អន្តរជាតិ
ប្រធានាធិបតីកូរ៉េខាងត្បូងស្នើអាមេរិកកុំដាក់លក្ខខណ្ឌចរចាជាមួយកូរ៉េខាងជើងខ្ពស់ពេក
ប្រធានាធិបតីកូរ៉េខាងត្បូង មូន ចេអ៊ីន ជួបជាមួយឧបនាយករដ្ឋមន្រ្តីចិន Liu Yandong (រូបភាព៖ AP)
×![]()
ដោយ: តន ចាន់រិទ្ធារ៉ា
ប្រធានាធិបតីកូរ៉េខាងត្បូង មូន ចេអ៊ីន នៅថ្ងៃទី២៦ ខែកុម្ភៈ បានស្នើឲ្យអាមេរិកកុំដាក់លក្ខខណ្ឌខ្ពស់ពេកក្នុងការទាមទារឲ្យកូរ៉េខាងជើងចូលតុចរចាវិញនោះ។ លោក មូន ចេអ៊ីន និយាយបែបនេះ បន្ទាប់ពីកូរ៉េខាងជើងបង្ហាញជំហរចរចា តែអាមេរិកបានប្រាប់ឲ្យបោះបង់នុយក្លេអ៊ែរសិន។ ប្រធានាធិបតីកូរ៉េខាងត្បូងរូបនេះចង់ការចរចាទល់មុខរវាងអាមេរិក និងកូរ៉េខាងជើង កើតឡើងសិន រួចទើបភាគីទាំងអស់ដាក់លក្ខខណ្ឌតាមក្រោយ។
ក្នុងជំនួបជាមួយឧបនាយករដ្ឋមន្ត្រីចិន Liu Yandong ប្រធានាធិបតីកូរ៉េខាងត្បូង មូន ចេអ៊ីន បានលើកឡើងពីសារសំខាន់នៃការចាប់ផ្ដើមការចរចាទ្វេភាគីរវាងអាមេរិក និងកូរ៉េខាងជើង។ ប៉ុន្តែលោក មូន ចេអ៊ីន បានស្នើឲ្យភាគីទាំងអស់បង្ហាញឆន្ទៈចរចារបស់ខ្លួន និងមិនត្រូវទាមទារលក្ខខណ្ឌខ្ពស់ ទាំងការចរចាមិនទាន់លេចជារូបរាងផងនោះ។
ងាកទៅចុងសប្ដាហ៍មុនបន្តិច លោក Kim Yong-chol មន្ត្រីជាន់ខ្ពស់កូរ៉េខាងជើង បានប្រាប់លោក មូន ចេអ៊ីន ក្នុងជំនួបបិទទ្វារថា កូរ៉េខាងជើងមានឆន្ទៈគ្រប់គ្រាន់ និងបើកចំហដល់ការចរចាជាមួយអាមេរិក។ ប៉ុន្មានក្រោយមក សេតវិមានក៏បានឆ្លើយតបវិញ និងបានប្រាប់ឲ្យកូរ៉េខាងជើងបោះបង់នុយក្លេអ៊ែរជាមុន។ សម្រាប់អាមេរិក ការជជែកជាមួយកូរ៉េខាងជើងមានគោលដៅតែមួយគត់ គឺឧបទ្វីបកូរ៉េគ្មាននុយក្លេអ៊ែរ។
បើតាមការផ្សាយរបស់ទីភ្នាក់ងារព័ត៌មាន Yonhap ចំពោះមុខមន្ត្រីជាន់ខ្ពស់ចិន លោក មូន ចេអ៊ីន និយាយដោយត្រង់ៗថា អាមេរិកគួរទម្លាក់ការទាមទាររបស់ខ្លួន ឯកូរ៉េខាងជើងវិញក៏ត្រូវបង្ហាញជំហររំសាយនុយក្លេអ៊ែររបស់ខ្លួនវិញដែរ។ ប្រធានាធិបតីកូរ៉េខាងត្បូងរូបនេះបានប្រាប់លោកស្រី Liu Yandong ដែរថា វាជារឿងសំខាន់ដែលអាមេរិក និងកូរ៉េខាងជើង ត្រូវចូលតុចរចាមួយទល់មួយឲ្យបានកាន់តែឆាប់។
មេដឹកនាំកូរ៉េខាត្បូងដដែលនេះអះអាងថា ថ្មីៗនេះ កូរ៉េខាងជើងបានបង្ហាញបង្ហាញឆន្ទៈដើម្បីជួបជជែកជាមួយអាមេរិក ឯអាមេរិកវិញក៏និយាយពីសារសំខាន់នៃការសន្ទនាដើម្បីសន្តិភាពដែរ។ លោក មូន ចេអ៊ីន ជឿថា ទំនាក់ទំនងល្អរវាងកូរ៉េទាំងពីរក្នុងព្រឹត្តិការណ៍អូឡាំពិកដែលបញ្ចប់នៅថ្ងៃទី២៥ ខែកុម្ភៈ អាចនាំទៅដល់ការចរចាផ្ទាល់រវាងអាមេរិក និងកូរ៉េខាងជើង ឬក៏ការចរចាពហុភាគីដើម្បីបញ្ចប់មហិច្ឆតានុយក្លេអ៊ែរកូរ៉េខាងជើង។
