ផ្លែត្នោតយក្ស នឹងបង្ហាញខ្លួនក្នុងព្រឹត្តិការណ៍ «កំពង់ស្ពឺសង្ក្រាន្ត»

ជាតិ

សង្រ្កាន្តឆ្នាំថ្មី

ផ្លែត្នោតយក្ស នឹងបង្ហាញខ្លួនក្នុងព្រឹត្តិការណ៍ «កំពង់ស្ពឺសង្ក្រាន្ត»

18, Mar 2018 , 9:00 pm

រូបភាព

ដោយ: ញឹក ស្រីល័ក្ខ (Nhek Sreyleak)

កំពង់ស្ពឺ៖ រដ្ឋបាលខេត្តកំពង់ស្ពឺ សហការជាមួយសហភាពសហព័ន្ធយុវជនកម្ពុជាខេត្តកំពង់ស្ពឺ នឹងរៀបចំព្រឹត្តិការណ៍ «កំពង់ស្ពឺសង្ក្រាន្ត» រយៈពេល ៣ថ្ងៃ ចាប់ពីថ្ងៃទី ១៤ ដល់ ១៦ ខែមេសាខាងមុខនេះ នៅបរិវេណសួនច្បារ សម្ដេចសង្ឃរាជ ជួន ណាត ក្រុងច្បារមន។ ព្រឹត្តិការណ៍នេះ នឹងមានកម្មវិធីបែបសាសនា វប្បធម៌ ការប្រគំតន្ត្រី និងការលេងល្បែងប្រជាប្រិយជាដើម ពិសេសការតាំងបង្ហាញផ្លែត្នោតយក្សផងដែរ។ នេះបើតាមលោក សរ សុពុត្រា អភិបាលរងខេត្តកំពង់ស្ពឺ។

«កំពង់ស្ពឺសង្ក្រាន្ត» ជាព្រឹត្តិការណ៍មួយ ដែលរៀបចំដើម្បីអបអរសាទរ ពិធីបុណ្យចូលឆ្នាំថ្មី ប្រពៃណីខ្មែរ និងបង្កើតបរិយាកាសសប្បាយរីករាយដល់ប្រជាពលរដ្ឋ ក្នុងខេត្តនេះ បានចូលរួមកម្សាន្តជាមួយការលេងល្បែងប្រជាប្រិយខ្មែរ និងកម្មវិធីជាច្រើនទៀត។ ព្រឹត្តិការណ៍នេះ មានរយៈពេល ៣ថ្ងៃ ចាប់ពីថ្ងៃទី ១៤ ដល់ ១៦ ខែមេសាខាងមុខនេះ នៅបរិវេណសួនច្បារ សម្ដេចសង្ឃរាជ ជួន ណាត។

ប្រធានសហភាពសហព័ន្ធយុវជនកម្ពុជាខេត្តកំពង់ស្ពឺ និងជាអភិបាលរងខេត្តកំពង់ស្ពឺ លោក សរ សុពុត្រា បានប្រាប់សារព័ត៌មានថ្មីៗ តាមទូរសព្ទថា ព្រឹត្តិការណ៍ «កំពង់ស្ពឺសង្ក្រាន្ត» នេះ នឹងមានកម្មវិធីតាមបែបសាសនា រួមទាំងការកម្សាន្តជាច្រើន និងការបង្ហាញនូវសិល្បៈបុរាណ និង សម័យផងដែរ។ លោក សរ សុពុត្រា បន្ថែមថា ក្នុងព្រឹត្តិការណ៍នេះ មានការចួលរួមពីយុវជនតាមស្រុកនានា ក្នុងខេត្តកំពង់ស្ពឺ ដើម្បីសម្រួលដល់អ្នកចូលរួម និងបង្កើតភាពសប្បាយរីករាយក្នុងព្រឹត្តិការណ៍នេះ។

លោក សរ សុពុត្រា បញ្ជាក់ថា ព្រឹត្តិការណ៍ «កំពង់ស្ពឺសង្ក្រាន្ត» ឆ្នាំនេះ នឹងមានការតាំងបង្ហាញនូវផ្លែត្នោតយក្ស មានកម្ពស់ ២ម៉ែត្រកន្លះ បង្ហាញពីអត្តសញ្ញាណប្រទេសកម្ពុជា និងតំណាងឲ្យខេត្តកំពង់ស្ពឺ ដែលមានដើមត្នោតច្រើនផងដែរ។ ប្រធាន ស.ស.យ.ក ខេត្តកំពង់ស្ពឺរូបនេះ សង្ឃឹមថា ឆ្នាំនេះ នឹងមានប្រជាពលរដ្ឋមកកម្សាន្តច្រើនជាងឆ្នាំមុនៗ។

សូមបញ្ជាក់ថា នេះជាឆ្នាំទី ៣ហើយ ដែលរដ្ឋបាលខេត្តកំពង់ស្ពឺ និងសហភាពសហព័ន្ធយុវជនកម្ពុជាខេត្តកំពង់ស្ពឺ រៀបចំព្រឹត្តិការណ៍នេះ។ «កំពង់ស្ពឺសង្ក្រាន្ត» ឆ្នាំ២០១៨នេះ ក៏បានត្រៀមកម្លាំងការពារសណ្ដាប់ធ្នាប់ចំនួន ៣០០នាក់ផងដែរ ដើម្បីសម្រួលដល់អ្នកចូលរួម។ នេះបើតាមលោក សរ សុពុត្រា៕

សូមថ្លែងអំណរគុណដល់ក្រុមហ៊ុនដែលបានចូលរួមឧបត្ថម៖

១, ឥណទានគេហដ្ឋានរបស់ធនាគារ ស៊ីអាយអិមប៊ី ផ្តល់ជូនអត្រាការប្រាក់ 7.99% បន្ថែមជាមួយសេវាធានារ៉ាប់រងអាយុជីវិតរហូតដល់ 50,000 ដុល្លារអាមេរិក ដោយឥតគិតថ្លៃ។ សូមទំនាក់ទំនង 023 988 388 ។

២, រថយន្តប្រណីតម៉ាក Mercedes-Benz (មែសឺដេស-បិនស៍) ថ្មីៗឆ្នាំ២០១៨ កំពុងដាក់លក់នៅ ក្រុមហ៊ុន ស្តារ អូតូ (ខេមបូឌា) ខូអិលធីឌី ស្ថិតនៅមហាវិថីសម្តេច ហ៊ុន សែន ឬផ្លូវ៦០ម៉ែត្រ ភ្នំពេញ។ ទូរស័ព្ទផ្នែកលក់ 017 231 488 និងផ្នែកសេវាកម្ម ០11 726 988 ។

៣, ស្អាតដូចតារា ស្អាតបែបស៊ូណេ, ទូរស័ព្ទទំនាក់ទំនង៖ 017 800 150 / 098 5000 88 , ទីតាំងស្ថិតនៅផ្សារទំនើបសុវណ្ណា។

៤, រីករាយឆ្នាំថ្មី! បង្កើតបរិយាកាសដ៏រីករាយនៅក្នុងឆ្នាំថ្មីជាមួយ កូកា-កូឡា រសជាតិនៃអារម្មណ៍ស្រស់ស្រាយ។