ពីនេះ ពីនោះ
អបអរសាទរទិវាអន្តរជាតិសម្រាប់នារី ៨ មីនា
×
បទកាកគតិ
ប្រវត្តិចែងចារ ជីវិតជីវ៉ា
រងការប្រវ័ញ្ច បាំងបំបិទសិទ្ធិ
ជីវិតចម្រាញ់ ជូរចត់ចុះចាញ់
សំណាញ់តណ្ហា ។
ទាំងអស់គ្នាត្រូវ កែប្រែផ្លាស់ផ្លូវ
ប្ដូរឥរិយា សូមអនុវត្ត
តាមមាត់វាចា កុំបានតែថា
ហើបហាសោះខាន ។
ត្រូវឈប់ជ្រុលជ្រួស រំលងមើលហួស
ចំពោះកល្យាណ សមត្ថភាព
ខ្ពស់ទាបធ្វើបាន ជ្រោមជ្រែងរុញច្រាន
ចំណានការងារ ។
គ្រប់គ្រងដឹកនាំ រក្សាថែទាំ
មុតមាំឥតរា ឥតមានស្ទើរស្ទាក់
ឆន្ទៈពុះពារ សាងកម្ពុជា
សោភាថ្កើងថ្កាន ។
រើពីសម្ពាធ ឈប់រស់គ្រោតគ្រាត
ម្ចាស់ការឲ្យបាន ឈប់ទន់ភ័យខ្លាច
អង់អាចក្លាហាន រឹងប៉ឹងគ្រប់ប្រាណ
សុខសាន្តសប្បាយ ។
ភារកិច្ច ៣ បំពេញឃ្មាតខ្មី
ខន្តីកុំណាយ ភារៈពលរដ្ឋ
ប្រាកដជាម្ដាយ ប្រពន្ធឆើតឆាយ
ទាំងកាយទាំងចិត្ត ។
អប់រំស្មារតី បុត្រាបុត្រី
ស្វាមីស្នេហ៍ស្និទ្ធ ត្រួសត្រាយតម្រង់
ផ្ចិតផ្ចង់ល្អន់ល្អិត ជីវិតប្រណីត
ព្រោះដ្បិតតស៊ូ !!!
( ចាបពូក )
© រក្សាសិទ្ធិដោយ thmeythmey.com