អត្ថបទពាណិជ្ជកម្ម
ផលប៉ះពាល់នៃការកម្ចីក្រៅប្រព័ន្ធ
× រាជធានីភ្នំពេញ៖ តើអ្នកយល់ដឹងអ្វីខ្លះពីកម្ចីក្រៅប្រព័ន្ធ? កម្ចីក្រៅប្រព័ន្ធ គឺជាកម្ចីដែលច្រើនតែធ្វើឡើងជាមួយនឹងអ្នករកស៊ីចងការប្រាក់ ដែលគ្មានអាជ្ញាប័ណ្ណត្រឹមត្រូវ ស្ថិតនៅក្រោមរូបភាពជាអង្គការ ឬអ្នករកស៊ីចងការប្រាក់ឯកជនជាដើម។ ជាទូទៅ ចំពោះកម្ចីប្រភេទនេះ គេច្រើនគិតការប្រាក់ជាអាទិត្យ ឬរាប់រាល់ថ្ងៃក្នុងទំហំទឹកប្រាក់កម្ចីមិនច្រើននោះទេ។
ប្រជាពលរដ្ឋមួយចំនួនធំ ដែលជ្រើសរើសកម្ចីប្រភេទនេះ ច្រើនតែជាកសិករ អាជីវករ ឬអ្នកដែលត្រូវការលុយបង្វិលភ្លាមៗ ព្រោះកម្ចីមួយនេះមានភាពបទបែនខ្ពស់ និងមានសេវាឆាប់រហ័សខ្លាំង។ ក្នុងនោះដែរ ដោយសារខ្វះព័ត៌មានពីកម្ចីផ្លូវការ ក៏មានប្រជាពលរដ្ឋមួយចំនួនបានបង្ខំចិត្តទទួលប្រភេទកម្ចីនេះដែរ។
តើកម្ចីក្រៅប្រព័ន្ធមានគុណវិត្តិអ្វីខ្លះ?
ជាទូទៅ អត្រាការប្រាក់កម្ចីក្រៅប្រព័ន្ធខ្ពស់ដែលនៅចន្លោះពី ៥ភាគរយ រហូតដល់ជាង ១0ភាគរយ ក្នុងមួយខែ និងទំហំទឹកប្រាក់កម្ចីខ្ពស់បំផុតត្រឹម ២លានរៀល។ ការទាញយកអត្រាការប្រាក់ច្រើនលើសលុបជាទូទៅមានអត្រាការប្រាក់ចន្លោះពី ៥ភាគរយ រហូតដល់ជាង ១0ភាគរយ ក្នុងមួយខែពីសំណាក់អ្នករកស៊ីចងការប្រាក់ ដែលគ្មានអាជ្ញាប័ណ្ណត្រឹមត្រូវនេះ មិនបានធ្វើឲ្យប្រសើរឡើងនូវជីវភាព របស់ប្រជាពលរដ្ឋនោះទេ។ ផ្ទុយទៅវិញ ពួកគេអាចប្រឈមមុខនឹងបញ្ហាជាច្រើនដូចជា៖
- បំណុលវ័ណ្ឌក៖ ដោយសារការប្រាក់ខ្ពស់ និងរយៈពេលបង់សងត្រឡប់លឿនពេក ធ្វើឲ្យអ្នកខ្ចីប្រាក់រត់ រកខ្ចីប្រាក់ពីនេះ ពីនោះដើម្បីដោះស្រាយបញ្ហាដែលនឹងធ្វើឲ្យជាប់បំណុលគ្រប់ទីកន្លែង ហើយឈានទៅ លក់ទ្រព្យសម្បត្តិចាំបាច់ដើម្បីដោះស្រាយបំណុល។
- សេដ្ឋកិច្ចក្នុងគ្រួសារធ្លាក់ចុះ៖ ក្រៅតែមិនទទួលបានប្រាក់ចំណូលពីកម្ចីហើយ ថែមទាំងកើនការចំណាយមួយភាពធំលើការប្រាក់ថែមទៀតដែលធ្វើឲ្យជីវភាពគ្រួសារកាន់តែជួបបញ្ហា។
