ជាតិ
×![]()
សៀមរាប៖ ក្រុមហ៊ុនប្រមូលសំរាមក្នុងក្រុងសៀមរាប បានផ្អាកការប្រមូលសំរាម តាំងពីថ្ងៃទី២៥ ខែកុម្ភៈមកម្លេះ ដែលធ្វើឱ្យមានសំរាមជាច្រើនតោនក្នុងក្រុង បានជះក្លិនស្អុយនៅតាមដងផ្លូវ។ តាមការបញ្ជាក់ពីលោកអភិបាលក្រុងសៀមរាប មូលហេតុព្រោះថា ទីលានចាក់សំរាមនៅភូមិអន្លង់២ ឃុំត្រពាំងធំ ស្រុកប្រាសាទបាគងបានពេញ និងគ្មានរណ្តៅថ្មី ដើម្បីចាក់ជំនួស។
លោក សូរ ប្លាតុង អភិបាលក្រុងសៀមរាប បានប្រាប់សារព័ត៌មានថ្មីៗនៅព្រឹកថ្ងៃទី២៦ ខែកុម្ភៈថា អាជ្ញាធរកំពុងដោះស្រាយ ជាមួយក្រុមហ៊ុនប្រមូលសំរាម ហ្គាអ៊ីយ៉ា (GAEA) ដើម្បីដំណើរការប្រមូលសំរាមក្នុងក្រុងឡើងវិញ។ លោកបញ្ជាក់ថា ក្រុមហ៊ុនបានផ្អាកប្រមូលសំរាមកាលពីថ្ងៃទី២៥ ខែកុម្ភៈមក ដោយសារគ្មានរណ្តៅចូលចាក់ ព្រោះទីលានចាស់ពេញ។
លោកអភិបាលក្រុង បានបញ្ជាក់យ៉ាងដូច្នេះថា៖« នេះជាបញ្ហាចាស់តាំងពីចុងខែ សីហា ឆ្នាំ២០១៧ ដែលកាលនោះ ក្រុមហ៊ុនសំរាមបានជីករណ្តៅថ្មីសម្រាប់ចាក់សំរាម តែរណ្តៅនោះនៅកៀកផ្ទះប្រជាពលដ្ឋ ទើបពួកគេតវ៉ា បិទផ្លូវមិនឱ្យឡានដឹកសំរាមចូលចាក់ តែពេលនោះយើងបានដោះស្រាយម្តងហើយ»។
ជាថ្មីម្តងទៀត ប្រជាពលរដ្ឋបានតវ៉ា មិនព្រមឱ្យឡានដឹកសំរាមចូលចាក់ក្នុងរណ្តៅថ្មីដែលជិះក្លិនមិនល្អដល់ផ្ទះរបស់ប្រជាពលរដ្ឋនៅជិត។ ជាការឆ្លើយតបភ្លាមៗ ក្រុមហ៊ុន បានផ្អាកការប្រមូលសំរាមក្នុងក្រុងសៀមរាប ដែលមានបរិមាណក្នុងមួយថ្ងៃពី ៣០០តោន ទៅ៤០០តោន រង់ចាំដំណោះស្រាយចុងក្រោយ។
តាមលោក សូរ ប្លាតុង ដំណោះស្រាយដែលលោកកំពុងស្នើសុំទៅភាគីក្រុមហ៊ុនប្រមូលសំរាម ទីមួយ អាចទិញរណ្តៅដីរបស់ឯកជនដែលនៅជាប់ទីលានចាក់នោះ ដើម្បីចាក់បន្តក្នុងតម្លៃដែលអាចទទួលយកបាន ឬអាចចាក់ក្នុងរណ្តៅចាស់សិន ដើម្បីដោះស្រាយបញ្ហាមួយគ្រាសិន។
គួរ បញ្ជាក់ថា បច្ចុប្បន្ន មានតែ ក្រុមហ៊ុន ហ្គា អ៊ី យ៉ា តែមួយប៉ុណ្ណោះ ដែលកំពុងប្រតិបត្តិការដឹកជញ្ជូនសំរាមចេញពីក្រុងសៀមរាប ដោយប្រើប្រាស់រថយន្តចំនួន២៧គ្រឿងទៅចាក់នៅទីលាន សំរាម នៅឃុំត្រពាំងធំ ស្រុកប្រាសាទបាគង។ កន្លងមក ធ្លាប់មានក្រុមហ៊ុនកូរ៉េមួយ ចង់វិនិយោគទីលានចាក់សំរាមថ្មីនៅស្រុកបន្ទាយស្រី ដែលគម្រោងនេះបានស្ងាត់ទៅវិញ។ អាជ្ញាធរ ធ្លាប់បាន បញ្ជាក់ថា សេវាប្រមូលសំរាមនៅក្នុងក្រុងទេសចរណ៍មួយនេះ នៅមានកម្រិតនៅឡើយ និងឲ្យ ពលរដ្ឋមានការអធ្យាស្រ័យ យោគយល់ខ្ពស់ ចំពោះភាពយឺតយ៉ាវ នៃសេវាប្រមូលសំរាមនេះ ដែលអាជ្ញាធរកំពុងរកដំណោះស្រាយ៕
