អន្តរជាតិ
អត្តពលិកកូរ៉េទាំងពីរកាន់ទង់រួមគ្នា (រូបភាព៖ AFP)
×![]()
ដោយ: តន ចាន់រិទ្ធារ៉ា
ព្រឹត្តិការណ៍អូឡាំពិករដូវរងាឆ្នាំ២០១៨ នៅទីក្រុងព្យុងឆាង កូរ៉េខាងត្បូង បានបិទបញ្ចប់នៅថ្ងៃទី២៥ ខែកុម្ភៈ។ ជារួម ព្រឹត្តិការណ៍កីឡានេះរៀបចំឡើងដោយជោគជ័យ និងមិនមានការគំរាមកំហែងសន្តិសុខធ្ងន់ធ្ងរឡើយ ហើយរឿងគួរចាប់អារម្មណ៍ គឺកូរ៉េខាងជើងក៏ចូលរួមក្នុងកម្មវិធីដ៏ធំនេះដែរ។ អ្វីដែលគេចាំមើល គឺស្ថានការណ៍នៅឧបទ្វីបកូរ៉េរវាងអាមេរិក និងកូរ៉េខាងជើង ក្រោយព្រឹត្តិការណ៍នេះ។ តើទំនាក់ទំនងល្អប្រសើររវាងកូរ៉េទាំងពីរ នឹងនាំដល់ការជួបចរចារវាងអាមេរិក និងកូរ៉េខាងជើង ឬក៏ស្ថានភាពវិលទៅរកភាពតានតឹងជាថ្មី?
ព្រឹត្តិការណ៍អូឡាំពិករដូវរងា ដែលបង្ហាញពីការរួបរួមរវាងកូរ៉េខាងត្បូង និងកូរ៉េខាងជើងក្នុងរយៈពេលប៉ុន្មានឆ្នាំ បានបញ្ចប់ហើយ។ វត្តមានរបស់អត្តពលិក ក្រុមសិល្បៈ និងក្រុមនារីលើកទឹកចិត្តរបស់កូរ៉េខាងជើង នៅលើទឹកដីកូរ៉េខាងត្បូងក៏ចប់ដូចគ្នា ហើយត្រូវត្រឡប់ទៅកូរ៉េខាងជើងវិញ។ ទំនាក់ទំនងអន្តរកូរ៉េដែលល្អូនល្អឺនជាច្រើនសប្ដាហ៍មកនេះ មិនច្បាស់ថា អាចបន្តកើតមានក្រោយព្រឹត្តិការណ៍កីឡានេះឡើយ។
នៅថ្ងៃទី២៥ ខែកុម្ភៈ ដែលជាថ្ងៃបិទបញ្ចប់ព្រឹត្តិការណ៍អូឡាំពិកនោះ អត្តពលិកកូរ៉េទាំងពីរមិនបានស្លៀកឯកសណ្ឋានរួមគ្នា និងមិនទង់កូរ៉េតែមួយ ដូចថ្ងៃបើកកម្មវិធីឡើយ។ អត្តពលិកកូរ៉េខាងត្បូងស្លៀកសម្លៀកបំពាក់ពណ៌ស កាន់ទង់ជាតិកូរ៉េខាងត្បូង ឯក្រុមកីឡាករកូរ៉េខាងជើងនាំគ្នាប្រើប្រាស់ឯកសណ្ឋានពណ៌ក្រហម និងកាន់ទង់ជាតិកូរ៉េខាងជើង រំលេចផ្កាយផង។
ងាកទៅប្រតិភូរបស់អាមេរិក និងកូរ៉េខាងជើងវិញ គេមិនឃើញសោះការរាក់ទាក់គ្នារវាងមន្ត្រីប្រទេសទាំងពីរ ទោះជាអង្គុយនៅក្បែរគ្នាក៏ដោយ។ នៅថ្ងៃបើកកម្មវិធីទី៩ ខែកុម្ភៈ អនុប្រធានាធិបតីអាមេរិក ម៉ៃ ផេន មិនខ្វល់វត្តមានលោក គីម យ៉ុងណាម ប្រមុខរដ្ឋកូរ៉េខាងជើង ដែលអង្គុយខាងក្រោយខ្លួនឡើយ។ នៅថ្ងៃបិទវិញ លោកស្រី អ៊ីវ៉ាន់កា ត្រាំ កូនស្រីលោក ដូណាល់ ត្រាំ ក៏មិនយកភ្នែកមើលលោក Kim Yong-chol មន្ត្រីជាន់ខ្ពស់កូរ៉េខាងជើងដែរ។
