អន្តរជាតិ
អូស្ត្រាលី៖ ជំនួបកំពូលពិសេសអាស៊ាន-អូស្ត្រាលី នឹងរក្សាស្ថិរភាព និងវិបុលភាពតំបន់
×![]()
ដោយ: ថ្មីៗ
នាយករដ្ឋមន្ត្រីអូស្ត្រាលីលោក ម៉ាល់ខុម ធើនប៊ូល (Malcolm Turnbull) បានលើកឡើងពីសារសំខាន់នៃចំណងមិត្តភាព និងភាពជាដៃគូរវាងអូស្ត្រាលី និងអាស៊ាន ខណៈដែលកិច្ចប្រជុំកំពូលអាស៊ាន និងអូស្ត្រាលីចូលមកដល់។ លោកសង្កត់ធ្ងន់ថា ជំនួបប្រវត្តិសាស្ត្រខាងមុខបង្ហាញពីជំហររបស់អូស្ត្រាលីផង និងជាវេទិកនៃស្ថិរភាព និងវិបុលភាពផង។
ក្នុងនាមជានាយករដ្ឋមន្ត្រីអូស្ត្រាលីទីមួយដែលរៀបចំកិច្ចប្រជុំពិសេសអាស៊ាន អូស្ត្រាលីនេះ លោក ធើនប៊ូល បានថ្លែងប្រកបដោយសុទិដ្ឋិនិយមថា កិច្ចប្រជុំកំពូលអាស៊ាន-អូស្ត្រាលីដែលត្រូវរៀបចំឡើងពីថ្ងៃ ១៧ ដល់ថ្ងៃ ១៨ ខែមីនានេះនឹងផ្តល់ឱកាសសំខាន់សម្រាប់គូរភាគីពង្រឹងកិច្ចសហប្រតិបត្តិការនិងដោះស្រាយបញ្ហាប្រឈមរួមគ្នា។
បើតាមបទវិចារណកថាផ្ទាល់ខ្លួនមួយដែលចុះផ្សាយនៅក្នុងសារព័ត៌មានអូស្ត្រាលី Canberra Times លោក ធើនប៊ូល បានកត់សម្គាល់ពីសារសំខាន់នៃអាស៊ានដែលជាដៃគូយុទ្ធសាស្ត្ររបស់អូស្ត្រាលីជាពិសេសសេដ្ឋកិច្ចនិងការផ្សាភ្ជាប់រវាងប្រជាជន និងប្រជាជន ស្របពេលដែលចរន្តសេដ្ឋកិច្ច និងនយោបាយពិភពលោកបន្តប្រែប្រួល និងស្ថិតក្នុងស្ថានភាពមិនច្បាស់លាស់នោះ។
នាយករដ្ឋមន្ត្រីអូស្ត្រាលីរូបនេះ សង្កត់ធ្ងន់ថា ដើម្បីដោះស្រាយបញ្ហានេះ អូស្ត្រាលីនឹងបន្តស្វែងរកការពង្រឹងកិច្ចសហប្រតិបត្តិការជាមួយអាស៊ានឲ្យកាន់តែល្អប្រសើរថែមទៀតដែរ បើទោះជាអូស្ត្រាលីមានសេដ្ឋកិច្ចខ្លាំង និងមានលទ្ធភាពកំណត់អនាគតខ្លួនក្តី។
លោកបញ្ជាក់ដូច្នេះ៖«យើងត្រូវមានការទទួលខុសត្រូវចំពោះសន្តិសុខ និងវិបុលភាពរបស់យើង ស្របពេលដែលយើងទទួលស្គាល់ថា យើងអាចខ្លាំងបាននៅពេលដែលយើងចេះចែករម្លែកបន្ទុកក្នុងការដឹកនាំជាមួយដៃគូដែលគួរឲ្យទុកចិត្តនោះ»។
