ពីនេះ ពីនោះ
×
-អឺរ៉ុបកាណាដា ចិនក៏ថាធ្វើមិនត្រូវ
ជប៉ុនស្រែករង៉ូវ មុខក្រញូវអូស្ត្រាលី។
-អង់គ្លេសក៏មិនសុខ កូរ៉េស្មុគទាំងតួកគី
បារម្ភគ្រប់ទិសទី Trump រកស៊ីបែបគាំពារ។
-និយមតែជាតិឯង ផ្តើមកំហែងគេគ្រប់គ្នា
ទោះមិត្តពីយូរយារ Trump បែរជាធ្វើមិនខ្វល់។
-America First Trump ដើរទើសអាចនឹងដល់
សង្គ្រាមចលាចល នាំលោកខ្វល់សារជាថ្មី។
រឿងគាំពារនិយម សងគំនុំTrump បានអី
ឬព្រោះប្រជាប្រិយ នាំលោកីយ៍ដើរថយក្រោយ?
ប៉ាកកាខ្មៅ!
លោកដូណាល់ ត្រាំប្រធានាធិបតីសហរដ្ឋអាមេរិកនៅដើមខែមីនាឆ្នាំ២០១៨ បានប្រកាសដំឡើងពន្ធ២៥ភាគរយ លើការនាំចូលដែកថែប បរទេស នៅក្នុងហេតុផលការពារសន្តិសុខជាតិ។ ការប្រកាសដំឡើងពន្ធរបស់លោកដូណាល់ ត្រាំ បានបង្កឲ្យមានប្រតិកម្មតវ៉ាប្រឆាំងជាពិសេស ពីកាណាដា និងសហភាពអឺរ៉ុប ដែលជាអ្នកនាំចូលដែកថែបច្រើនជាងគេទៅអាមេរិក។ក្រុមប្រទេសទាំងនោះ ព្រមានចាត់វិធានការតបវិញ ដោយបានគំរាមដំឡើងពន្ធ លើផលិតផលអាមេរិក នាំចូលទៅ ប្រទេសរបស់ខ្លួន។
© រក្សាសិទ្ធិដោយ thmeythmey.com