អម្រែកធ្លាក់លើកូរ៉េខាងត្បូង
នៅពេលនេះ អម្រែកធ្ងន់ត្រូវធ្លាក់លើស្មារដ្ឋាភិបាលកូរ៉េខាងត្បូង ដែលត្រូវតែរក្សាស្ថានភាពកក់ក្ដៅអំឡុងពេលព្រឹត្តិការណ៍អូឡាំពិកបន្តទៀត។ ប្រធានាធិបតីសេរីនិយមលោក មូន ចេអ៊ីន ត្រូវរក្សាលំនឹងជញ្ជីង ដែលម្ខាងគឺមហិច្ឆតាការស្វែងរកសន្តិភាពជាមួយកូរ៉េខាងជើង និងម្ខាងទៀត គឺរក្សាសម្ព័ន្ធភាពជាមួយអាមេរិក។ ទោះជាបានពុះពារបញ្ហាច្រើនមកហើយក្ដី លោក មូន ចេអ៊ីន មានការងារជាច្រើនដែលត្រូវធ្វើ ហើយធ្វើដោយប្រុងប្រយ័ត្ន។
លោក មូន ចេអ៊ីន ត្រូវឆ្លើយតបសំណើរបស់លោក គីម ជុងអ៊ុន ដែលអញ្ជើញលោកទៅទស្សនកិច្ចនៅកូរ៉េខាងជើង។ លិខិតអញ្ជើញនេះត្រូវបានប្រគល់ឲ្យផ្ទាល់ដៃដល់លោក មូន ពីសំណាក់លោកស្រី គីម យ៉ូចុង ប្អូនស្រីដ៏មានឥទ្ធិពលរបស់លោក គីម ។ លោក មូន មិនទាន់ឆ្លើយថា យល់ទៅភ្លាមឡើយ តែបានស្នើឲ្យភាគីទាំងពីរសងខាងបង្កើតឱកាសល្អជាមុនសិន។ ប៉ុន្តែលោកត្រូវបន្តយកចិត្តកូរ៉េខាងជើងទៀត មុនឈានដល់ការពិភាក្សាបញ្ហាសំខាន់ៗ។
តាមពិតទៅ រដ្ឋាភិបាលកូរ៉េខាងត្បូងរងការរិះគន់មិនតិចឡើយពីប្រជាជនរបស់ខ្លួន ព្រោះបានបន្ទន់ឥរិយាបថខ្លាំងពេកចំពោះមុខកូរ៉េខាងជើង។ ក្រុងសេអ៊ូលទទួលរ៉ាប់រងរាល់ការចំណាយទាំងអស់របស់ប្រតិភូក្រុងព្យុងយ៉ាង ទាំងការហូកចុក ស្នាក់នៅ និងធ្វើដំណើរ។ ក្រុងសេអ៊ូលថែមទាំងព្យួរទណ្ឌកម្មឯកតោភាគីរបស់ខ្លួនផង ព្រោះព្យុងយ៉ាងបានបញ្ជូនមន្ត្រីដែលមានឈ្មោះក្នុងបញ្ជីទណ្ឌកម្ម។
ការសម្របសម្រួលគ្រប់យ៉ាងពីសំណាក់កូរ៉េខាងត្បូង ក៏មានគោលដៅដើម្បីធ្វើយ៉ាងណាឲ្យព្រឹត្តិការណ៍អូឡាំពិករដូវរងាឆ្នាំ២០១៨ ធ្វើឡើងដោយរលូន ហើយអាចអូសទាញកូរ៉េខាងជើងឲ្យបន្តបន្ទប់ជំហរទៀត។ សម្រាប់កូរ៉េខាងត្បូង ភាពល្អប្រសើរនៃទំនាក់ទំនងអន្តរកូរ៉េ គឺជាជំហានដ៏សំខាន់ដើម្បីឈានដល់ការចរចារវាងអាមេរិក និងកូរ៉េខាងត្បូង ឬក៏អាចឈានដល់ការចរចាស្ដីពីការរំសាយនុយក្លេអ៊ែរនៅឧបទ្វីបកូរ៉េ។
សន្តិភាពនឹងបន្ត ឬភាពតានតឹងកើតឡើងវិញ?