«អាស៊ានមានសារសំខាន់ណាស់សម្រាប់ការសម្រេចមហិច្ឆតារបស់អូស្ត្រាលី។ អាស៊ានជាសរសរនៃស្ស្ថិរភាព និងជាតួអង្គមួយដែលគួរឲ្យទុកចិត្តក្នុងរយៈពេល ៥០ ឆ្នាំមកនេះ។ អាស៊ានឈរនឹងទោះជាពេលវេលាបន្តដើរទៅមុខ ក្នុងនាមជាអង្គការយុទ្ធសាស្ត្រក្នុងតំបន់ និងមានសំឡេងលើឆាកអន្តរជាតិ។ ការប្តេជ្ញាចិត្តរបស់អាស៊ានក្នុងការបន្តការសន្ទនា និងធ្វើសមាហរណកម្មសេដ្ឋកិច្ចបានរួមចំណែកបង្កើតវិបុលភាព និង សន្តិភាពសម្រាប់តំបន់ទាំងមូលផង»។ នេះជាករបន្ថែមរបស់លោក ធើនប៊ូល។
លោកបានបន្ថែមទៀតថា អូស្ត្រាលីបានក្លាយជាដៃគូសន្ទនា និងជាប្រទេសផ្តល់ជំនួយអភិវឌ្ឍន៍សម្រាប់អាស៊ាននៅក្នុងឆ្នាំ ១៩៧៤ ប៉ុន្តែបច្ចុប្បន្នអូស្ត្រាលី និងអាស៊ានបានក្លាយជាដៃគូយុទ្ធសាស្ត្រដែលពឹងផ្អែលើគ្នាទៅវិញទៅមក។
ចំណែកការរៀបចំកិច្ចប្រជុំកំពូលអាស៊ាន អូស្ត្រាលី នៅទីក្រុងស៊ីដនីនេះវិញ បើតាមលោក ធើនប៊ូល ក៏វាឆ្លុះបញ្ចាំងឲ្យឃើញពីជំហរជាក់លាក់របស់អូស្ត្រីលីនៅក្នុងតំបន់ និង ជាជំនួបប្រវត្តិសាស្ត្ររវាងដៃគូយុទ្ធសាស្ត្ររវាងភាគីទាំងពីរដែរ។ ប្រាកដណាស់ ជំនួបនេះនឹងត្រួសត្រាយផ្លូវឲ្យ អាស៊ាន និងអូស្ត្រាលីរួមគ្នាក្នុងការដោះស្រាយបញ្ហាប្រឈមក្នុងតំបន់និងធានាស្ថិរភាព និងសន្តិភាព និងវិបុលភាពតំបន់បានផងដែរ។
គេរំពឹងថា កិច្ចព្រមព្រៀងសហប្រតិបត្តិការប្រឆាំងភេរវកម្មនឹងត្រូវចុះរួមគ្នា ហើយមេដឹកនាំអាស៊ាននឹងមានឱកាសចូលរួមក្នុងក្រុមប្រឹក្សាធុរកិច្ច ដែលវាវេទិកាស្វែងរកឱកាសថ្មីដែលជំរុញទំនាក់ទំនងពាណិជ្ជកម្ម និងវិនិយោគទៅវិញទៅមករវាងអាស៊ាននិងអូស្ត្រាលីដូចគ្នា។
ទំនាក់ទំនងពាណិជ្ជកម្មទ្វេភាគីរវាងអូស្ត្រាលី និងអាស៊ានកើនជិតដល់ ១០០ពាន់លានដុល្លារអាមេរិកគិតត្រឹមឆ្នាំ ២០១៦ដល់ឆ្នាំ ២០១៧ ស្របពេលដែលសេដ្ឋកិច្ចអាស៊ានបន្តរីកលូតលាស់ជាលំដាប់នោះ។ ក្រៅពីពាណិជ្ជកម្ម ប្រជាជនអូស្ត្រាលីប្រហែលជិតបីលាននាក់ធ្វើដំណើរទៅទស្សនាប្រទេសអាស៊ាន ខណៈដែលទេសចរអាស៊ានច្រើនជាង ១,៣លាននាក់ដែរ ដែលបានមកទស្សនកិច្ចនៅអូស្ត្រាលីនោះក្នុងឆ្នាំ ២០១៦ ដល់ឆ្នាំ ២០១៧។ អ្វីដែលសំខាន់ អាស៊ានដែលជាទីផ្សារដ៏ជាធំដែលមានប្រជាជនសរុបជាង ៦០០លាននាក់ ហើយត្រឹមឆ្នាំ ២០៣០ ប្រជាជនអាស៊ានជាង ១៦០ លាននាក់នឹងក្លាយជាប្រជាជនជីវភាពកម្រិតមធ្យមផង ដែលវាជារឿងអំណោយផលសម្រាប់អូស្ត្រាលីផងដែរ៕
