ពីនេះ ពីនោះ
ដីខ្មែរដាំបន្លែលែងបានហូប?
× បទ ព្រហ្មគីតិ
-នឹករឿងខ្មែរជាន់ចាស់ មិនដែលខ្វះរឿងបន្លែ
ដីសល់ពីធ្វើស្រែ ដាំបន្លែមិនឲ្យខ្វះ។
-ម្ទេសផ្ទីជីរស្លឹកគ្រៃ ននោងលៃលាស់ថ្មីចាស់
ត្រកួនពួនមាត់ស្រះ ត្រឡាចឆ្លាស់ឆ្លៀតនឹងល្ពៅ។
-ត្រសក់ហក់ក្បែរត្រប់ ត្រាវចាស់កប់ជិតអំពៅ
ព្រលិតកំប្លោកនៅ ក្នុងស្រះជ្រៅជម្រកត្រី។
-ស្វាយខ្នុរត្បុលអែបចេក ទ្រោកមាន់ដេកក្រោយដាក់ខ្ញី
រំដេងរមៀតក្តី ខ្ទឹមលាស់ខ្ចីក្បែរពាងទឹក។
-ឥឡូវមិនសូវទេ អាងទិញគេទាំងល្ងាចព្រឹក
គីមីច្រើនសន្ធឹក ឈឺវរវឹកពុលឥតល្ហែ។
-ដីយើងនៅទូលាយ ថែមទាំងងាយច្នៃកែប្រែ
គាំទ្រទាំងក្រុងស្រែ រឿងអីខ្មែរដាំមិនបាន?
© រក្សាសិទ្ធិដោយ thmeythmey.com