អន្តរជាតិ
រូបភាព AFP
×![]()
ដោយ: ថ្មីៗ
ក្នុងប្រតិបត្តិការបង្ក្រាបគ្រឿងញៀនមួយ ប៉ូលិសវៀតណាមបានរឹបអូសគ្រឿងញៀនដែលមានតម្លៃប្រហែល២,៥ លានដុល្លារដែលឈ្មួញព្យាយាមរត់ពន្ធចូលទៅកាន់ទឹកដីចិន។ នេះបើយោងតាមសារព័ត៌មានវៀតណាម Thanh Nien ដែលចុះផ្សាយថ្ងៃចន្ទទី ២៦ ខែកុម្ភៈ។
គ្រឿងញៀនហេរ៉ូអ៊ីន ដែលមានតម្លៃរហូតដល់ ២,៥លានដុល្លារអាមេរិកត្រូវបានឈ្មួញជនជាតិវៀតណាមប្រាំនាក់រត់ពន្ធដើម្បីនាំចូលទៅកាន់ប្រទេសចិនតាមខេត្ត Cao Bang ប្រទេសវៀតណាម ។ គ្រឿងញៀន ត្រូវបានសមត្ថកិច្ចរឹបអូស ហើយជនល្មើសប្រាំនាក់នោះក៏ត្រូវបានចាប់ខ្លួនរួចរាល់ហើយដែរ។
បើតាមសារព័ត៌មានវៀតណាម Thanh Nien ការបង្ក្រាបគ្រឿងញៀននេះធ្វើឡើងចន្លោះពីថ្ងៃសុក្រដល់ថ្ងៃសៅរ៍សប្តាហ៍មុន ហើយប៉ូលិសបានសម្រេចបាញ់កញ្ចប់គ្រឿងញៀននៅត្រូវបានគេលាក់ទុកក្នុងរថយន្តមួយគ្រឿងដោយព្យាយាមបើកឆ្លងដែនដោយមិនឈប់តាមការបញ្ជារបស់ប៉ូលិស។
មានតម្លៃប្រហែល ២,៥ លានដុល្លារ គ្រឿងញៀននោះមានទំហំជិត ១០០ គីឡូក្រាម ត្រូវបានជនជាតិវៀតណាមទាំងប្រាំនាក់នោះរត់ពន្ធចេញមកពីប្រទេសឡាវ និងគ្រោងនាំចូលទៅប្រទេសចិនផង។
វៀតណាមត្រូវបានគេស្គាល់ថាជាទីកន្លែងសំខាន់មួយសម្រាប់ការដឹកជញ្ជូន និងឆ្លងកាត់នៃគ្រឿងញៀនដែលគេនាំមកពីតំបន់ត្រីកោណមាសវៀតណាម ថៃ និងឡាវ ដែលជាតំបន់ដែលផលិតគ្រឿងញៀនធំបំផុតមួយលើពិភពលិកនោះ។
កាលពីខែមុន ប៉ូលិសវៀតណាមក៏បានបង្ក្រាបករណីរត់ពន្ធគ្រឿងញៀនផងដែរ ដោយពេលនោះប៉ូលិសបានរឹបអូសយកម្សៅហេរ៉ូអ៊ីនមានទម្ងន់ ១៧០ គីឡូក្រាមដែលមានតម្លៃប្រហែល ៣លានដុល្លារអាមេរិក។ គ្រឿងញៀននោះត្រូវបានគេដឹកចេញពីប្រទេសឡាវដូចគ្នា។
តាមពិតទៅវៀតណាមជាប្រទេសមួយក្នុងចំណោមប្រទេសដែលមានច្បាប់ប្រឆាំងគ្រឿងញៀនដែលតឹងតែងជាងគេលើពិភពលោក។ អ្នកណាក៏ដោយដែលត្រូវបានចាប់ខ្លួនដោយរត់ពន្ធគ្រឿងញៀនក្នុងទំហំលើពី ៦០០ក្រាម ឬក៏មានអាភៀនលើពី ២០គីឡូក្រមនឹងត្រូវប្រឈមមុខនឹងទោសប្រហារជីវិតផង៕
គ្រឿងញៀនហេរ៉ូអ៊ីន ដែលមានតម្លៃរហូតដល់ ២,៥លានដុល្លារអាមេរិកត្រូវបានឈ្មួញជនជាតិវៀតណាមប្រាំនាក់រត់ពន្ធដើម្បីនាំចូលទៅកាន់ប្រទេសចិនតាមខេត្ត Cao Bang ប្រទេសវៀតណាម ។ គ្រឿងញៀន ត្រូវបានសមត្ថកិច្ចរឹបអូស ហើយជនល្មើសប្រាំនាក់នោះក៏ត្រូវបានចាប់ខ្លួនរួចរាល់ហើយដែរ។
បើតាមសារព័ត៌មានវៀតណាម Thanh Nien ការបង្ក្រាបគ្រឿងញៀននេះធ្វើឡើងចន្លោះពីថ្ងៃសុក្រដល់ថ្ងៃសៅរ៍សប្តាហ៍មុន ហើយប៉ូលិសបានសម្រេចបាញ់កញ្ចប់គ្រឿងញៀននៅត្រូវបានគេលាក់ទុកក្នុងរថយន្តមួយគ្រឿងដោយព្យាយាមបើកឆ្លងដែនដោយមិនឈប់តាមការបញ្ជារបស់ប៉ូលិស។
មានតម្លៃប្រហែល ២,៥ លានដុល្លារ គ្រឿងញៀននោះមានទំហំជិត ១០០ គីឡូក្រាម ត្រូវបានជនជាតិវៀតណាមទាំងប្រាំនាក់នោះរត់ពន្ធចេញមកពីប្រទេសឡាវ និងគ្រោងនាំចូលទៅប្រទេសចិនផង។
វៀតណាមត្រូវបានគេស្គាល់ថាជាទីកន្លែងសំខាន់មួយសម្រាប់ការដឹកជញ្ជូន និងឆ្លងកាត់នៃគ្រឿងញៀនដែលគេនាំមកពីតំបន់ត្រីកោណមាសវៀតណាម ថៃ និងឡាវ ដែលជាតំបន់ដែលផលិតគ្រឿងញៀនធំបំផុតមួយលើពិភពលិកនោះ។
កាលពីខែមុន ប៉ូលិសវៀតណាមក៏បានបង្ក្រាបករណីរត់ពន្ធគ្រឿងញៀនផងដែរ ដោយពេលនោះប៉ូលិសបានរឹបអូសយកម្សៅហេរ៉ូអ៊ីនមានទម្ងន់ ១៧០ គីឡូក្រាមដែលមានតម្លៃប្រហែល ៣លានដុល្លារអាមេរិក។ គ្រឿងញៀននោះត្រូវបានគេដឹកចេញពីប្រទេសឡាវដូចគ្នា។
តាមពិតទៅវៀតណាមជាប្រទេសមួយក្នុងចំណោមប្រទេសដែលមានច្បាប់ប្រឆាំងគ្រឿងញៀនដែលតឹងតែងជាងគេលើពិភពលោក។ អ្នកណាក៏ដោយដែលត្រូវបានចាប់ខ្លួនដោយរត់ពន្ធគ្រឿងញៀនក្នុងទំហំលើពី ៦០០ក្រាម ឬក៏មានអាភៀនលើពី ២០គីឡូក្រមនឹងត្រូវប្រឈមមុខនឹងទោសប្រហារជីវិតផង៕
Tag:
គ្រឿងញៀន
អាស៊ាន
ឡាវ
វៀតណាម
© រក្សាសិទ្ធិដោយ thmeythmey.com