ក្នុងនាមជានាយករដ្ឋមន្ត្រីអូស្ត្រាលីទីមួយដែលរៀបចំកិច្ចប្រជុំពិសេសអាស៊ាន អូស្ត្រាលីនេះ លោក ធើនប៊ូល បានថ្លែងប្រកបដោយសុទិដ្ឋិនិយមថា កិច្ចប្រជុំកំពូលអាស៊ាន-អូស្ត្រាលីដែលត្រូវរៀបចំឡើងពីថ្ងៃ ១៧ ដល់ថ្ងៃ ១៨ ខែមីនានេះនឹងផ្តល់ឱកាសសំខាន់សម្រាប់គូរភាគីពង្រឹងកិច្ចសហប្រតិបត្តិការនិងដោះស្រាយបញ្ហាប្រឈមរួមគ្នា។
បើតាមបទវិចារណកថាផ្ទាល់ខ្លួនមួយដែលចុះផ្សាយនៅក្នុងសារព័ត៌មានអូស្ត្រាលី Canberra Times លោក ធើនប៊ូល បានកត់សម្គាល់ពីសារសំខាន់នៃអាស៊ានដែលជាដៃគូយុទ្ធសាស្ត្ររបស់អូស្ត្រាលីជាពិសេសសេដ្ឋកិច្ចនិងការផ្សាភ្ជាប់រវាងប្រជាជន និងប្រជាជន ស្របពេលដែលចរន្តសេដ្ឋកិច្ច និងនយោបាយពិភពលោកបន្តប្រែប្រួល និងស្ថិតក្នុងស្ថានភាពមិនច្បាស់លាស់នោះ។
នាយករដ្ឋមន្ត្រីអូស្ត្រាលីរូបនេះ សង្កត់ធ្ងន់ថា ដើម្បីដោះស្រាយបញ្ហានេះ អូស្ត្រាលីនឹងបន្តស្វែងរកការពង្រឹងកិច្ចសហប្រតិបត្តិការជាមួយអាស៊ានឲ្យកាន់តែល្អប្រសើរថែមទៀតដែរ បើទោះជាអូស្ត្រាលីមានសេដ្ឋកិច្ចខ្លាំង និងមានលទ្ធភាពកំណត់អនាគតខ្លួនក្តី។
លោកបញ្ជាក់ដូច្នេះ៖«យើងត្រូវមានការទទួលខុសត្រូវចំពោះសន្តិសុខ និងវិបុលភាពរបស់យើង ស្របពេលដែលយើងទទួលស្គាល់ថា យើងអាចខ្លាំងបាននៅពេលដែលយើងចេះចែករម្លែកបន្ទុកក្នុងការដឹកនាំជាមួយដៃគូដែលគួរឲ្យទុកចិត្តនោះ»។
«អាស៊ានមានសារសំខាន់ណាស់សម្រាប់ការសម្រេចមហិច្ឆតារបស់អូស្ត្រាលី។ អាស៊ានជាសរសរនៃស្ស្ថិរភាព និងជាតួអង្គមួយដែលគួរឲ្យទុកចិត្តក្នុងរយៈពេល ៥០ ឆ្នាំមកនេះ។ អាស៊ានឈរនឹងទោះជាពេលវេលាបន្តដើរទៅមុខ ក្នុងនាមជាអង្គការយុទ្ធសាស្ត្រក្នុងតំបន់ និងមានសំឡេងលើឆាកអន្តរជាតិ។ ការប្តេជ្ញាចិត្តរបស់អាស៊ានក្នុងការបន្តការសន្ទនា និងធ្វើសមាហរណកម្មសេដ្ឋកិច្ចបានរួមចំណែកបង្កើតវិបុលភាព និង សន្តិភាពសម្រាប់តំបន់ទាំងមូលផង»។ នេះជាករបន្ថែមរបស់លោក ធើនប៊ូល។
