អន្តរជាតិ
រូបភាព AFP
×![]()
ដោយ: តន ចាន់រិទ្ធារ៉ា
គម្រោងនៃជំនួបប្រវត្តិសាស្ត្ររវាងប្រធានាធិបតីអាមេរិក និងមេដឹកនាំកូរ៉េខាងជើង ទទួលបានការសាទរជាបន្តបន្ទាប់ពីចិន ជប៉ុន និងរុស្ស៊ី ដែលសុទ្ធសឹងជាភាគីពាក់ព័ន្ធក្នុងសំណុំរឿងនុយក្លេអ៊ែរឧបទ្វីបកូរ៉េ។ គេរំពឹងថា ជំនួបលើកដំបូងដែលគ្រោងធ្វើនៅពីរខែទៀត នឹងជួយដោះស្រាយវិបត្តិរ៉ាំរ៉ៃមួយនេះ និងឈានដល់ការរំសាយនុយក្លេអ៊ែររបស់កូរ៉េខាងជើងផង។
ជារឿងគួរឲ្យភ្ញាក់ផ្អើល លោកប្រធានាធិបតីអាមេរិក ដូណាល់ ត្រាំ បានទទួលយកសំណើសុំជួបចរចារបស់មេដឹកនាំកំពូលកូរ៉េខាងជើង គីម ជុងអ៊ុន ។ លោក ត្រាំ និងលោក គីម ដែលធ្លាប់ប្រើប្រាស់វោហារសាស្ត្រវាយប្រហារគ្នាចាស់ដៃនោះ អាចចាប់រលាក់ដៃគ្នាលើកដំបូងនៅខែឧសភាខាងមុខ។ ទោះជាពេលវេលា និងទីតាំងណាត់ជួបជាក់លាក់មិនកំណត់ក្ដី ជំនួបលើកដំបូងនេះ គឺជាការបើកច្រកទៅកាន់ការដោះស្រាយភាពតានតឹងនៅឧបទ្វីបកូរ៉េ។
ប្រទេសបីមានចិន ជប៉ុន និងរុស្ស៊ី ដែលជាតួអង្គសំខាន់ក្នុងបញ្ហានុយក្លេអ៊ែរនេះ សុទ្ធតែបង្ហាញជំហររីករាយទាំងអស់។ នៅថ្ងៃទី៩ ខែមីនា ចិនបានប្រកាសស្វាគមន៍គម្រោងជួបគ្នាផ្ទាល់រវាងមេដឹកនាំអាមេរិក និងកូរ៉េខាងជើង និងចាត់ទុកគម្រោងនេះជាការដើរលើផ្លូវត្រូវទៅកាន់ការដោះស្រាយវិបត្តិនុយក្លេអ៊ែរ។ ក្នុងសន្និសីទព័ត៌មានប្រចាំថ្ងៃ អ្នកនាំពាក្យក្រសួងការបរទេសចិន Geng Shuang សង្ឃឹមថា ភាគីទាំងអស់អាចសេចក្ដីក្លាហានផ្នែកនយោបាយ និងសម្រេចចិត្តឲ្យបានត្រឹមត្រូវ។
នៅទីក្រុងតូក្យូ នាយករដ្ឋមន្ត្រីជប៉ុន ស៊ីនហ្សូ អាបេ បានជជែកជាមួយលោកប្រធានាធិបតី ត្រាំ ជុំវិញបញ្ហាដែរនេះ។ លោក អាបេ បានប្រាប់អ្នកសារព័ត៌មាននៅឯនិវេសនដ្ឋានថា ជប៉ុន និងអាមេរិក នឹងបន្តនៅជាមួយគ្នា១០០ភាគរយ។ នាយករដ្ឋមន្ត្រីជប៉ុនរូបនេះ នឹងហោះទៅកាន់អាមេរិកនៅខែមេសា មួយខែមុនជំនួបត្រាំ-គីម ដើម្បីពិភាក្សាជាមួយមេដឹកនាំអាមេរិកស្ដីពីសម្ព័ន្ធភាពទ្វេភាគី និងសំណុំរឿងកូរ៉េខាងជើងផង។
យោងតាមទីភ្នាក់ងារព័ត៌មាន AFP ពីទ្វីបអាហ្វ្រិក ប្រមុខការទូតរុស្ស៊ី បានសាទរគម្រោងជួបគ្នារវាងលោក ត្រាំ និងលោក គីម នៅខែឧសភា និងហៅគម្រោងនេះជាការដើរតាមទិសដៅត្រឹមត្រូវ។ ក្រោយកិច្ចប្រជុំនៅស្នាក់ការសហភាពអាហ្វ្រិកនៅអេត្យូពី លោក Sergei Lavrov រំពឹងថា មេដឹកនាំអាមេរិក និងកូរ៉េខាងជើង ពិតជាជួបគ្នាមែន ព្រោះជំនួបនេះជារឿងចាំបាច់ដើម្បីធ្វើឲ្យស្ថានការណ៍នៅឧបទ្វីបកូរ៉េប្រក្រតីឡើងវិញ។
ចិន ជប៉ុន រុស្ស៊ី បូកអាមេរិក កូរ៉េខាងត្បូង និងកូរ៉េខាងជើង គឺជាភាគីចូលរួមក្នុងកិច្ចចរចា៦ភាគី។ តុចរចា៦ភាគីនេះ មានគោលដៅដោះស្រាយសំណុំរឿងនុយក្លេអ៊ែរកូរ៉េខាងជើង ប៉ុន្តែបានជាប់គាំងនៅចុងឆ្នាំ២០០៨ ក្រោយកូរ៉េខាងជើងដើរចេញពីការចរចា និងបង្កើនការអភិវឌ្ឍកម្មវិធីនុយក្លេអ៊ែររបស់ខ្លួនកាន់តែខ្លាំង៕
