ពីនេះ ពីនោះ
ព័ត៍មានសុខភាព
មានប្រតិកម្មអាឡែហ្ស៊ីរ៉ាំរ៉ៃគួរតែធ្វើដូចម្តេចទៅ?
× អ្នកអាចមានប្រតិកម្មអាឡែហ្ស៊ីរ៉ាំរ៉ៃរយៈពេលច្រើនសប្តាហ៍ក្នុងពេលមួយដង។ ដូច្នេះគោលដៅរបស់អ្នកគឺចង់បន្ធូរបន្ថយអាការៈរបស់វាទោះបីជាបានតិចតួចក៏ដោយ។ ការប្រើថ្នាំអាចជួយបាន ប៉ុន្តែការផ្លាស់ប្តូររបៀបរស់នៅអាចធ្វើឲ្យអ្នកមានផាសុកភាពដែរ។
កុំធ្វើឲ្យខ្លួនឯងស្ងួត
អ្នកខ្លះកើតប្រតិកម្មអាឡែហ្ស៊ីថ្មីៗដោយសារតែការអេសស្បែក។ នៅពេលវាទៅជាស្ងួត នោះវានឹងទៅជារមាស់។ ដើម្បីរក្សាសំណើមដល់ស្បែក យកល្អគួរតែធ្វើដូចខាងក្រោមនេះ៖
• ប្រើប្រាស់សាប៊ូកូនក្មេង
• ចៀសវាងការងូតទឹកក្តៅ
• កាត់បន្ថយការងូតទឹក
• លាបក្រែមផ្តល់សំណើមក្រោយពីងូតទឹករួច
• ប្រើប្រាស់ផលិតផលផ្តល់សំណើមដល់បន្ទប់
ថែរក្សាស្បែក
នៅពេលអ្នកកើតអាការៈប្រតិកម្មហើយ ចូរប្រើប្រាស់ទឹកត្រជាក់មកស្អំដើម្បីជួយឲ្យសរសៃឈាមរួមតូច និងបន្ថយការហើម។ ប្រតិកម្មអាឡែហ្ស៊ីអាចកើតចេញពីប្រតិកម្មនៅខាងក្នុខ្លួន ដូច្នេះ ក្រែមលាបនៅខាងក្រៅអាចនឹងមិនមានប្រសិទ្ធភាពឡើយ។ ប៉ុន្តែអ្នកអាចសម្រួលអាការៈវាបាបដោយការប្រើផលិតផលប្រឆាំងការរលាក ជាពិសេសក្រែមលាបតែម្តង។
មើលអ្វីដែលអ្នកបានធ្វើ
រឿងខ្លះដែលមនុស្សយើងធ្វើ ឬអនុវត្តរាល់ថ្ងៃអាចបង្កជាប្រតិកម្មកើតឡើងដែរ។ បញ្ហាដែលធ្វើឲ្យមានប្រតិកម្មដល់ស្បែកមានដូចជា៖
គ្រឿងស្រវឹង៖ ជាមួយនឹងការធ្វើឲ្យប្រតិកម្មកាន់តែខ្លាំងហើយ វាប្រហែលជាមិនអាចប្រើបានជាមួយនឹងការលេបថ្នាំដើម្បីព្យាបាលបញ្ហាលើស្បែកឡើយ។ ការផឹកគ្រឿងស្រវឹងខណៈពេលដែលលេបថ្នាំប្រឆាំងនឹងអាឡែហ្ស៊ីទៀតអាចធ្វើឲ្យអ្នកងងុយគេងខ្លាំងបាន។
ថ្នាំអាស្ពីរីន និងNSAIDs
ថ្នាំបំបាត់ការឈឺចាប់ដូចជា Ibuprofen និង Naproxen អាចធ្វើឲ្យមានប្រតិកម្មអាឡែហ្ស៊ីបាន។ បើសិនជាអ្នកត្រូវតែប្រើថ្នាំបំបាត់ការឈឺចាប់មែន យកល្អគួរតែជ្រើសរើសថ្នាំ Acetaminophen វិញ។
ក្តៅ៖ ចូរព្យាយាមធ្វើការ និងគេងនៅក្នុងបន្ទប់ត្រជាក់។ បើសិនជាអ្នកកំពុងតែមានប្រតិកម្មអាឡែហ្ស៊ីហើយ អញនកប្រហែលជាមិនចង់ទៅហាត់ប្រាណទៀតឡើយ។
សរសេរវាទុក
វាក៏ជារឿងមួយមានប្រយោជន៍ដែរក្នុងការរក្សាកំណត់ត្រាប្រចាំថ្ងៃទៅលើការកើតប្រតិកម្មអាឡែហ្ស៊ីរបស់អ្នក។ ចូរបញ្ចូលនូវអ្វីដែលអ្នកកំពុងតែធ្វើ និងញ៉ាំមុនពេលវាកើតឡើយ។ អ្នកប្រហែលជាអាចរកឃើញថាអ្វីទៅជាដើមហេតុរបស់វាដែរ។ បើសិនជាដឹងហើយ វានឹងងាយស្រួលក្នុងការចៀសវាង។
ដឹងថាពេលណាដែលត្រូវការជំនួយ
វាពិតជាអាចថាប្រតិកម្មអាឡែហ្ស៊ីនាំឲ្យមានអាការៈធ្ងន់ធ្ងរបាន។ ដូច្នេះចូរស្វែងរកការជួយពីគ្រូពេទ្យភ្លាមបើសិនជាមានបញ្ហាកើតឡើងដូចខាងក្រោមនេះ៖
• ពិបាកដកដង្ហើម
• តឹងក្នុងបំពង់ករ
• ហើមបបូរមាត់
• ចង្អោ ក្អួត ឈឺក្នុងពោះ ឬរាករូស
• វិលមុខ
• សន្លប់
• បេះដូងលោតញ៉ាប់
• មានអារម្មណ៍ថាចង់ផ្ទុះ
• ឈឺក្នុងទ្រូង៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com