លោក សូរ ប្លាតុង អភិបាលក្រុងសៀមរាប បានប្រាប់សារព័ត៌មានថ្មីៗនៅព្រឹកថ្ងៃទី២៦ ខែកុម្ភៈថា អាជ្ញាធរកំពុងដោះស្រាយ ជាមួយក្រុមហ៊ុនប្រមូលសំរាម ហ្គាអ៊ីយ៉ា (GAEA) ដើម្បីដំណើរការប្រមូលសំរាមក្នុងក្រុងឡើងវិញ។ លោកបញ្ជាក់ថា ក្រុមហ៊ុនបានផ្អាកប្រមូលសំរាមកាលពីថ្ងៃទី២៥ ខែកុម្ភៈមក ដោយសារគ្មានរណ្តៅចូលចាក់ ព្រោះទីលានចាស់ពេញ។
លោកអភិបាលក្រុង បានបញ្ជាក់យ៉ាងដូច្នេះថា៖« នេះជាបញ្ហាចាស់តាំងពីចុងខែ សីហា ឆ្នាំ២០១៧ ដែលកាលនោះ ក្រុមហ៊ុនសំរាមបានជីករណ្តៅថ្មីសម្រាប់ចាក់សំរាម តែរណ្តៅនោះនៅកៀកផ្ទះប្រជាពលដ្ឋ ទើបពួកគេតវ៉ា បិទផ្លូវមិនឱ្យឡានដឹកសំរាមចូលចាក់ តែពេលនោះយើងបានដោះស្រាយម្តងហើយ»។
ជាថ្មីម្តងទៀត ប្រជាពលរដ្ឋបានតវ៉ា មិនព្រមឱ្យឡានដឹកសំរាមចូលចាក់ក្នុងរណ្តៅថ្មីដែលជិះក្លិនមិនល្អដល់ផ្ទះរបស់ប្រជាពលរដ្ឋនៅជិត។ ជាការឆ្លើយតបភ្លាមៗ ក្រុមហ៊ុន បានផ្អាកការប្រមូលសំរាមក្នុងក្រុងសៀមរាប ដែលមានបរិមាណក្នុងមួយថ្ងៃពី ៣០០តោន ទៅ៤០០តោន រង់ចាំដំណោះស្រាយចុងក្រោយ។
តាមលោក សូរ ប្លាតុង ដំណោះស្រាយដែលលោកកំពុងស្នើសុំទៅភាគីក្រុមហ៊ុនប្រមូលសំរាម ទីមួយ អាចទិញរណ្តៅដីរបស់ឯកជនដែលនៅជាប់ទីលានចាក់នោះ ដើម្បីចាក់បន្តក្នុងតម្លៃដែលអាចទទួលយកបាន ឬអាចចាក់ក្នុងរណ្តៅចាស់សិន ដើម្បីដោះស្រាយបញ្ហាមួយគ្រាសិន។
គួរ បញ្ជាក់ថា បច្ចុប្បន្ន មានតែ ក្រុមហ៊ុន ហ្គា អ៊ី យ៉ា តែមួយប៉ុណ្ណោះ ដែលកំពុងប្រតិបត្តិការដឹកជញ្ជូនសំរាមចេញពីក្រុងសៀមរាប ដោយប្រើប្រាស់រថយន្តចំនួន២៧គ្រឿងទៅចាក់នៅទីលាន សំរាម នៅឃុំត្រពាំងធំ ស្រុកប្រាសាទបាគង។ កន្លងមក ធ្លាប់មានក្រុមហ៊ុនកូរ៉េមួយ ចង់វិនិយោគទីលានចាក់សំរាមថ្មីនៅស្រុកបន្ទាយស្រី ដែលគម្រោងនេះបានស្ងាត់ទៅវិញ។ អាជ្ញាធរ ធ្លាប់បាន បញ្ជាក់ថា សេវាប្រមូលសំរាមនៅក្នុងក្រុងទេសចរណ៍មួយនេះ នៅមានកម្រិតនៅឡើយ និងឲ្យ ពលរដ្ឋមានការអធ្យាស្រ័យ យោគយល់ខ្ពស់ ចំពោះភាពយឺតយ៉ាវ នៃសេវាប្រមូលសំរាមនេះ ដែលអាជ្ញាធរកំពុងរកដំណោះស្រាយ៕
Tag:
សំរាម
ក្រុងសៀមរាប
© រក្សាសិទ្ធិដោយ thmeythmey.com