ខណៈដែលព្រឹត្តិការណ៍អូឡាំពិកចប់ទៅហើយនោះ អ្វីដែលគេសង្ឃឹមទុកនោះ ភាពកក់ក្ដៅនៅឧបទ្វីបកូរ៉េនៅតែបន្តមានដដែល។ ប៉ុន្តែវាជារឿងពិបាកស្មានថា ភាពតានតឹងនៃវិបត្តិនុយក្លេអ៊ែរកូរ៉េខាងជើងអាចកើតឡើងម្ដងទៀតឬយ៉ាងណា។ ពីរខែដើមឆ្នាំ២០១៨ ស្ថានការណ៍នៅឧបទ្វីបកូរ៉េមានភាពស្ងៀមស្ងាត់ល្អ ស្របពេលដែលកូរ៉េខាងជើងមិនបានបញ្ចញេសកម្មភាពអ្វីធំដុំ ក្រៅពីការធ្វើក្បួនព្យុហយាត្រាកងទ័ពមុនបើកព្រឹត្តិការណ៍អូឡាំពិកមួយថ្ងៃ។
យ៉ាងណាមិញ មានកត្តាចំនួនបីដែលអាចឲ្យឧបទ្វីបមួយនេះឈានទៅរកផ្លូវសង្គ្រាមដូចពេលកន្លងមក ឬក៏សន្តិភាពនៅតែបន្ត។ ទីមួយ គឺទណ្ឌកម្មសន្ធឹកសន្ធាប់របស់អាមេរិក។ អាមេរិកទើបដាក់ទណ្ឌកម្មមួយកញ្ចប់សម្រាប់កូរ៉េខាងជើង ដើម្បីផ្ដាច់ប្រភពហិរញ្ញវត្ថុ ក៏ដូចជាដាក់សម្ពាធឲ្យរដ្ឋកុម្មុយនីស្តមួយនេះបោះបង់មហិច្ឆតានុយក្លេអ៊ែររបស់ខ្លួន។ ទណ្ឌកម្មនេះប្រៀបដូចជាការជះសាំងលើភ្លើង ហើយកូរ៉េខាងជើងបានចាត់ទុកជាការប្រកាសសង្គ្រាមជាមួយខ្លួន។
កត្តាទីពីរ គឺសមយុទ្ធយោធារបស់អាមេរិក និងកូរ៉េខាងត្បូង។ កូរ៉េខាងត្បូងបានសម្រេចចិត្តផ្អាកសមយុទ្ធរួមគ្នាជាមួយអាមេរិកដើម្បីសម្រួលដល់ដំណើការរបស់កីឡាអូឡាំពិក។ សមយុទ្ធរួមគ្នារំពឹងថា ចាប់ផ្ដើមម្ដងទៀតក្រោយព្រឹត្តិការណ៍ប៉ារ៉ាឡាំពិកក្នុងខែមីនា។ ក្នុងករណីក្រុងសេអ៊ូល និងក្រុងវ៉ាស៊ីនតោនធ្វើសមយុទ្ធរួមគ្នាមែននោះ ក្រុងព្យុងយ៉ាងប្រាកដជាក្ដៅស្លឹកត្រចៀកមិនខាន ហើយទំនាក់ទំនងល្អូកល្អឺនដែលកសាងដោយលំបាក ក៏រលាយវិញដែរ។
កត្តាទីបី គឺកូរ៉េខាងជើងអាចសាកល្បងនុយក្លេអ៊ែរ ឬក៏បាញ់មីស៊ីលជាថ្មីទៀត។ កូរ៉េខាងជើងខកខានបាញ់មីស៊ីលជាងបីខែមកហើយ ខណៈការបាញ់ចុងក្រោយ ធ្វើឡើងក្នុងខែវិច្ឆិកា ឆ្នាំ២០១៧ ។ សមយុទ្ធយោធារួមគ្នារបស់អាមេរិក និងកូរ៉េខាងត្បូង នឹងក្លាយជាលេសសម្រាប់កូរ៉េខាងជើងបាញ់មីស៊ីលមិនខាន ព្រោះកូរ៉េខាងជើងចាត់ទុកលំហាត់យោធានេះជាការប្រុងប្រៀបឈ្លានពានខ្លួន។ ការស្ងៀមស្ងាត់មួយរយៈនេះ ទំនងជាកូរ៉េខាងជើងកំពុងសំលៀងមីស៊ីលរបស់ខ្លួនផងក៏ថាបាន៕