លោកបានបន្ថែមទៀតថា អូស្ត្រាលីបានក្លាយជាដៃគូសន្ទនា និងជាប្រទេសផ្តល់ជំនួយអភិវឌ្ឍន៍សម្រាប់អាស៊ាននៅក្នុងឆ្នាំ ១៩៧៤ ប៉ុន្តែបច្ចុប្បន្នអូស្ត្រាលី និងអាស៊ានបានក្លាយជាដៃគូយុទ្ធសាស្ត្រដែលពឹងផ្អែលើគ្នាទៅវិញទៅមក។
ចំណែកការរៀបចំកិច្ចប្រជុំកំពូលអាស៊ាន អូស្ត្រាលី នៅទីក្រុងស៊ីដនីនេះវិញ បើតាមលោក ធើនប៊ូល ក៏វាឆ្លុះបញ្ចាំងឲ្យឃើញពីជំហរជាក់លាក់របស់អូស្ត្រីលីនៅក្នុងតំបន់ និង ជាជំនួបប្រវត្តិសាស្ត្ររវាងដៃគូយុទ្ធសាស្ត្ររវាងភាគីទាំងពីរដែរ។ ប្រាកដណាស់ ជំនួបនេះនឹងត្រួសត្រាយផ្លូវឲ្យ អាស៊ាន និងអូស្ត្រាលីរួមគ្នាក្នុងការដោះស្រាយបញ្ហាប្រឈមក្នុងតំបន់និងធានាស្ថិរភាព និងសន្តិភាព និងវិបុលភាពតំបន់បានផងដែរ។
គេរំពឹងថា កិច្ចព្រមព្រៀងសហប្រតិបត្តិការប្រឆាំងភេរវកម្មនឹងត្រូវចុះរួមគ្នា ហើយមេដឹកនាំអាស៊ាននឹងមានឱកាសចូលរួមក្នុងក្រុមប្រឹក្សាធុរកិច្ច ដែលវាវេទិកាស្វែងរកឱកាសថ្មីដែលជំរុញទំនាក់ទំនងពាណិជ្ជកម្ម និងវិនិយោគទៅវិញទៅមករវាងអាស៊ាននិងអូស្ត្រាលីដូចគ្នា។
ទំនាក់ទំនងពាណិជ្ជកម្មទ្វេភាគីរវាងអូស្ត្រាលី និងអាស៊ានកើនជិតដល់ ១០០ពាន់លានដុល្លារអាមេរិកគិតត្រឹមឆ្នាំ ២០១៦ដល់ឆ្នាំ ២០១៧ ស្របពេលដែលសេដ្ឋកិច្ចអាស៊ានបន្តរីកលូតលាស់ជាលំដាប់នោះ។ ក្រៅពីពាណិជ្ជកម្ម ប្រជាជនអូស្ត្រាលីប្រហែលជិតបីលាននាក់ធ្វើដំណើរទៅទស្សនាប្រទេសអាស៊ាន ខណៈដែលទេសចរអាស៊ានច្រើនជាង ១,៣លាននាក់ដែរ ដែលបានមកទស្សនកិច្ចនៅអូស្ត្រាលីនោះក្នុងឆ្នាំ ២០១៦ ដល់ឆ្នាំ ២០១៧។ អ្វីដែលសំខាន់ អាស៊ានដែលជាទីផ្សារដ៏ជាធំដែលមានប្រជាជនសរុបជាង ៦០០លាននាក់ ហើយត្រឹមឆ្នាំ ២០៣០ ប្រជាជនអាស៊ានជាង ១៦០ លាននាក់នឹងក្លាយជាប្រជាជនជីវភាពកម្រិតមធ្យមផង ដែលវាជារឿងអំណោយផលសម្រាប់អូស្ត្រាលីផងដែរ៕
Tag:
អូស្ត្រាលី
ម៉ាល់ខុម ធើនប៊ូល
អាស៊ាន
© រក្សាសិទ្ធិដោយ thmeythmey.com
