អន្តរជាតិ
អង្គការឃ្លាំមើលសិទិ្ធមនុស្សទទូចឲ្យអូស្ត្រាលីឈប់ធ្វើគថ្លង់រឿងរំលោភសិទ្ធិមនុស្សនៅបណ្តារដ្ឋអាស៊ាន
× អង្គការឃ្លាំមើលសិទ្ធិមនុស្សបានអំពាវនាវឲ្យរដ្ឋាភិបាលអូស្ត្រាលី លើកឡើងពីក្តីបារម្ភផ្នែកសិទ្ធិមនុស្សនៅក្នុងប្រទេសអាស៊ានចំនួនប្រាំបី ពេលនាយករដ្ឋមន្ត្រីអូស្ត្រាលី ម៉ាល់ខុម ធើនប៊ូល ជួបប្រជុំជាមួយមេដឹកនាំអាស៊ាននៅក្នុងកិច្ចប្រជុំពិសេសចុងសប្តាហ៍នេះ។ ក្នុងចំណោមបញ្ហាសិទ្ធិមនុស្សទាំងនោះដែលអង្គការអន្តរជាតិនេះស្នើឲ្យអូស្ត្រាលីលើកឡើងនោះ ក៏មានការបង្ក្រាបបក្សប្រឆាំង និងប្រព័ន្ធផ្សព្វផ្សាយនៅកម្ពុជាផង។
អូស្ត្រាលីគួរលើកយកបញ្ហាសិទ្ធិមនុស្សនៅក្នុងកិច្ចប្រជុំកំពូលអាស៊ាន-អូស្ត្រាលី ក្នុងនោះមានបទឧក្រិដ្ឋប្រឆាំងមនុស្សជាតិនៅមីយ៉ាន់ម៉ា និងហ្វីលីពីន ការបង្ក្រាបបក្សប្រឆាំង ប្រព័ន្ធផ្សព្វផ្សាយ និងសង្គមស៊ីវិលនៅកម្ពុជា និងការបន្តរឹតត្បិតសេរីភាពបញ្ចេញមតិនៅថៃ វៀតណាម ម៉ាឡេស៊ី និងសិង្ហបុរីផងដែរ។ នេះជាការលើកឡើងរបស់អង្គការឃ្លាំមើលសិទ្ធិមនុស្ស ក្នុងឯកសារសង្ខេបរបស់ខ្លួនចុះថ្ងៃ ១៣ ខែមីនា។
នាយករដ្ឋមន្ត្រីអូស្ត្រាលីលោក ម៉ាល់ខុម ធើនប៊ូល នឹងស្វាគមន៍មេដឹកនាំដែលជាប្រមុខរដ្ឋ និងរដ្ឋាភិបាលអាស៊ានចំនួនប្រាំបួននៅថ្ងៃ ១៧ និងថ្ងៃ ១៨ ខែមីនាខាងមុខនេះ។ ប៉ុន្តែប្រធានាធិបតីហ្វីលីពីនមាត់ដាច់ លោក រ៉ូឌ្រីហ្គោ ឌូទើតេ នឹងមិនមានវត្តមាននៅក្នុងកិច្ចប្រជុំនេះឡើយ ដោយលើកមូលហេតុថា ។
ទាក់ទិននឹងកិច្ចប្រជុំនេះដែរ ប្រធានអង្គការឃ្លាំមើលសិទ្ធិមនុស្សអូស្ត្រាលីលោកស្រី Elaine Pearson ក៏បានបញ្ជាក់ផងដែរថា ការបរាជ័យរបស់អូស្ត្រាលីក្នុងការលើឡើងជាសាធារណៈពីបញ្ហាព្រួយបារម្ភរឿងសិទ្ធិមនុស្ស ប្រៀបដូចជាការលើកទឹកចិត្តបន្ថែមឲ្យមេដឹកនាំអាស៊ានបន្តបំពានសិទ្ធិមនុស្សថែមទៀតផង។
លោកស្រីបន្ថែមដូច្នេះថា៖« ការចូលរួមពិភាក្សាពីបញ្ហាអភិបាលកិច្ចល្អ , សិទ្ធិមនុស្សនិងប្រជាធិបតេយ្យនៅក្នុងតំបន់មិនមែនមានន័យថា ជាការបង្រៀនគេឯងឡើយ ប៉ុន្តែវាជាការពិភាក្សាស៊ីជម្រៅពាក់ព័ន្ធបញ្ហាសិទ្ធិមនុស្សដែលជាចំណុចស្នូលរបស់រដ្ឋាភិបាលនិងប្រជាជនអាស៊ានប៉ុណ្ណោះ»។
