កីឡាអន្តរជាតិ
អន្តរជាតិ
ម្ចាស់ស្បែកជើងមាស Premier League ២សម័យ Van Persie រកគ្រាប់បាល់ទី ៣០០ ក្នុងអាជីព
× Robin van Persie អាចរកគ្រាប់បាល់ទី ៣០០គ្រាប់របស់ខ្លួនបន្ទាប់ពីជួយក្រុម Feyenoord យកឈ្នះ Willem II ៣-០ ឈានទៅវគ្គផ្តាច់ព្រ័ត្រពានរង្វាន់ KNVB Beker ពានលំដាប់ទី២របស់ហ៊ូឡង់កាលពីថ្ងៃពុធ ទី២៨ ខែកុម្ភៈ។
អតីតខ្សែប្រយុទ្ធឆ្មើមរបស់ Arsenal និងក្រុម Manchester United រូបនេះបានវិលត្រឡប់ទៅកាន់ក្រុមចាស់ Feyenoord វិញនៅខែមករាឆ្នាំ២០១៨ នៅពេលទីផ្សារដោះដូរកីឡាករបើកទ្វារ បន្ទាប់ពីទៅចូលរួមជាមួយកាំភ្លើងធំកាលពី១៤ឆ្នាំមុន។
អតីតសមាជិកក្រុមជម្រើសជាតិហ៊ូឡង់ វ័យ៣៤ឆ្នាំ រកគ្រាប់បាល់បញ្ចូលទី១៣២គ្រាប់ក្នុងការបង្ហាញខ្លួនឲ្យ Arsenal ២៧៨ប្រកួត មុនផ្លាស់ទៅក្រុមរហស្សនាមបិសាចក្រហមក្នុងឆ្នាំ២០១២។ Van Persie លេងឲ្យ Man Utd ៨៦ប្រកួត ស៊ុតបញ្ចូលទីបាន៤៨គ្រាប់ និងជួយក្រុមមានមូលដ្ឋានក្នុងក្រុង Manchester នេះឈ្នះពានលំដាប់ទី១អង់គ្លេសនៅរដូវកាល ២០១២-២០១៣ ផងដែរ។
ក្នុងឆ្នាំ ២០១៥ ម្ចាស់ស្បែកជើងមាស Premier League ២សម័យ បានចាកចេញពី Old Trafford ទៅចូលរួមជាមួយក្រុមក្នុងលីកប្រទេសតួកគី Fenerbahçe រហូតមកទល់ដើមឆ្នាំ២០១៨ នេះ ទើបត្រឡប់ទៅក្រុមចាស់ Feyenoord វិញ ដោយស៊ុតបញ្ចូលទី២គ្រាប់ សម្រាប់៦ប្រកួតចុងក្រោយ។
Van Persie ដែលជាប់ជម្រើសជាតិតាំងពីឆ្នាំ២០០៥មក ក៏បានរកគ្រាប់បាល់ឲ្យក្រុមរហស្សនាមទឹកក្រូច ៥០គ្រាប់ដែរ ក្នុងការបង្ហាញខ្លួន ១០២លើក៕
Tag:
បាល់ទាត់
Robin van Persie
© រក្សាសិទ្ធិដោយ thmeythmey.com