ជារឿងគួរឲ្យភ្ញាក់ផ្អើល លោកប្រធានាធិបតីអាមេរិក ដូណាល់ ត្រាំ បានទទួលយកសំណើសុំជួបចរចារបស់មេដឹកនាំកំពូលកូរ៉េខាងជើង គីម ជុងអ៊ុន ។ លោក ត្រាំ និងលោក គីម ដែលធ្លាប់ប្រើប្រាស់វោហារសាស្ត្រវាយប្រហារគ្នាចាស់ដៃនោះ អាចចាប់រលាក់ដៃគ្នាលើកដំបូងនៅខែឧសភាខាងមុខ។ ទោះជាពេលវេលា និងទីតាំងណាត់ជួបជាក់លាក់មិនកំណត់ក្ដី ជំនួបលើកដំបូងនេះ គឺជាការបើកច្រកទៅកាន់ការដោះស្រាយភាពតានតឹងនៅឧបទ្វីបកូរ៉េ។
ប្រទេសបីមានចិន ជប៉ុន និងរុស្ស៊ី ដែលជាតួអង្គសំខាន់ក្នុងបញ្ហានុយក្លេអ៊ែរនេះ សុទ្ធតែបង្ហាញជំហររីករាយទាំងអស់។ នៅថ្ងៃទី៩ ខែមីនា ចិនបានប្រកាសស្វាគមន៍គម្រោងជួបគ្នាផ្ទាល់រវាងមេដឹកនាំអាមេរិក និងកូរ៉េខាងជើង និងចាត់ទុកគម្រោងនេះជាការដើរលើផ្លូវត្រូវទៅកាន់ការដោះស្រាយវិបត្តិនុយក្លេអ៊ែរ។ ក្នុងសន្និសីទព័ត៌មានប្រចាំថ្ងៃ អ្នកនាំពាក្យក្រសួងការបរទេសចិន Geng Shuang សង្ឃឹមថា ភាគីទាំងអស់អាចសេចក្ដីក្លាហានផ្នែកនយោបាយ និងសម្រេចចិត្តឲ្យបានត្រឹមត្រូវ។
នៅទីក្រុងតូក្យូ នាយករដ្ឋមន្ត្រីជប៉ុន ស៊ីនហ្សូ អាបេ បានជជែកជាមួយលោកប្រធានាធិបតី ត្រាំ ជុំវិញបញ្ហាដែរនេះ។ លោក អាបេ បានប្រាប់អ្នកសារព័ត៌មាននៅឯនិវេសនដ្ឋានថា ជប៉ុន និងអាមេរិក នឹងបន្តនៅជាមួយគ្នា១០០ភាគរយ។ នាយករដ្ឋមន្ត្រីជប៉ុនរូបនេះ នឹងហោះទៅកាន់អាមេរិកនៅខែមេសា មួយខែមុនជំនួបត្រាំ-គីម ដើម្បីពិភាក្សាជាមួយមេដឹកនាំអាមេរិកស្ដីពីសម្ព័ន្ធភាពទ្វេភាគី និងសំណុំរឿងកូរ៉េខាងជើងផង។
យោងតាមទីភ្នាក់ងារព័ត៌មាន AFP ពីទ្វីបអាហ្វ្រិក ប្រមុខការទូតរុស្ស៊ី បានសាទរគម្រោងជួបគ្នារវាងលោក ត្រាំ និងលោក គីម នៅខែឧសភា និងហៅគម្រោងនេះជាការដើរតាមទិសដៅត្រឹមត្រូវ។ ក្រោយកិច្ចប្រជុំនៅស្នាក់ការសហភាពអាហ្វ្រិកនៅអេត្យូពី លោក Sergei Lavrov រំពឹងថា មេដឹកនាំអាមេរិក និងកូរ៉េខាងជើង ពិតជាជួបគ្នាមែន ព្រោះជំនួបនេះជារឿងចាំបាច់ដើម្បីធ្វើឲ្យស្ថានការណ៍នៅឧបទ្វីបកូរ៉េប្រក្រតីឡើងវិញ។
ចិន ជប៉ុន រុស្ស៊ី បូកអាមេរិក កូរ៉េខាងត្បូង និងកូរ៉េខាងជើង គឺជាភាគីចូលរួមក្នុងកិច្ចចរចា៦ភាគី។ តុចរចា៦ភាគីនេះ មានគោលដៅដោះស្រាយសំណុំរឿងនុយក្លេអ៊ែរកូរ៉េខាងជើង ប៉ុន្តែបានជាប់គាំងនៅចុងឆ្នាំ២០០៨ ក្រោយកូរ៉េខាងជើងដើរចេញពីការចរចា និងបង្កើនការអភិវឌ្ឍកម្មវិធីនុយក្លេអ៊ែររបស់ខ្លួនកាន់តែខ្លាំង៕
Tag:
ចិន
រុស្ស៊ី
ជប៉ុន
អាមេរិក
ដូណាល់ ត្រាំ
គីម ជុងអ៊ុន
© រក្សាសិទ្ធិដោយ thmeythmey.com