-អូស្ត្រាលីមិនបង្រៀនគេឯងរឿងសិទ្ធិមនុស្ស តែជំរុញនិងលើកទឹកចិត្តឲ្យដោះស្រាយ
តាមពិតទៅការអញ្ជើញមេដឹកនាំអាស៊ានទាំងដប់មកចូលរួមកិច្ចប្រជុំពិសេសនៅអូស្ត្រាលីគឺជាយុទ្ធសាស្ត្ររបស់រដ្ឋាភិបាលអូស្ត្រាលីក្នុងការរឹតបន្តឹងកិច្ចសហប្រតិបត្តិការលើវិស័យសេដ្ឋកិច្ច សន្តិសុខ នយោបាយ និងការទូតជាមួយអាស៊ាន ស្របពេលដែលរដ្ឋអាស៊ានភាគច្រើនងាកទៅជិតស្និទ្ធជាមួយចិននោះ។
ការលើកស្ទួយសិទ្ធិមនុស្សគឺវាស្របទៅនឹងចំណុចស្នូលដែលមានចែងក្នុងសៀវភៅសនយោបាយការបរទេសរបស់អូស្ត្រាលីឆ្នាំ ២០១៧ ដែល ដោយប្រយោជន៍អូស្ត្រាលីគឺផ្តោតលើការរីកចម្រើននៃប្រព័ន្ធអន្តរជាតិដែលផ្អែកលើច្បាប់អន្តរជាតិ និងការគាំទ្រសិទ្ធិនិងសេរីភាពជាមូលដ្ឋាន រួមជាមួយអភិបាលកិច្ច តម្លាភាព និងគណនេយ្យភាព។ ការលើកស្ទួយសិទ្ធិមនុស្ស និងប្រជាធិបតេយ្យជា លោកស្រី Elaine Pearson បានផ្តល់យោបល់ថា ការធ្វើគធ្វើថ្លង់ចំពោះបញ្ហាសិទ្ធិមនុស្សនៅអាស៊ានព្រោះតែចង់ប្រជែងជាមួយចិននៅតំបន់អាស៊ានឬមិនចង់រុញបណ្តារដ្ឋអាស៊ានឲ្យកាន់តែកៀតជាមួយចិននោះ ជាកំហុសឆ្គងមួយដ៏ធំរបស់អូស្ត្រាលី។
«ការបិទភ្នែកដោយសង្ឃឹមថា ចំណងសេដ្ឋកិច្ចពាណិជ្ជកម្ម និងសន្តិសុខជិតស្និទ្ធអាចនឹងជួយផ្លាស់ប្តូររដ្ឋាភិបាលដែលបំពានសិទ្ធិមនុស្សធ្ងន់ធ្ងរឲ្យទៅជារដ្ឋាភិបាលមួយគោរពសិទ្ធិមនុស្សនោះមិនអាចទៅរួចឡើយ។ កិច្ចប្រជុំកំពូលអាស៊ាន អូស្ត្រាលី មិនគួរជាឱកាសសម្រាប់ឲ្យមេដឹកនាំអូស្ត្រាលីបង្កើតបរិយាកាសសប្បាយរីករាយជាមួយមេដឹកនាំផ្តាច់ការឡើយ តែពេលដែលអូស្ត្រាលីជំរុញឲ្យមានការបញ្ឈប់ការធ្វើទុក្ខបុកម្នេញ និងបំពានសិទ្ធិធ្ងន់ធ្ងរក្នុងតំបន់។
បើតាមលោកស្រី ជំនួសឲ្យការបង្ហាត់បង្រៀន អូស្ត្រាលី គួរដាស់តឿន និងជំរុញមេដឹកនាំអាស៊ានឲ្យបន្តធ្វើការងារជាមួយក្រុមសង្គមស៊ីវិល និងសាធារណជនដើម្បីកសាងប្រជាធិបតេយ្យដែលគោរពសិទ្ធិមនុស្សបានខ្ជាប់ខ្ជួន។ ហើយអូស្ត្រាលីផ្ទាល់ដែលមានសេដ្ឋកិច្ចរីកចម្រើននោះគួរផ្តល់ជំនួយសម្រាប់ការប្រឹងប្រែងកែទម្រង់ និងធានាបាននូវការលូតលាស់នៃប្រជាធិបតេយ្យដែរ៕
Tag:
អូស្ត្រាលី
អាស៊ាន
អង្គការឃ្លាំមើលមនុស្ស
© រក្សាសិទ្ធិដោយ thmeythmey.com