ព្រឹត្តិការណ៍អូឡាំពិករដូវរងា ដែលបង្ហាញពីការរួបរួមរវាងកូរ៉េខាងត្បូង និងកូរ៉េខាងជើងក្នុងរយៈពេលប៉ុន្មានឆ្នាំ បានបញ្ចប់ហើយ។ វត្តមានរបស់អត្តពលិក ក្រុមសិល្បៈ និងក្រុមនារីលើកទឹកចិត្តរបស់កូរ៉េខាងជើង នៅលើទឹកដីកូរ៉េខាងត្បូងក៏ចប់ដូចគ្នា ហើយត្រូវត្រឡប់ទៅកូរ៉េខាងជើងវិញ។ ទំនាក់ទំនងអន្តរកូរ៉េដែលល្អូនល្អឺនជាច្រើនសប្ដាហ៍មកនេះ មិនច្បាស់ថា អាចបន្តកើតមានក្រោយព្រឹត្តិការណ៍កីឡានេះឡើយ។
នៅថ្ងៃទី២៥ ខែកុម្ភៈ ដែលជាថ្ងៃបិទបញ្ចប់ព្រឹត្តិការណ៍អូឡាំពិកនោះ អត្តពលិកកូរ៉េទាំងពីរមិនបានស្លៀកឯកសណ្ឋានរួមគ្នា និងមិនទង់កូរ៉េតែមួយ ដូចថ្ងៃបើកកម្មវិធីឡើយ។ អត្តពលិកកូរ៉េខាងត្បូងស្លៀកសម្លៀកបំពាក់ពណ៌ស កាន់ទង់ជាតិកូរ៉េខាងត្បូង ឯក្រុមកីឡាករកូរ៉េខាងជើងនាំគ្នាប្រើប្រាស់ឯកសណ្ឋានពណ៌ក្រហម និងកាន់ទង់ជាតិកូរ៉េខាងជើង រំលេចផ្កាយផង។
ងាកទៅប្រតិភូរបស់អាមេរិក និងកូរ៉េខាងជើងវិញ គេមិនឃើញសោះការរាក់ទាក់គ្នារវាងមន្ត្រីប្រទេសទាំងពីរ ទោះជាអង្គុយនៅក្បែរគ្នាក៏ដោយ។ នៅថ្ងៃបើកកម្មវិធីទី៩ ខែកុម្ភៈ អនុប្រធានាធិបតីអាមេរិក ម៉ៃ ផេន មិនខ្វល់វត្តមានលោក គីម យ៉ុងណាម ប្រមុខរដ្ឋកូរ៉េខាងជើង ដែលអង្គុយខាងក្រោយខ្លួនឡើយ។ នៅថ្ងៃបិទវិញ លោកស្រី អ៊ីវ៉ាន់កា ត្រាំ កូនស្រីលោក ដូណាល់ ត្រាំ ក៏មិនយកភ្នែកមើលលោក Kim Yong-chol មន្ត្រីជាន់ខ្ពស់កូរ៉េខាងជើងដែរ។
អម្រែកធ្លាក់លើកូរ៉េខាងត្បូង
