កីឡាអន្តរជាតិ
អន្តរជាតិ
UCL៖ Neymar មិនអាចជួយ PSG ពេលប៉ះ Real Madrid ជើងទី២
× Neymar នឹងអវត្តមានមិនអាចជួយក្រុម Paris St-Germain ប្រកួតទល់នឹង Real Madrid ក្នុងពានរង្វាន់ UEFA Champions League ជើងទី២ វគ្គ១៦ ចុងក្រោយ ដោយសារមានបញ្ហារបួសកជើង។
ខ្សែប្រយុទ្ធអន្តរជាតិប្រេស៊ីលវ័យ ២៦ឆ្នាំបានរងរបួសកជើងក្នុងជំនួបដែល PSG ឈ្នះ Marseille ក្នុងការប្រកួតពាន Ligue 1 កាលថ្ងៃអាទិត្យ ទី២៥ ខែកុម្ភៈ នៅពេលព្យាយាមប្រជែងគ្នាជាមួយកីឡាករ Bouna Sarr ហើយក៏បានសែងចេញពីទីលានភ្លាមៗតែម្តង។
បើតាមការបញ្ជាក់ពីក្លិប កីឡាករដែលមានតម្លៃខ្លួនថ្លៃជាងគេលើលោកបានរងរបួសកជើងខាងស្តាំ ព្រមទាំងមានស្នាមប្រេះឆ្អឹង៥កន្លែងផង។
ដូច្នេះរបួសខាងលើនេះ នឹងធ្វើឲ្យ Neymar មិនអាចជួយ PSG បានទេ ពេលប៉ះ Real Madrid ក្នុងជំនួបជើងទី២ដែលជាការប្រកួតដ៏សំខាន់ត្រូវតែឈ្នះបំផុត នៅទឹកដី Parc de Prince នាថ្ងៃទី៦ ខែមីនា ខណៈជើងទី១ ក្រុមរហស្សនាមអធិរាជសបានយកឈ្នះក្រុមដែលមានមូលដ្ឋាននៅរដ្ឋធានីប៉ារីសរហូត ៣-១។
អតីតសមាជិក Barcelona រូបនេះ អាចរកគ្រាប់បាល់បញ្ចូលទី ២៩គ្រាប់ហើយក្នុងការបង្ហាញខ្លួន៣០លើកចាប់តាំងពីចូលរួមជាមួយ Paris St-Germain កាលពីដើមរដូវកាលថ្មីនេះមក។
Tag:
បាល់ទាត់
Neymar
Paris St-Germain
UEFA Champions League
© រក្សាសិទ្ធិដោយ thmeythmey.com