- មានវិវាទក្នុងគ្រួសារ៖ វាគេចមិនផុតពីការឈ្លោះប្រកែកគ្នារវាងសមាជិកនៅក្នុងគ្រួសារនោះទេ បើនិយាយពីរឿងបំណុល ហើយពេលខ្លះអាចឈានទៅរកការបែកបាក់គ្រួសារក៏មាន។
- ចំណាកស្រុកដើម្បីរកប្រាក់ចំណូលបន្ថែម៖ ដើម្បីដោះស្រាយបញ្ហានៅចំពោះមុខ សមាជិកគ្រួសារ ត្រូវបង្ខំចិត្តធ្វើចំ ណាកស្រុកទៅរកការងារធ្វើដើម្បីជួយដោះបន្ទុកគ្រួសារផងដែរ។
- ជាក់ស្តែង កសិករមួយចំនួនដែលពឹងផ្អែកទាំងស្រុងទៅលើចំណូលបានពីកសិកម្មតែមួយមុខ ហើយប្រសិនបើទិន្នផលមានការខាតបង់ ឬតម្លៃទីផ្សារចុះ នោះវានឹងប៉ះពាល់ដល់លទ្ធភាពបង់សងដែលអាចឈានរហូតដលការរឹបអូសដីធ្លី ឬផ្ទះសម្បែងក៏មាន។
អ្នកកំពុងត្រូវការប្រាក់ គួរធ្វើបែបណាដើម្បីជៀសផុតពីកម្ចីក្រៅប្រព័ន្ធ?
បច្ចុប្បន្ននេះ បើទោះបីជាច្បាប់កំពុងរឹតបន្តឹងអ្នករកស៊ីចងការប្រាក់គ្មានអាជ្ញាប័ណ្ណត្រឹមមត្រូវក៏ដោយ ក៏នៅតែស្ថានប័នឯកជន និងអ្នករកស៊ីចងការប្រាក់ជាច្រើន ដែលកំពុងផ្តល់សេវាប្រាក់កម្ចីក្រោមរូបភាពផ្សេងៗ។ ដូច្នេះប្រជាពលរដ្ឋ ត្រូវវ័យឆ្លាតក្នុងការស្វែងយល់ឲ្យបានច្បាស់ពីសេវាប្រាក់កម្ចីនីមួយៗឲ្យបាច្បាស់លាស់មុនសម្រេចចិត្តខ្ចីប្រាក់ តាមរយៈការសាកសួរផ្ទាល់ជាមួយបុគ្គលិកបម្រើការងារនៅទីនោះ ស្តាប់យោបល់អ្នកធ្លាប់មានបទពិសោធន៍ទទួលសេវាប្រាក់កម្ចីផ្ទាល់ ឬផ្តល់ប្រឹក្សាយោបល់ពីកម្ចីនៅក្នុងភូមិជាដើម។
អេ អឹម ខេ សូមលើកទឹកចិត្តឲ្យប្រជាពលរដ្ឋ ដែលកំពុងត្រូវការប្រាក់កម្ចី សូមជ្រើសរើសទទួលសេវាប្រាក់កម្ចីពីស្ថានប័នដែលអាជ្ញាប័ណ្ណត្រឹមត្រូវ ព្រោះថាស្ថានប័នប្រភេទនេះ តែងតែផ្តល់អត្រាការប្រាក់សមរម្យ និងគិតគូរពីផលប្រយោជន៍អតិថិជនជាធំ។ ជាក់ស្តែង អតិថិជនកម្ចី អេ អឹម ខេ នឹងទទួលបានសេវាធានារ៉ាប់រងគ្រោះថ្នាក់ និងសុខភាព នឹងត្រូវបានលុបបំណុលប្រសិនបើអតិថិជនទទួលមរណៈភាព។
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com