នៅពេលនេះ អម្រែកធ្ងន់ត្រូវធ្លាក់លើស្មារដ្ឋាភិបាលកូរ៉េខាងត្បូង ដែលត្រូវតែរក្សាស្ថានភាពកក់ក្ដៅអំឡុងពេលព្រឹត្តិការណ៍អូឡាំពិកបន្តទៀត។ ប្រធានាធិបតីសេរីនិយមលោក មូន ចេអ៊ីន ត្រូវរក្សាលំនឹងជញ្ជីង ដែលម្ខាងគឺមហិច្ឆតាការស្វែងរកសន្តិភាពជាមួយកូរ៉េខាងជើង និងម្ខាងទៀត គឺរក្សាសម្ព័ន្ធភាពជាមួយអាមេរិក។ ទោះជាបានពុះពារបញ្ហាច្រើនមកហើយក្ដី លោក មូន ចេអ៊ីន មានការងារជាច្រើនដែលត្រូវធ្វើ ហើយធ្វើដោយប្រុងប្រយ័ត្ន។
លោក មូន ចេអ៊ីន ត្រូវឆ្លើយតបសំណើរបស់លោក គីម ជុងអ៊ុន ដែលអញ្ជើញលោកទៅទស្សនកិច្ចនៅកូរ៉េខាងជើង។ លិខិតអញ្ជើញនេះត្រូវបានប្រគល់ឲ្យផ្ទាល់ដៃដល់លោក មូន ពីសំណាក់លោកស្រី គីម យ៉ូចុង ប្អូនស្រីដ៏មានឥទ្ធិពលរបស់លោក គីម ។ លោក មូន មិនទាន់ឆ្លើយថា យល់ទៅភ្លាមឡើយ តែបានស្នើឲ្យភាគីទាំងពីរសងខាងបង្កើតឱកាសល្អជាមុនសិន។ ប៉ុន្តែលោកត្រូវបន្តយកចិត្តកូរ៉េខាងជើងទៀត មុនឈានដល់ការពិភាក្សាបញ្ហាសំខាន់ៗ។
តាមពិតទៅ រដ្ឋាភិបាលកូរ៉េខាងត្បូងរងការរិះគន់មិនតិចឡើយពីប្រជាជនរបស់ខ្លួន ព្រោះបានបន្ទន់ឥរិយាបថខ្លាំងពេកចំពោះមុខកូរ៉េខាងជើង។ ក្រុងសេអ៊ូលទទួលរ៉ាប់រងរាល់ការចំណាយទាំងអស់របស់ប្រតិភូក្រុងព្យុងយ៉ាង ទាំងការហូកចុក ស្នាក់នៅ និងធ្វើដំណើរ។ ក្រុងសេអ៊ូលថែមទាំងព្យួរទណ្ឌកម្មឯកតោភាគីរបស់ខ្លួនផង ព្រោះព្យុងយ៉ាងបានបញ្ជូនមន្ត្រីដែលមានឈ្មោះក្នុងបញ្ជីទណ្ឌកម្ម។
ការសម្របសម្រួលគ្រប់យ៉ាងពីសំណាក់កូរ៉េខាងត្បូង ក៏មានគោលដៅដើម្បីធ្វើយ៉ាងណាឲ្យព្រឹត្តិការណ៍អូឡាំពិករដូវរងាឆ្នាំ២០១៨ ធ្វើឡើងដោយរលូន ហើយអាចអូសទាញកូរ៉េខាងជើងឲ្យបន្តបន្ទប់ជំហរទៀត។ សម្រាប់កូរ៉េខាងត្បូង ភាពល្អប្រសើរនៃទំនាក់ទំនងអន្តរកូរ៉េ គឺជាជំហានដ៏សំខាន់ដើម្បីឈានដល់ការចរចារវាងអាមេរិក និងកូរ៉េខាងត្បូង ឬក៏អាចឈានដល់ការចរចាស្ដីពីការរំសាយនុយក្លេអ៊ែរនៅឧបទ្វីបកូរ៉េ។
សន្តិភាពនឹងបន្ត ឬភាពតានតឹងកើតឡើងវិញ?
