ជាតិ
រដ្ឋាភិបាល បង្ហើបថាកម្ពុជានាំចូលអាវុធរាប់តោន ដើម្បីពង្រឹងសមត្ថភាពយោធា
×![]()
ដោយ: ធឿន បញ្ញាឬទិ្ធ
ភ្នំពេញ៖ សព្វាវុធរាប់តោន ត្រូវបានដឹកជញ្ជូនមកដល់កម្ពុជា កាលពីយប់ថ្ងៃទី២៧ កុម្ភៈ។ ព័ត៌មាននេះត្រូវបានបង្ហើបដោយសម្ដេចនាយករដ្ឋមន្ត្រី ហ៊ុន សែន នៅក្នុងពិធីជួបសំណេះសំណាលជាមួយកម្មកររោងចក្រជាង១ម៉ឺននាក់ នៅក្នុងខេត្តកំពង់ស្ពឺ។
សម្ដេច ហ៊ុន សែន បាននិយាយដោយប្រយោលថា ទំនិញពិសេស(សព្វាវុធ)ទាំងនោះ ត្រូវបានរក្សាទុកនៅក្នុងក្រសួងការពារជាតិ ដោយសម្ដេច ទៀ បាញ់ ជាអ្នកទទួលខុសត្រូវ។ បើតាមសម្ដេច ហ៊ុន សែន សព្វាវុធនោះ គឺយកមកពង្រឹងសមត្ថភាពយោធាប៉ុណ្ណោះ។
ប្រមុខរដ្ឋាភិបាល បានព្រលយយ៉ាងដូច្នេះថា៖«យប់មិញ (២៧ កុម្ភៈ) ទំនិញពិសេស(សព្វាវុធ)របស់យើងបានមកដល់។ ទំនិញពិសេសនេះ មិនអាចឲ្យអ្នកណាដឹងថា ជាអ្វីទេ តែក៏មិនមែនគ្រឿងញៀនទេ ព្រោះដឹកសុទ្ធតែកុងតឺន័រ ប៉ុន្មានពាន់តោន ចូលដល់ម៉ឺនតោននោះ។ ប៉ុន្តែប្រទេសមួយត្រូវមានមធ្យោបាយការពារជាតិរបស់ខ្លួន ហើយសម្ដេច ទៀ បាញ់ បានធ្វើលើកិច្ចការងារនេះ (អ្នកទទួលខុសត្រូវ)។ ខ្ញុំនិយាយប៉ុណ្ណេះប្រហែលអាចមានអ្នកដឹង ព្រោះរដ្ឋមន្ត្រីការពារជាតិ គាត់មិនដែលទៅដឹកផ្កា ចូលកម្ពុជាទេ»។
តែយ៉ាងណាសម្ដេច ហ៊ុន សែន មិនបានបញ្ជាក់ថា តើសព្វាវុធទាំងនោះ មានប្រភេទអ្វីខ្លះ ហើយនាំចូលមកពីប្រទេសណានោះទេ។
ជាការកត់សម្គាល់ កម្ពុជា -ចិន នឹងធ្វើសមយុទ្ធ«លំហាត់យោធានាគមាស» រួមគ្នានៅខែមីនាខាងមុខ ដើម្បីអបអរអនុស្សាវរីយ៍លើកទី៦០ នៃទំនាក់ទំនងការទូតរវាងប្រទេសទាំងពីរ។ សមយុទ្ធទ្រង់ទ្រាយធំនោះ ភាគច្រើនផ្តោតទៅលើការប្រឆាំងភេរវកម្ម និងសង្គ្រោះបន្ទាន់ ។
សមយុទ្ធ«លំហាត់យោធានាគមាស» នឹងផ្ដោតលើវិញ្ញាសាររាវមីន និងកម្ទេចយុទ្ធភណ្ឌមិនទាន់ផ្ទុះ ការដោះគ្រាប់បែកសារធាតុគីមីពុល ការបន្សាបជាតិគីមីពុល ការប្រយុទ្ធរបស់កងអនុសេនាធំរថក្រោះ សហការជាមួយវរសេនាតូចថ្មើរជើង ការរំដោះចំណាប់ខ្មាំង និងការងារមនុស្សធម៌ និងបាញ់គ្រាប់ពិតជាដើម។ នេះបើតាមលោក ឥត សារ៉ាត់ អគ្គមេបញ្ជាការរង នៃកងយោធពលខេមរភូមិន្ទ៕
