ចាប់ពីឆ្នាំ២០១៩ MG Motor India ដាក់ផែនការផលិតម៉ូដែលថ្មីជារៀងរាល់ឆ្នាំ

រថយន្ត

អន្តរជាតិ

19, Mar 2018 , 7:19 pm

រូបភាព

ក្រុមហ៊ុន MG Motor India នឹងដាក់ទឹកប្រាក់វិនិយោគសរុប៧៦៨លានដុល្លារអាមេរិក ក្នុងរយៈពេល៣ទៅ៤ឆ្នាំបន្ទាប់ លើការអភិវឌ្ឍន៍ផលិតផលថ្មីរបស់ខ្លួន បន្ថែមលើប្រាក់វិនិយោគ៣០៧.២លានដុល្លារអាមេរិកដែលមានស្រាប់។ នេះបើតាមការផ្សាយរបស់ India Times។

MG Motor India ដែលបច្ចុប្បន្ន កំពុងផលិតរថយន្តអគ្គិសនីដើម្បីប្រជែងក្នុងទីផ្សារ បានរៀបចំគម្រោងទីផ្សាររបស់ខ្លួនយ៉ាងច្បាស់លាស់ ដោយចាប់ពីឆ្នាំ២០១៩ តទៅ ក្រុមហ៊ុនមានគម្រោងផលិតបានផលិតថ្មីមួយជារៀងរាល់ឆ្នាំ។

លោក Rajeev Chaba ប្រធាន និងជានាយកគ្រប់គ្រងក្រុមហ៊ុន MG Motor India បានលើកឡើងថា៖ «យើងមិនមែនគ្រាន់តែនិយាយលួងខ្លួនឯងថា វាងាយស្រួលនោះឡើយ ប៉ុន្តែយើងដឹងច្បាស់ថា វាជាការប្រឈមដ៏ធំមួយ»។

MG Motor India ដែលជាឧបសម្ព័ន្ធរបស់ក្រុមហ៊ុនយានយន្តចិន SAIC Motor Corp ប្រកាសបង្កើតផលិតផលដំបូងរបស់ខ្លួននៅឆ្នាំ២០១៩ ជាមួយសមត្ថភាពផលិតឲ្យ៨ម៉ឺនគ្រឿងក្នុង១ឆ្នាំ សម្រាប់ជំហានទីមួយ។

កាលពីខែកញ្ញា ឆ្នាំ២០១៧ MG Motor India បានតម្លើងរោងចក្រលើកដំបូងបំផុតនៅក្នុងប្រទេសឥណ្ឌា ក្រោមគម្រោងវិនិយោគអប្បបរមា ៣០៧.២លានដុល្លារអាមេរិក ដោយមានបុគ្គលិកជំនាញ៧០នាក់។ ក្រៅពីស្រូបយកកម្លាំងពលកម្មលើជំនាញផ្សេងៗទៀត MG Motor ចង់លើកកម្ពស់ផលិតផលយានយន្តឥណ្ឌា «Make in India» និងគំនិតផ្តួចផ្តើម «Skill India»៕

ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ

3 ថ្ងៃ

តើពាក្យ«បច្ច័យ»មានន័យច្បាស់លាស់ដូចម្តេច?

4 ថ្ងៃ

អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ

11 ម៉ោង

សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង

2 ថ្ងៃ

«ភេរវកម្ម» មិនមែន «ភេវរកកម្ម» ឬ «ភារវកម្ម» ឡើយ

6 ថ្ងៃ

អត្ថបទពេញនិយមបន្ថែម