ខណៈដែលព្រឹត្តិការណ៍អូឡាំពិកចប់ទៅហើយនោះ អ្វីដែលគេសង្ឃឹមទុកនោះ ភាពកក់ក្ដៅនៅឧបទ្វីបកូរ៉េនៅតែបន្តមានដដែល។ ប៉ុន្តែវាជារឿងពិបាកស្មានថា ភាពតានតឹងនៃវិបត្តិនុយក្លេអ៊ែរកូរ៉េខាងជើងអាចកើតឡើងម្ដងទៀតឬយ៉ាងណា។ ពីរខែដើមឆ្នាំ២០១៨ ស្ថានការណ៍នៅឧបទ្វីបកូរ៉េមានភាពស្ងៀមស្ងាត់ល្អ ស្របពេលដែលកូរ៉េខាងជើងមិនបានបញ្ចញេសកម្មភាពអ្វីធំដុំ ក្រៅពីការធ្វើក្បួនព្យុហយាត្រាកងទ័ពមុនបើកព្រឹត្តិការណ៍អូឡាំពិកមួយថ្ងៃ។
យ៉ាងណាមិញ មានកត្តាចំនួនបីដែលអាចឲ្យឧបទ្វីបមួយនេះឈានទៅរកផ្លូវសង្គ្រាមដូចពេលកន្លងមក ឬក៏សន្តិភាពនៅតែបន្ត។ ទីមួយ គឺទណ្ឌកម្មសន្ធឹកសន្ធាប់របស់អាមេរិក។ អាមេរិកទើបដាក់ទណ្ឌកម្មមួយកញ្ចប់សម្រាប់កូរ៉េខាងជើង ដើម្បីផ្ដាច់ប្រភពហិរញ្ញវត្ថុ ក៏ដូចជាដាក់សម្ពាធឲ្យរដ្ឋកុម្មុយនីស្តមួយនេះបោះបង់មហិច្ឆតានុយក្លេអ៊ែររបស់ខ្លួន។ ទណ្ឌកម្មនេះប្រៀបដូចជាការជះសាំងលើភ្លើង ហើយកូរ៉េខាងជើងបានចាត់ទុកជាការប្រកាសសង្គ្រាមជាមួយខ្លួន។
កត្តាទីពីរ គឺសមយុទ្ធយោធារបស់អាមេរិក និងកូរ៉េខាងត្បូង។ កូរ៉េខាងត្បូងបានសម្រេចចិត្តផ្អាកសមយុទ្ធរួមគ្នាជាមួយអាមេរិកដើម្បីសម្រួលដល់ដំណើការរបស់កីឡាអូឡាំពិក។ សមយុទ្ធរួមគ្នារំពឹងថា ចាប់ផ្ដើមម្ដងទៀតក្រោយព្រឹត្តិការណ៍ប៉ារ៉ាឡាំពិកក្នុងខែមីនា។ ក្នុងករណីក្រុងសេអ៊ូល និងក្រុងវ៉ាស៊ីនតោនធ្វើសមយុទ្ធរួមគ្នាមែននោះ ក្រុងព្យុងយ៉ាងប្រាកដជាក្ដៅស្លឹកត្រចៀកមិនខាន ហើយទំនាក់ទំនងល្អូកល្អឺនដែលកសាងដោយលំបាក ក៏រលាយវិញដែរ។
កត្តាទីបី គឺកូរ៉េខាងជើងអាចសាកល្បងនុយក្លេអ៊ែរ ឬក៏បាញ់មីស៊ីលជាថ្មីទៀត។ កូរ៉េខាងជើងខកខានបាញ់មីស៊ីលជាងបីខែមកហើយ ខណៈការបាញ់ចុងក្រោយ ធ្វើឡើងក្នុងខែវិច្ឆិកា ឆ្នាំ២០១៧ ។ សមយុទ្ធយោធារួមគ្នារបស់អាមេរិក និងកូរ៉េខាងត្បូង នឹងក្លាយជាលេសសម្រាប់កូរ៉េខាងជើងបាញ់មីស៊ីលមិនខាន ព្រោះកូរ៉េខាងជើងចាត់ទុកលំហាត់យោធានេះជាការប្រុងប្រៀបឈ្លានពានខ្លួន។ ការស្ងៀមស្ងាត់មួយរយៈនេះ ទំនងជាកូរ៉េខាងជើងកំពុងសំលៀងមីស៊ីលរបស់ខ្លួនផងក៏ថាបាន៕
Tag:
កូរ៉េខាងជើង
កូរ៉េខាងត្បូង
អាមេរិក
Olympic2018
© រក្សាសិទ្ធិដោយ thmeythmey.com
