លោក Michael Tse បានថ្លែងថា ក្រុមហ៊ុន GreanLeader ដែលចុះបញ្ជីផ្សារហ៊ុននៅហុងកុង ចូលមកកម្ពុជាដើម្បីបង្កើតរោងចក្រផលិតម្សៅដំឡូងមីខ្នាតធំ។ លោកបន្ថែមថា រោងចក្រទី១ នឹងត្រូវសាងសង់នៅខេត្តក្រចេះ នៅក្នុងអំឡុងខែមេសា ដោយមានសមត្ថភាពកែច្នៃដំឡូងមីជាម្សៅប្រមាណ ១០ម៉ឺនតោនក្នុងមួយឆ្នាំ។ ហើយរោងចក្រនេះត្រូវការដំឡូងមីជាវត្ថុធាតុដើមយ៉ាងតិច ៥០ម៉ឺនតោនក្នុងមួយឆ្នាំ។
 

លោក  Michael Tse បន្តថា ក្រុមហ៊ុនលោកនឹងប្រើប្រាស់យន្តការកិច្ចសន្យាកសិកម្មជាមួយកសិករ ដោយផ្ដល់នូវបច្ចេកទេស ពូជ និងធនធានមួយចំនួនទៀត។ បើតាមនាយកប្រតិបត្តិក្រុមហ៊ុន GreanLeader រូបនេះ ក្រុមហ៊ុនមួយនេះគ្រោងនឹងសាងសង់រោងចក្រច្នៃដំឡូងមីចំនួន ៥ ក្នុងរយៈពេលពីរឆ្នាំ៕