសភានេះ។
គណៈកម្មាធិការជាតិរៀបចំការបោះឆ្នោត (គ.ជ.ប) បានប្រកាសលទ្ធផលជាបឋមបណ្ដោះអាសន្ន ដោយបង្ហាញថា គណបក្សប្រជាជនកម្ពុជា ទទួលបានសំឡេងឆ្នោតគាំទ្រពីអង្គបោះឆ្នោតច្រើនលើសលុប ជាងគណបក្សហ្វ៊ុនស៊ិនប៉ិច គណបក្សយុវជនកម្ពុជា និងគណបក្សខ្មែររួបរួមជាតិ ទាំង៨ភូមិភាគ នៃអាសនៈសមាជិកព្រឹទ្ធសភា។
ការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៤នេះ មានអង្គបោះឆ្នោត (អ្នកបោះឆ្នោត) ចំនួន ១១៦៩៥ នាក់ ដែលជាតំណាងរាស្ត្រក្នុងតំណែង១២៣រូប និងជាសមាជិកក្រុមប្រឹក្សាឃុំ-សង្កាត់ទាំងអស់ ក្នុងតំណែងក្នុងក្របខណ្ឌនៃភូមិភាគនីមួយៗ ។ ក្នុងចំណោមអ្នកបោះឆ្នោតសរុប១១,៦៩៥នាក់ មាន១១,៦៧០នាក់ ដែលបានទៅចូលរួមបោះឆ្នោតជ្រើសតាំងសមាជិកព្រឹទ្ធសភានីតិកាលទី៤នេះ។ បើគិតជាភាគរយ អ្នកដែលទៅបោះឆ្នោតជ្រើសតាំងសមាជិកព្រឹទ្ធសភា មានរហូតដល់ទៅ៩៩.៧៩ភាគរយឯណោះ។
គួរបញ្ជាក់ថា ការបោះឆ្នោតជ្រើសរើសសមាជិកព្រឹទ្ធសភាអាណត្តិទី៤នេះ មានអាសនៈ៦២ ដោយសមាជិកព្រឹទ្ធសភា៥៨ គឺកើតចេះពីការបោះឆ្នោតអសកល។ ចំណែកសមាជិកព្រឹទ្ធសភា៤រូបទៀត កើតចេញពីជ្រើសតាំងដោយព្រះមហាក្សត្រ ២រូប និងរដ្ឋសភាជ្រើសតាំង២រូប៕
Tag:
ព្រឹទ្ធសភា
CPP
បោះឆ្នោត
© រក្សាសិទ្ធិដោយ thmeythmey.com