សម្ដេច ហ៊ុន សែន បាននិយាយដោយប្រយោលថា ទំនិញពិសេស(សព្វាវុធ)ទាំងនោះ ត្រូវបានរក្សាទុកនៅក្នុងក្រសួងការពារជាតិ ដោយសម្ដេច ទៀ បាញ់ ជាអ្នកទទួលខុសត្រូវ។ បើតាមសម្ដេច ហ៊ុន សែន សព្វាវុធនោះ គឺយកមកពង្រឹងសមត្ថភាពយោធាប៉ុណ្ណោះ។
ប្រមុខរដ្ឋាភិបាល បានព្រលយយ៉ាងដូច្នេះថា៖«យប់មិញ (២៧ កុម្ភៈ) ទំនិញពិសេស(សព្វាវុធ)របស់យើងបានមកដល់។ ទំនិញពិសេសនេះ មិនអាចឲ្យអ្នកណាដឹងថា ជាអ្វីទេ តែក៏មិនមែនគ្រឿងញៀនទេ ព្រោះដឹកសុទ្ធតែកុងតឺន័រ ប៉ុន្មានពាន់តោន ចូលដល់ម៉ឺនតោននោះ។ ប៉ុន្តែប្រទេសមួយត្រូវមានមធ្យោបាយការពារជាតិរបស់ខ្លួន ហើយសម្ដេច ទៀ បាញ់ បានធ្វើលើកិច្ចការងារនេះ (អ្នកទទួលខុសត្រូវ)។ ខ្ញុំនិយាយប៉ុណ្ណេះប្រហែលអាចមានអ្នកដឹង ព្រោះរដ្ឋមន្ត្រីការពារជាតិ គាត់មិនដែលទៅដឹកផ្កា ចូលកម្ពុជាទេ»។
តែយ៉ាងណាសម្ដេច ហ៊ុន សែន មិនបានបញ្ជាក់ថា តើសព្វាវុធទាំងនោះ មានប្រភេទអ្វីខ្លះ ហើយនាំចូលមកពីប្រទេសណានោះទេ។
ជាការកត់សម្គាល់ កម្ពុជា -ចិន នឹងធ្វើសមយុទ្ធ«លំហាត់យោធានាគមាស» រួមគ្នានៅខែមីនាខាងមុខ ដើម្បីអបអរអនុស្សាវរីយ៍លើកទី៦០ នៃទំនាក់ទំនងការទូតរវាងប្រទេសទាំងពីរ។ សមយុទ្ធទ្រង់ទ្រាយធំនោះ ភាគច្រើនផ្តោតទៅលើការប្រឆាំងភេរវកម្ម និងសង្គ្រោះបន្ទាន់ ។
សមយុទ្ធ«លំហាត់យោធានាគមាស» នឹងផ្ដោតលើវិញ្ញាសាររាវមីន និងកម្ទេចយុទ្ធភណ្ឌមិនទាន់ផ្ទុះ ការដោះគ្រាប់បែកសារធាតុគីមីពុល ការបន្សាបជាតិគីមីពុល ការប្រយុទ្ធរបស់កងអនុសេនាធំរថក្រោះ សហការជាមួយវរសេនាតូចថ្មើរជើង ការរំដោះចំណាប់ខ្មាំង និងការងារមនុស្សធម៌ និងបាញ់គ្រាប់ពិតជាដើម។ នេះបើតាមលោក ឥត សារ៉ាត់ អគ្គមេបញ្ជាការរង នៃកងយោធពលខេមរភូមិន្ទ៕
Tag:
ហ៊ុន សែន
អាវុធ
© រក្សាសិទ្ធិដោយ thmeythmey.com