ដោយឡែកក្នុងជំនួបជាមួយមន្ត្រីកូរ៉េខាងត្បូងនៅថ្ងៃទី២៦ ខែកុម្ភៈនេះដែរ លោក Kim Yong-chol ក៏ប្រកាសម្ដងទៀតពីជំហរចរចាជាមួយអាមេរិក ហើយទ្វារចរចានៅតែចំហ។ យ៉ាងណាមិញ អាមេរិកហាក់នៅស្ទាក់ស្ទើរ និងមិនទាន់ជឿកូរ៉េខាងជើងទាំងស្រុងនៅឡើយទេ។ មិនត្រឹមមិនទាន់ជឿទេ អាមេរិកក៏នៅតែប្រកាន់ជំហរដាក់ទណ្ឌកម្មបន្ថែមទៀតលើកូរ៉េខាងជើងដើម្បីបង្ខំឲ្យបោះបង់កម្មវិធីនុយក្លេអ៊ែរ និងមីស៊ីល៕
ក្នុងជំនួបជាមួយឧបនាយករដ្ឋមន្ត្រីចិន Liu Yandong ប្រធានាធិបតីកូរ៉េខាងត្បូង មូន ចេអ៊ីន បានលើកឡើងពីសារសំខាន់នៃការចាប់ផ្ដើមការចរចាទ្វេភាគីរវាងអាមេរិក និងកូរ៉េខាងជើង។ ប៉ុន្តែលោក មូន ចេអ៊ីន បានស្នើឲ្យភាគីទាំងអស់បង្ហាញឆន្ទៈចរចារបស់ខ្លួន និងមិនត្រូវទាមទារលក្ខខណ្ឌខ្ពស់ ទាំងការចរចាមិនទាន់លេចជារូបរាងផងនោះ។
ងាកទៅចុងសប្ដាហ៍មុនបន្តិច លោក Kim Yong-chol មន្ត្រីជាន់ខ្ពស់កូរ៉េខាងជើង បានប្រាប់លោក មូន ចេអ៊ីន ក្នុងជំនួបបិទទ្វារថា កូរ៉េខាងជើងមានឆន្ទៈគ្រប់គ្រាន់ និងបើកចំហដល់ការចរចាជាមួយអាមេរិក។ ប៉ុន្មានក្រោយមក សេតវិមានក៏បានឆ្លើយតបវិញ និងបានប្រាប់ឲ្យកូរ៉េខាងជើងបោះបង់នុយក្លេអ៊ែរជាមុន។ សម្រាប់អាមេរិក ការជជែកជាមួយកូរ៉េខាងជើងមានគោលដៅតែមួយគត់ គឺឧបទ្វីបកូរ៉េគ្មាននុយក្លេអ៊ែរ។
បើតាមការផ្សាយរបស់ទីភ្នាក់ងារព័ត៌មាន Yonhap ចំពោះមុខមន្ត្រីជាន់ខ្ពស់ចិន លោក មូន ចេអ៊ីន និយាយដោយត្រង់ៗថា អាមេរិកគួរទម្លាក់ការទាមទាររបស់ខ្លួន ឯកូរ៉េខាងជើងវិញក៏ត្រូវបង្ហាញជំហររំសាយនុយក្លេអ៊ែររបស់ខ្លួនវិញដែរ។ ប្រធានាធិបតីកូរ៉េខាងត្បូងរូបនេះបានប្រាប់លោកស្រី Liu Yandong ដែរថា វាជារឿងសំខាន់ដែលអាមេរិក និងកូរ៉េខាងជើង ត្រូវចូលតុចរចាមួយទល់មួយឲ្យបានកាន់តែឆាប់។
មេដឹកនាំកូរ៉េខាត្បូងដដែលនេះអះអាងថា ថ្មីៗនេះ កូរ៉េខាងជើងបានបង្ហាញបង្ហាញឆន្ទៈដើម្បីជួបជជែកជាមួយអាមេរិក ឯអាមេរិកវិញក៏និយាយពីសារសំខាន់នៃការសន្ទនាដើម្បីសន្តិភាពដែរ។ លោក មូន ចេអ៊ីន ជឿថា ទំនាក់ទំនងល្អរវាងកូរ៉េទាំងពីរក្នុងព្រឹត្តិការណ៍អូឡាំពិកដែលបញ្ចប់នៅថ្ងៃទី២៥ ខែកុម្ភៈ អាចនាំទៅដល់ការចរចាផ្ទាល់រវាងអាមេរិក និងកូរ៉េខាងជើង ឬក៏ការចរចាពហុភាគីដើម្បីបញ្ចប់មហិច្ឆតានុយក្លេអ៊ែរកូរ៉េខាងជើង។
ដោយឡែកក្នុងជំនួបជាមួយមន្ត្រីកូរ៉េខាងត្បូងនៅថ្ងៃទី២៦ ខែកុម្ភៈនេះដែរ លោក Kim Yong-chol ក៏ប្រកាសម្ដងទៀតពីជំហរចរចាជាមួយអាមេរិក ហើយទ្វារចរចានៅតែចំហ។ យ៉ាងណាមិញ អាមេរិកហាក់នៅស្ទាក់ស្ទើរ និងមិនទាន់ជឿកូរ៉េខាងជើងទាំងស្រុងនៅឡើយទេ។ មិនត្រឹមមិនទាន់ជឿទេ អាមេរិកក៏នៅតែប្រកាន់ជំហរដាក់ទណ្ឌកម្មបន្ថែមទៀតលើកូរ៉េខាងជើងដើម្បីបង្ខំឲ្យបោះបង់កម្មវិធីនុយក្លេអ៊ែរ និងមីស៊ីល៕
Tag:
កូរ៉េខាងត្បូង
កូរ៉េខាងជើង
អាមេរិក
មូន ចេអ៊ីន
© រក្សាសិទ្ធិដោយ thmeythmey.com
